رحمت زوجك والله ...
كفاية عليه ضايع بين مشكلة امه وزوجته
وعصبيته زوجته
وتمسخرها عليه وبضعفه وتتشمت فيه وتصفه بالجبان
ترا هالصفات مو على كيفنا تكون فينا
الجبن والخوف ماحد يحب يتصف فيهم
هو شي لارادي في الشخص

بدل ماتشجعينه وتعززين ثقته بنفسه تقومين تحطمين فيه وتمسخرين فيه ..

جربي الايحاء الايجابي مع زوجك
غيري اسلوب التعامل معه ..العصبيه ماجابت نتيجه ولا راح تجيب لك نتيجه غير انها راح تضرك شخصيا مع مرور الزمن وبتتلف اعصابك

اذا تبغين زوجك يتعدل والصفات السلبيه اللي فيه تتغير

1.استخدمي سلاح الدعاء وقراءة سورة البقره
2. عالجي نفسك من العصبيه لاجل نفسك قبل زوجك واولادك ..بكرا لما يكبروا اولادك ويجننوك بمرحلة المراهقه لا تعتقدين ان العصبيه بتنفع معهم
3.. زوجك حطي ايدك بايده وعامليه ب حب وبحنان وامدحيه وطيريه للسماء حتى لو تصرفه يجلط القلب والله صدقيني بيتغير
صدقيني بينفع معه اسلوب الايحاء الايجابي بس يبغاله طولة بال
يعني قوليه ماشاء الله عليه زوجي شجاع و فيه الذرابه والسنع ويقوم بحاجة البيت
مع تكرار الكلام لحد ماياثر عليه الكلام باطنيا ويقتنع داخليا انه انسان شهم وينقلب هالشي على تصرفاته

وامه خلاص تجنبيها تمااااما ولاعاد تحتكين فيها اذا هي بغرفه روحي انت للغرفه الثانيه
خلاص طالما احتكاكما ببعض ينتج عنه مشاكل ابتعدي عنها