السلام عليكم أخواني أخواتي

انا في عندي مشكلة عويصة جدا جدا جدا
وما قلتلكم القصة الا أني طالب مساعدتكم

أنا شاب في مقتبل العمر وسييم والحمدلله أعيش في جدة وأبلغ من العمر 23 سنة يعني لسة في مقتبل العمر

اهلي في يوم من الايام اجتمعو وقررو انهم يزوجوني
طبعا انا اعترضت على الفكرة لاني لسة ما كونت نفسي

وبعد ما جننوني اهلي اتزوج اتزوج قررت الزواج حتى ابعدهم عني وأفتك منهم

في يوم من الايام كان في زواج لناس من اقاربنا ووصلت اهلي على اساس انهم رايحين يشوفو لي عروسة

وفي الساعة 4 الفجر رجعت اخذ اهلي امي وخواتي
من الزواج
اول ما طلعو على السيارة قالولي اسكت
لقينا لك واحدة تشبه ( مي عز الدين ) اكيد الكل بيعرف مي عز الدين

طبعا انا فرحت وطول الاسبوع وانا افكر في مي عز الدين

المهم اهلي كلمو اهلها واخذو موعد للخطوبة ورحت اشوف البنت النظرة الشرعية

اشتريت يا اخواني عطورات وورد بحوالي 1000 ريال سعودي


ورحت اشوف العروسة


المفاجئة

طلعت البنت في جهة ومي عز الدين في جهة
طبعا البنت ما كانت حلوة ابدا ابدا ابدا

اول ماشفت البنت جا تفكيري على العطور والورد الي ب1000 ريال

حزنت عليها


وفكرت كيف اجنن اهلي على شان ذوقهم الفاشل

المهم خرجنا من بيت الناس وطلعو معايا اهلي في السيارة طول الطريق على ماشي سرعة 200
وهم يصراخو طول الطريق


انتقاما منهم


المهم يا اخواني يا خواتي انا الحين خايف من ذووووق اهلي


خايف يفشلوني مرة تانية وثلاثة


باختصار

ماصرت اثق في ذووووقهم


بالله عليكم تقولو لي ايش اعمل