زوجي البخيل قهرني وبكاني
 

فيني غصه .. وقهر .. دمعتي بوسط عيني ما أبغاها تنزل عشان واحد زي زوجي ...
تخيلوا دوبنا دوبنا راجعين من الصيدلية ، الشهر اللي فات طلبت من زوجي أوميغا 3 وراح عند الصيدلي والصيدلي هذا نصحه مايأخذ أوميغا من النوعية اللي اخذها لأنهم زودوا السعر تقريبا عشره ريال فاخذ نوعية ثانيه أرخص ويمدح فيها وانا طبعا اعرف النوعيات واعرف أفضلها وأجودها اللي صار جاب لي نوعية مو جيدة قلت له انا ما أبغاها ابغى النوعية القديمة وقعد يمدح في ذي قلت هذي اعرفها ومو جيدة مثل ذيك يقول الا جيدة وأفضل وهذولاك غشاشين ومدري وش قلت طيب انا ابغى الاولى ما ابغى هذي قام عَصّب وينفخ ويبربر وقال ماني جايبه لك ... ورجعنا البيت .. المهم دوبنا قبل شوي رحنا الصيدلية اللي صار أني طلبت مرا ثانيه أوميغا 3 مع حبوب الكالسيوم وقلت انا من بداية حملي ما أخذ حبوب قال مافي وماني مضيع فلوسي ع الغافص هذي وعشان مو انتي اللي راح تدفعين من جيبك وإذا تبين تشرينها خذيها لما يصير عندك فلوس قلت بخلان علي ب 75 ريال بالشهر قال آيه غاليه وماني شاري لك شيء ... احس نفسي كرهته وماني طايقته بعد كلامه هذا !! احس مالي قيمة عنده ، لا مصروف يعطيني وحتى لما اروح الصيدلية مايخليني اشتري غيري فازلين وامواس حلاقه وشامبو وصابون ومعجون أسنان حتى فرشاة الأسنان لما ابغى اغيرها كل شهر لان الدكتور نصحني كذا يقول ليش ومو لازم وغاليه بعشرين ريال ...
انا اصلا ليش اشتغل في البيت ؟ ليش اهتم بالاطفال ؟ ليش اطبخ وارتب كل يوم وأتعب حالي وهو بخلان علي كذا ؟!! بعدين يجي عادي يضمني ويبوسني وانا احبك وربي قسم بالله أني أعشقك وتصرفاته تدل عكس دا الشيء ...

رد: زوجي البخيل قهرني وبكاني
 

الرجال اللي يسوي كذا يحب زوجته ؟

رد: زوجي البخيل قهرني وبكاني
 

اختي كم راتبه
هل عليه قروض ومسئوليات

رد: زوجي البخيل قهرني وبكاني
 

راتبه 12 الف ماعنده شيء غير اقساط السيارة

رد: زوجي البخيل قهرني وبكاني
 

الله يكون بعونك، من الطباع السيئة بالرجال البخل، حاولي تقرين وتبحثين كيف تقدرين تلينين راسه

رد: زوجي البخيل قهرني وبكاني
 

تخيلي يا متفائلة الفرن خربان له شهرين واعين البوتقاز خربانه كلها ماعدا وحده يقول اصلحها السنه الجايه والبيت ماحط فيه ستاير غير غرفة الضيوف و مفرش النوم مايتغير يادوب في السنه يغسلها مرا وحده وخلاص ، والصحون كلها قديمة حقت ايام الزواج ، ودواليب غرفة النوم مكسرة بسبب النقل ولما أقوله غيرها يقول بعدين لما نستقر ، و العيال اذا يبغى يشتري لهم ألعاب في السنه ثلاثه مرات او مرتين ، ودحين ماعندهم غير ثلاثه سيارات و مكعبات ومسدس من ابو عشره وإذا تكسرت يقعدوا بدون ألعاب .. و اذا جاء البرد يشتري لكل واحد لبستين وخلاص واقعد اغسل فيهم 3 شهور او 4
انا صغيره وعمري 21 سنه دوبني بأول شبابي انا تزوجت عشان اطبخ واشتغل في البيت ولا عشان ألقى واحد يحبني من جد ويدلعني ... انا استاهل أعيش كذا ؟ انا مو زيي زي باقي البنات ؟

رد: زوجي البخيل قهرني وبكاني
 

باللهي هذا يصلح يكون زوج او أب ؟ حتى يوم أولد ما القاه جنبي .. !!
انا خلاص ما ابغى اجيب منه عيال نهائي تنصحوني اربط عنق الرحم ؟!

رد: زوجي البخيل قهرني وبكاني
 

حاولي تقنعيه مثلا قولي له لمتى بتخبي الفلوس يحق لنا نتمتع بالدنيا حالنا حال الناس والفلوس مارح تاخذه معك للقبر لاسمح الله اذا صار شي له

اقنعيه بالهداوه والمسايره

وربي يهديه

رد: زوجي البخيل قهرني وبكاني
 

المشكلة الكذااااااااب يقول احبك احبك احبك ويضمني بالقوة ويحلف يميين انو يحبني بس انا ما اشوف من الحب شيء
لو كان يحبني من جد كان ماسوى معايا كذا. ....

رد: زوجي البخيل قهرني وبكاني
 

والبيت ملك ...