فيني غصه .. وقهر .. دمعتي بوسط عيني ما أبغاها تنزل عشان واحد زي زوجي ...
تخيلوا دوبنا دوبنا راجعين من الصيدلية ، الشهر اللي فات طلبت من زوجي أوميغا 3 وراح عند الصيدلي والصيدلي هذا نصحه مايأخذ أوميغا من النوعية اللي اخذها لأنهم زودوا السعر تقريبا عشره ريال فاخذ نوعية ثانيه أرخص ويمدح فيها وانا طبعا اعرف النوعيات واعرف أفضلها وأجودها اللي صار جاب لي نوعية مو جيدة قلت له انا ما أبغاها ابغى النوعية القديمة وقعد يمدح في ذي قلت هذي اعرفها ومو جيدة مثل ذيك يقول الا جيدة وأفضل وهذولاك غشاشين ومدري وش قلت طيب انا ابغى الاولى ما ابغى هذي قام عَصّب وينفخ ويبربر وقال ماني جايبه لك ... ورجعنا البيت .. المهم دوبنا قبل شوي رحنا الصيدلية اللي صار أني طلبت مرا ثانيه أوميغا 3 مع حبوب الكالسيوم وقلت انا من بداية حملي ما أخذ حبوب قال مافي وماني مضيع فلوسي ع الغافص هذي وعشان مو انتي اللي راح تدفعين من جيبك وإذا تبين تشرينها خذيها لما يصير عندك فلوس قلت بخلان علي ب 75 ريال بالشهر قال آيه غاليه وماني شاري لك شيء ... احس نفسي كرهته وماني طايقته بعد كلامه هذا !! احس مالي قيمة عنده ، لا مصروف يعطيني وحتى لما اروح الصيدلية مايخليني اشتري غيري فازلين وامواس حلاقه وشامبو وصابون ومعجون أسنان حتى فرشاة الأسنان لما ابغى اغيرها كل شهر لان الدكتور نصحني كذا يقول ليش ومو لازم وغاليه بعشرين ريال ...
انا اصلا ليش اشتغل في البيت ؟ ليش اهتم بالاطفال ؟ ليش اطبخ وارتب كل يوم وأتعب حالي وهو بخلان علي كذا ؟!! بعدين يجي عادي يضمني ويبوسني وانا احبك وربي قسم بالله أني أعشقك وتصرفاته تدل عكس دا الشيء ...