بالنسبة النا ما بعرف اذا فينا نسميها نظرة شرعية
لانو بالاساس بيكون شايفها بمكان عام ان كان عالطريق او عند احد المعارف او بالعمل او الجامعة
المهم اذا انعجب الشاب بفتاة بيسأل عنها اذا مخطوبة ان كان ما بيعرف اهلها
ومن بعدها بيدخل لعندهن عالبيت وبيحكي مع اهلها انو ناوي عالخير
وهون بتبدأ مرحلة التعارف من بعد موافقة البنت
بشوف عندنا العكس ممكن الشاب يعاني من مسألة القبول والرفض لانو بيدخل كذا بيت وبينرفض من قبل الفتاة وبيلاقي صعوبة بموافقة البنت بسرعة
وممكن ينرفض من قبل الفتاة قبل ما يدخل البيت
وبعرف اشخاص كتير بيدخلوا بيوت والرفض بيجي من البنت
لآخر شي يتم النصيب وتعطي بنت موافقة عليه
اما اذا البنت بتعرفه اذا كان من محيطها فممكن الشاب يرسلها مع اخته ان كانت بتعرفها او صديقاتها ليشوف اذا بتقبل يحكي مع اهلها ليدخل بيتهم او لا
لانو في شباب بتفضل تعرف الموافقة قبل ما يدخل عالبيت اذا كانت الفتاة بتعرفه

ومدة التعارف بتختلف حسب جهوزية الشاب المادية للزواج
انا تقدم لي 19 شاب من عمر 14 لعمر 17 وتم القبول من بينهم فقط شخصين خطيبي السابق وزوجي الحالي
مع اني بعرف الاغلبية بس للصراحة ما كنت شوف فيهن الشريك مع انو اغلبهم مرتاحين ماديا وبيتمتعوا بالعلم والاخلاق والدين وبنعرف اهلهن حق المعرفة
بس سبحان الله ما حس حالي اني ممكن كون شريكة هالشخص ولو كان وسيم بس في احساس غريب بيخليني ارفض
مع انو بعرف انو كل فتاة بتتمنى ترتبط بهيك أشخاص
ودايما يكون جوابي لتبرير الرفض اني بدي كمل علمي
ومع خطيبي السابق اشترطت كمل تعليمي
اما مع زوجي الحالي تركت التعليم بالجامعة وحسيت انو هيدا الشخص اللي ممكن كمل بقية حياتي معه


اسأل الله ان يرزقك اخي الكريم الزوجة التي تتمناها واكثر مما تتمنى
احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه