عزيزتي نبض ..
حياك الله .. مشكلة زوجك مو فقط العيوب الي ذكرتيها
مشكلته مشكلة الكثير من ابناء شعبنا الكريم .. التنكر للاخطاء
والتعامي عنها ..
زوجك مو راضي يصحح سلوكياته الغلط .. اذا تبينه يتغير
اول شي لازم تسوينه انك تقنعينه ان كل واحد فيه عيوب لازم
تتغير للاحسن قدر الامكان عشان تمشي الحياة ..
اذا لسا فيك صبر ولسى تحبينه ( وانا اتمنى هالشي )
فاقترح عليك شغلتين : كل ما طول لسانه لا تردين .. ولا تطالعين
فيه حتى .. عتب صامت .. كرري هالحركة شوفي من رابع او خامس
مرة وش يصير .. ان شالله بيستحي على وجهه وبيحس انه زودها
الشي الثاني .. لمن تجين تصارحينه اختاري وقت مناسب .. وابدي بنفسك اول
يعني لاتقولين من اولها : انا ملاحظة عليك كذا وكذا ويا ليت تسوي كذا
لا .. جيبيها من تحت لتحت يعني مثلا قولي له عن غلطة يسوونها بعض المتزوجات
(افتحي الموضوع بشكل مناسب ) .. وهو بياخذ راحته بالحكي .. بعدها
قولي له طيب انا فيني هالاشياء ؟؟ فيه شي مضايقك مني .. بيقول لك
بعدها .. ابدي انتي من تحت لتحت قولي يا ليت ماتسوي كذا لو تقول كذا
نبض ترى احيانا طريقتنا بتوجيه الناس لاغلاطهم تكون غلط .. تكون بشكل مهين
وحنا مانحس بانفسنا عشان كذا ردة فعلهم تكون عنيفة ..
اذا زوجك مقتنع بغلطه ومقتنع بانه يتغير للاحسن .. كذا تمام
لكن اذا زوجك ماهو مقتنع وكل شي عنده تمام .. ماني قايلة لك ابلعيها
واسكتي زي الباقين !! لا يكلف الله نفسا الا وسعها الزوجة ماهي مطالبة
بالسكوت عن سوء العشرة .. وما راح يعاقبك ربي عشان رفضتي تعيشين
مع انسان ما يحترمك .. بامكانك تنفصلين عنه .. لكن خلي الانفصال اااااااااخر الحلول
بعد ما تجربين كل الحلول السلمية ..
الله ييسر لك امورك
__________________
شتان .. بين من تسيره مبادئه ، ومن تسيره مصالحه
26-01-2011, 11:42 AM
ضوابط المشاركة
العرض الشجري