|
انا وزوجي ... فاكهة الشتاء
السلام عليكم و مرحبا مليار hhggr
شحالج فاكهة .. فضلت اكتب ف موضوع منفصل لأنهم حذفوا ردي عليج ف موضوعجdvf المهم وإنتي تتكلمين عن ريلج كأني اشوفه ف زوجي بالضبط بالضبط و نفس تعلقه ف الألعاب بشكل استويت اسميها عديلتي .. المشكلة مب بس فالوقت الضايع بشكل فظيع .. المشكلة حتى ف استمتاعه و فرحته و انبساطه ينحصر بس في اللعبه ل درجة ان طلعتنا والا أوقاتنا تحسينها مجرد واجب يريد يخلص منها باسسرع وقت ممكن عشان يتفرغ للعبه ...:) المضحك المبكي يقولي بشتريلج تلفزون و بلايستيشن عشان تعلبين معاي ع أساس انه حل المشكلة.. مرات أفكر انه الغلط ف تفكيرهم انه وقتهم و تفكيرهم لازم يستهلك ف شي معين .. يعني لو ماشي لعبه اظن بيدورون شي ثاني يركزون فيه .. و عيالهم و الحرمة مجرد أسباب راحة لو فقدوها بيستميتون عشان يردونها.. المهم .. انا احس فيهم ضعف في الشخصيه بس سؤال انتي ريلج البكر ؟ اكبر اخوانه لأَنِّي احس انه هالشي مؤثر ..fgfg |
رد: انا وزوجي ... فاكهة الشتاء
هلا ريم حبيبتي
ان شاء الله برد عليج في أقرب فرصة بس طولي بالج شوي نعم ريلي البكر وكان مظلوم مقارنة باخوانه من أي ناحية تعتقدين ان هالشي مؤثر عليه وين الارتباط بين كونه بكر واللعب |
رد: انا وزوجي ... فاكهة الشتاء
ايوااا طحتي واقفه
لأَنِّي احس البكر يكون محمل بالمسؤولية بس دامه مظلوم معناته سيم سيم اللي عندي وضع المقارنة بين وبين اخوانه دائماً و احباطه المستمر احس هو السبب ف توجه للعب واثباته ل نفسه انه كفوووو و هالشي كبر فيه ل درجة انه نسى سبب الاحباط و التخبط اللي عاشه و استمتع بالعالم هذا .. و للأسف حتى ف بيئة العمل الاحظ انه يستميت عشان يتميز و لازال فيه مسحة من الاحباط |
رد: انا وزوجي ... فاكهة الشتاء
هلا ريم غناتي
جاوبيني شو تبيني أتناقش معاج في أي محور وشو أسئلتج بالضبط |
رد: انا وزوجي ... فاكهة الشتاء
الحلول اللي جربتيها معاه ؟
يغار عليج؟ |
رد: انا وزوجي ... فاكهة الشتاء
هلا ريم
الحلول بخصوص شو غاليتي ؟ التخفيف من اللعب أو كيف ؟ اكتبيلي بشكل أوضح علشان نفيد ونستفيد الغيرة نعم يغار علي كمثال في السوق وايد ويركز في مشيتي وحركاتي آخر مرة رحنا مطعم كنا في شبه كبينة ولكن عدالنا شباب لو وقفوا بيشوفوني كان معصب ويسب فيهم وخلاني أغير مكاني وأبادله وأعطيهم ظهري حتى ما يحب أتابع أي بلوقرز أو شباب مشاهير وما يستلطفهم ولا يتحملهم مهما كانوا مضحكين حتى من أهلي وأمي يغار ليش تسألين عن الغيرة وضحيلي تفكيرج علشان أعرف أدخل معاج في الخط |
رد: انا وزوجي ... فاكهة الشتاء
صبري الحين استمتع بالمطر هنيتوا بالرحمة غناتي
بكتب لج بالتفصيل |
| الساعة الآن 04:45 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©