أختي الكريمه وردة الرياض بسألك جارتك كم عندها عيال وقد إيش أعمارهم يعني يقدروا يعرفوا ويميزوا بين الأشخاص إللي تدخل بيتهم إذا كان عيال جارتك يفهمون شوي
بإمكانك لما يجونك البيت لحالهم تلعبي معاهم وتشيلي بوك صور لزوجك وتفرجينهم عليه وتاخذي وتعطي معاهم بالسوالف وقولي لهم لو جاء أبو كم من دوامه هاذي المره أنا وزوجي هاذا إللي بالصوره بنمر عندكم زياره علشان هاذا اللي في الصوره يبغى يشوف بيتكم لأنه ما قد شافه من أول ولا قد جاكم زياره في بيتكم صح حبايبي بعدين إسأليهم بطريقه عفويه هاذا إللي في الصوره يجي عندكم البيت لو قالوا لك أيوه يجينا البيت إسأليهم متى جاهم البيت ومن بعدها بعد ماتجمعي أدله أخرى على زوجك كافيه تقدري تواجهينه فيها .

بالرغم من إني أنا شخصيا مستبعده إن بينهم علاقه ويمكن الأشياء إللي صارت بالصدف بالنسبه لأسألتهم عن بعض أتوقع إنه زيادة فضول يعني كل واحد يحب يعرف عن الآخر أ كثر عن طريقك أنتي لأنه لو هو فعلا بينهم علاقه ويعرفها صدقيني كان ماراح يسأل عنها علشان ماتشكين فيه
ولعلمك ترى فيه نوعيه من بعض الرجال تحب تسأل عن الجارات والأ قار ب وحتى عن أوصافهم ولبسهم ومو ضروري يسأل زوجته أحيان يسأل أمه وأخته وخالته مجرد فضول فقط لاغير ويمكن زوجك من هاذي النوعيه يحب يسأل عن سوالف النسوان وتجدينه يستمتع بأي سالفه فيها ذكر للحريم ويسأل ويدقق في الإجابات ويمكن إنك إنتي كنتي تنقلين لزوجك إهتمام جارتك وأسئلتها عنه بشكل عفوي يمكن كنتي تشتكين لزوجك من تضايقك من أسلوبها ومن طريقة أسألتها المستمره فلفتي نظره لها بطريقه غير مقصوده تذكري في نفسك زين هل سبق و تكلمتي مع زوجك في جارتك حتى لو كان تشتكين منها يمكن من طريقة كلامك عنها خلا زوجك يطارد أخبارها ويسألك عنها ويمكن في باله إن جارتك مهتمه فيه وعنده فضول يعرف وش سر هالإهتمام إللي من جانبها فأنا أقول لك تريضي وإمسكي لسانك عن ذكرها عند زوجك وكمان إحفظي أسرار بيتك منها ولاتعطينها وجه وإذا ضايقتك بالمره مافيه غير حل واحد إنك تمسكينها وتقولي لها بالحرف الواحد فلانه أنا ضايقتك بشئ أو تكلمت فيك عند أحد أو أسأت إليك بشكل مباشر أو غير مباشر
حتى تجاوبك بعدين قولي لها إسمعي حنا جارات ومثل الأخوات وبيننا عيش وملح وأنا أبغى أصارحك بشئ فيك مضايقني وهو أسألتك عن زوجي وكلامك عن زوجي ما أعجبني وأتضايق من طريقة أسألتك أنا ماعمري تدخلت في خصوصياتك ولاسألتك عن زوجك وين راح ووين جاء وأرجوك إذا بغيتي جيرتنا وأخوتنا تستمر بدون ما أي وحده فينا تدخل في حياة الأخرى فأهلا وسهلا وإن كان تقولي إنك تبغي تحشري نفسك
في أمور حياتي الخاصه وتسأليني عن زوجي في الطالعه والنازله فبيتي يتعذرك وإعتبري مجورتنا وأخوتنا إنتهت
من الآن وكل واحده منا ترو ح في حال سبيلها.
وشوفي ردة فعلها وإيش تقول لك لأن في مثل هالأمور ماعاد تنفع غير الصراحه السكوت ماراح ينفع وأنتي إستعيني بالله عليهم وربنا يوفقك إن شاء الله وكمان لاتنسي إنتي حامل وكثر التفكير والهواجس تتعب نفسيتك
وتتعب الطفل فإنتبهي لنفسك زين في هاذي الفتره وريحي نفسك نسأل الله أن يسهل لك ولادتك ويرزقك الطفل السليم المعافى إللي تقر به عينك يارب .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله