|
محتاجة مشورتكم :$
السلام عليكم ورحمة الله وبركاته حبيت أخذ أرائكم بموضوع أختي لأن مالنا خبرة بأمور الزواج أختي زواجها بعد أقل من شهر بإذن الله وجاء زوجها وشافها اول مره بعد الملكة وكانت زيارة سريعة جداً يكلمها بإستمرار اللحين يطلب يزورها بحجة (ما شفتيني ولاشفتك زين) حنا عاداتنا ومجتمعنا توهم بادين يسمحون بالزيارات والمكالمات !! برايكم نخليه يجي يزورها ولا لا ؟ و هو طالب لا جاء تطلع له لحالها و مايكون معها احد ! أدري بتقولون زوجته وحلاله بس أعيد حنا عادتنا جديدة عليهم الزيارات :30: وحلو منا سمحناله المره الأولى لأنه من حقه يشوفها خصوصا الزواج قريب كلها كم أسبوع ويصيرون ببيت واحد :25: محتارين وهو ملزم على أختي ويضغط عليهآ : ( |
رد : محتاجة مشورتكم :$
اذا اهلك سمحو له يجي يزور خطيبته عادي تخليه يجي ويشوفها ويسولف وياها
|
رد : محتاجة مشورتكم :$
ادا متواصل معاها عن طريق الهاتف و شافها بالنظرة الشرعية و بعد ايام قلائل راح تكون ببيته وش الغرض من الزيارة و ليه ما قال ازور من قبل
على العموم ادا ابوك متفهم خالي امك تقوله و ادا اعطاكم موافقة خلوه يزورها وين المشكلة يعني او خلوه يجي يطلعها مشوار و ادا فيه حرج لا يكلف الله نفسا الا وسعها قولولوا الحقيقة و العادات و انشاء الله يتفهم الله يجمع بينهم بالخير |
رد : محتاجة مشورتكم :$
مشوها ولا تدققون
وخذوا الموضوع بأريحيه عشان لا يصير فيه تصادمات ويقعد في النفس شي وسددوا وقاربوا وأظهروا إنكم أسرة محترمة وفي نفس الوقت خلوهم يعيشون حياتهم |
رد : محتاجة مشورتكم :$
اذا انتم منحرجين..خليها تقول له بابا رافض الموضوع وخلاص
مع انه هذا من حقه..هم بحكم المتزوجين..وحلو يشوفها ويقعد معاها قبل العرس يمكن الرجال يبي يكسر حاجز الخوف |
رد : محتاجة مشورتكم :$
انا اشوف انه عادي يجي وهذا من حقه
وعادي لو جلسو لوحدهم هي زوجته وبعدين فرحهم قريب ما فيه داعي للرفض حتى لو ان الموضوع جديد عليكم بعدين كلها زياره وجلسه لوحدهم وهذا من ابسط حقوقهم اسئل الله ان يوفقهم ويسعدهم |
رد : محتاجة مشورتكم :$
ياحليله يبي يقز زين
عادي وليش لا يمكن ماستوعب اول مره |
رد : محتاجة مشورتكم :$
الحمدالله ربي فتح عليكم ’
واكيد إيوه مَ دام مملكين |
رد : محتاجة مشورتكم :$
السلام عليكم
اختي أنا مثلك عاداتنا توهم بادين يسمحون بالمكالمات والزيارات.. من تجربه للي حولي افضل لا تسمح له يزوها لان هذا الشي جديد عليكم ماتدرين كيف نظرة الزوج وكيف نظرة مجتمع الرجال الي حوله لانه ممكن يقولو عند زوجها كلمه تغير نظرته لها وحده أعرفها بعد الملكه زارهم زوجها طلب من إخوانها أنه يجلس معها رفضت كلش قام أخذ رقم جوالها من إخوانها وارسل لها انه يفتخر فيها لانها تستحي وجمال المرأءه حياءها شوفي مع انه هو الي طلب يشوفها إلا انه أعجب فيها انها رفضت لان هذا الشي الى الحين ماتعودو عليه ولكل شخص نظره فيه فامادري كيف نظرة زوجها ممكن هذا الشي عنده عادي ويجي احد يأثر فيه وممكن مايتاثر فأفضل لها الشي الي تحس فيه ريبه تبعد عنه أتمني أني أكون وصلت لك معلومه تستفيدي منها ... الله يوفق اختك وبنات المسلمين |
| الساعة الآن 09:03 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©