ما ادري له انتم مو فاهمين الحرمه

انتم يمكن ماجربتو الظلم هي تنرفزت وصرخت لان الي صار فيها مو قليل لو كانت في بيتها عندي اهون لكن ينادونا في بيتهم


ويتفقون عليها ويتكلمون عليها عند سلفاتها وحمواتها

من جد شي يقهر ويحسسك انك عند مجموعه تكرهك ومتعاونه عليك وحتى زوجها الي هو سندها واقف ضدها

اكيد ماراح تنسى الموقف مو لانها انسانه قاسيه او انسانه بعيده عن الله

بالعكس هم الي مايخافون الله الي يتهمونها ويسوون فيها الموقف هذا

انا متاكده انها ماراح تنسى لو مع مرور الايام والسنين سواء مساله تخص الشرف او غيره

الظلم بحد ذاته شي كبير وماينسكت عليه

يعني عشان ام زوجها وزوجها تسكت عن حقها وتذل نفسها لهم

تبغونها تكون مكسوره وتبكي وتسكت عشان كل شيء يصير ضدها الله مايرضى بالظلم ليه نرضاه على انفسنا

اذا بيعاملوني كويس بحطهم على راسي واذا احد اهاني لا الانسان عنده كرامه وعنده عزه نفس ومحد يرضى على نفسه بالظلم

اذا هي مانسيت هذا شي طبيعي لانها مجروحه والجرح مايندمل بسرعه

هي ماقالت انها حاقده عليهم وتدعي عليهم ليل نهار هي قالت انها مانست الصدمه الي تعرضت لها وهذا شي طبيعي

لاتكونو مثاليين وفكر بالعقل

انا معاك يا اختي وحاسه فيك وعجبني تصرفك كثير لانك بكذا تخلينهم يعملون الف حساب قبل لا يغلطون عليك

انتي طنشيهم وماعليك منهم دامهم اعتذرو وزوجك اكيد اخذ درس وماراح يعيدها مره ثانيه

ومافي انسان معصوم من الخطاء

والي مهونها انه اعتذر وحس بغلطه في رجال يهين زوجته ويضربها قدام اهله ولا يعتذر وفي نفس اليوم ينام معها اخر الليل وكان شيء ماصار

لكن زوجك يحبك ويفكر في رضاك

عشان كذا ادعي ادعي ادعي ادعي والحي في الدعاء اخر اليل ان الله يهونها عليك وينسيك الي صار


تحياتي لك ولكل أمره شجاعه تعز نفسها ولا ترضى على نفسها بالذل