السلام عليكم
مدري كيف ابدى بس انا مع زوجي مششاكل توني لي سنه وعليهااا تعبت وطفشت وبالايام الاخيره صار يتركني ويروح لزوجته الاوله ويتركني بالايام والاسابيع ولما تنحل المشكله يرجع .... انا عمري 24 وهو ب 40 ... تفكيره غييير تفكيري وتعبت من الغيرهه ... مشكلتي معه الاخيره وصلت للطلاق طلقني وراح لهااا ولا رجع لبيتي اكلمته بعد فتره بسيطه قال حلي الموضوع وارجع كل شي يقول انتي وانتي توسوسين ومدري ايشش صح حياتي كانت حلوه معه حمدلله ومرتاحه وفجاه كل شي تغير صرنا نتمشكل كثثير وصار يروح لها ويتركني بالايام صح مايقصر اذا شي للبيت وكذا بس وجوده اهم .. ابي نصايح كيف احافظ ع بيتي لان معي بنت وانا ابيه بس هو بعد عنده اعمال حره وربي نادر الاقي وقت اجلس معه وهالشي متعبني بعد اكلمه يقول هذا شغلي ماله وقت ؟؟؟ تكفون مالي غيركم قريت مواضيع هون استفدت ما اعرف كيف اتعامل معه كل شي يقول انتي مراهقه انتي صغيره اكبري ..
وكل شي انا خطا صح انا اسوي اخططا لما نتمشكل اقفل الباب واسوي مشاكل عشان مايروح بس ليش يروح بيومي ... لهاااا حتى لو زعلان ابي اقضي ع المشااااكل خربت حياتي انا م اقول فيه شي هو كويس وابيه لكن المشاكل مخربه حياتنا ...


زوجي عمله اعمال حره ساعات يطلع الصباح م يجي الا مغرب او عصر او ظهر حسب شغله ....
وانا مقدره هالشي بس لكن لما تمرر يومين او3 ورا بعض كله برا ازعل وقد قلتله ونفس جوابه شغلي ماله وقت

انا محتاجه وجوده بالبيت توني ماتهنيت من تزوجت بفتره بدا شغله لكن صح ماقصر كان يجلس عندي وهذا كان وللحين بس صاررررت قليل ....

صح انا اغلط باشياء كثثير اقفل الباب اتكلم واجيب سيره زوجته لكن لما ازعل ولما يتنقص فيني اتكلم ..
مدري وش اقول صارت اشياء كثثير وانا مخطيه فيه لكن جد ابي حد يرشدني ابي زوجي يرجع زي اول
عجزت افهم وش يبي تعبت معهه وتعبت من المشاكل كل م عشنا فتره بسيطه وترجع المشاكل ...
انا اسويها لان م استحمل شغله صار ياخذ كل وقته ...
بالمختصر الي ابيه تنصحوني ك اختكم الصغيره كلكم سوا رجال او نساء كيف اتعامل معه وش يحب الزوج
اعرف اشياء لكن تنقصني الخبره

ودعواتكم تنحل هالمشكله ع خير ويسسعدكم جممميع