السلام عليكم و مرحبا مليار



شحالج فاكهة .. فضلت اكتب ف موضوع منفصل لأنهم حذفوا ردي عليج ف موضوعج



المهم وإنتي تتكلمين عن ريلج كأني اشوفه ف زوجي بالضبط بالضبط و نفس تعلقه ف الألعاب بشكل استويت اسميها عديلتي ..


المشكلة مب بس فالوقت الضايع بشكل فظيع .. المشكلة حتى ف استمتاعه و فرحته و انبساطه ينحصر بس في اللعبه ل درجة ان طلعتنا والا أوقاتنا تحسينها مجرد واجب يريد يخلص منها باسسرع وقت ممكن عشان يتفرغ للعبه ... المضحك المبكي يقولي بشتريلج تلفزون و بلايستيشن عشان تعلبين معاي ع أساس انه حل المشكلة..


مرات أفكر انه الغلط ف تفكيرهم انه وقتهم و تفكيرهم لازم يستهلك ف شي معين .. يعني لو ماشي لعبه اظن بيدورون شي ثاني يركزون فيه .. و عيالهم و الحرمة مجرد أسباب راحة لو فقدوها بيستميتون عشان يردونها.. المهم .. انا احس فيهم ضعف في الشخصيه بس سؤال انتي ريلج البكر ؟ اكبر اخوانه لأَنِّي احس انه هالشي مؤثر ..

__________________