السلام عليكم
بدخل في الموضوع على طول
حاسه أني خدامه مو زوجه
يدخل البيت يأكل ينام
مايعطيني وجه واذا عطاني تطنز علي
اليوم خلاص وصلت معي احس حياتي روتين بدون زوج
اربيله عياله بدون مقابل
حتى تصدقون مايبيني اسوي شي البناتي من قص شعر
او تسريحه مره قصيت شعر وحده منهم قوم الدنيا علي
وقال انتي مالك حق تقصين شعره انتي تلبسين وتحفظين بس
وواذا تبي تسوين شي بشكالهم لازم يكون عندي خبر
وزعل علي3 ايام ورحت البيت اهلي بعد ماشفته مطنشتي
وعرفو اهلي بالسالفه ابوي الا الحين كل مايتذكر السالفه
يضحك يقول امك تصلعكم ماعمري زعلت ولا اهتم اصلا
طبعا احترمت وجهة نظر زوجي وقمت مااخلي المقص
يلمس شعورهم
عشان مايزعل
هذا غير انه مايجلس بالبيت الا نادر جدا ومخلي كل مسؤليات البنات علي
ضايق خلقي منه والله أصيح من الوحده وهو ولا هامه
الايباد ولابتوب ماأقدر امسكهم من ازعاج بناتي راحه مافيه
معتمده علي نفسي لا شغاله ولا شي بيتي كل يوم انظفه مهتمه بنفسي ومع ذالك ينتقد
يخليني انزل3 ادوار من لإعماره ومافيها اصنصير ولا شي ومعي بنت بالمهاد و ثانيه سنتين وهو تحت ينتظرنا ماكلف نفسه يصعد يساعدني وإذ قلتله تعال ساعدني عصب وسوا سالفه
تعبت من حالي محبوسه وهو ولا درا عني
ادري في ناس حالهم اصعب مني مع أزواجهم بس أنا حاسه انه في حل بس ماعرفت احلها