السلام عليكم ورحمة الله وبركاته

حبيت أخذ أرائكم بموضوع أختي لأن مالنا خبرة بأمور الزواج

أختي زواجها بعد أقل من شهر بإذن الله
وجاء زوجها وشافها اول مره بعد الملكة وكانت زيارة سريعة جداً
يكلمها بإستمرار
اللحين يطلب يزورها بحجة (ما شفتيني ولاشفتك زين)

حنا عاداتنا ومجتمعنا توهم بادين يسمحون بالزيارات والمكالمات !!

برايكم نخليه يجي يزورها ولا لا ؟
و هو طالب لا جاء تطلع له لحالها و مايكون معها احد !

أدري بتقولون زوجته وحلاله
بس أعيد حنا عادتنا جديدة عليهم الزيارات
وحلو منا سمحناله المره الأولى لأنه من حقه يشوفها
خصوصا الزواج قريب كلها كم أسبوع ويصيرون ببيت واحد

محتارين وهو ملزم على أختي ويضغط عليهآ : (