|
مشكلتي في ذوق اهلي
السلام عليكم أخواني أخواتي
انا في عندي مشكلة عويصة جدا جدا جدا وما قلتلكم القصة الا أني طالب مساعدتكم أنا شاب في مقتبل العمر وسييم والحمدلله أعيش في جدة وأبلغ من العمر 23 سنة يعني لسة في مقتبل العمر اهلي في يوم من الايام اجتمعو وقررو انهم يزوجوني طبعا انا اعترضت على الفكرة لاني لسة ما كونت نفسي وبعد ما جننوني اهلي اتزوج اتزوج قررت الزواج حتى ابعدهم عني وأفتك منهم في يوم من الايام كان في زواج لناس من اقاربنا ووصلت اهلي على اساس انهم رايحين يشوفو لي عروسة وفي الساعة 4 الفجر رجعت اخذ اهلي امي وخواتي من الزواج اول ما طلعو على السيارة قالولي اسكت لقينا لك واحدة تشبه ( مي عز الدين ) اكيد الكل بيعرف مي عز الدين طبعا انا فرحت وطول الاسبوع وانا افكر في مي عز الدين المهم اهلي كلمو اهلها واخذو موعد للخطوبة ورحت اشوف البنت النظرة الشرعية اشتريت يا اخواني عطورات وورد بحوالي 1000 ريال سعودي ورحت اشوف العروسة المفاجئة طلعت البنت في جهة ومي عز الدين في جهة طبعا البنت ما كانت حلوة ابدا ابدا ابدا اول ماشفت البنت جا تفكيري على العطور والورد الي ب1000 ريال حزنت عليها وفكرت كيف اجنن اهلي على شان ذوقهم الفاشل المهم خرجنا من بيت الناس وطلعو معايا اهلي في السيارة طول الطريق على ماشي سرعة 200 وهم يصراخو طول الطريق انتقاما منهم المهم يا اخواني يا خواتي انا الحين خايف من ذووووق اهلي خايف يفشلوني مرة تانية وثلاثة باختصار ماصرت اثق في ذووووقهم بالله عليكم تقولو لي ايش اعمل |
السلام عليكم و رحمة الله و بركاته فعلا انت بمقتبل العمر و مشكلتك يا خوي مو بذيك الخطورة قبل كل شي لا بد يكون عندك اقتناع داخلي بأن نظرة الأشخاص تختلف يعني نظرتك تختلف عن نظرة الوالدة و عن نظرة اخوانك و اصدقائك و ثانيا ابغاك تعرف شغله و هي ان من الخطأ الام تخطب لإبنها و تختار له عروس في حفل زواج لأن البنات اكيد بكامل زينتهم و مثلما الكل يعرف المكياج يغير كثير لذلك انصحك لوجه الله قبل تخطب اي بنت اسأل عن اهلها و اخوانها و سمعتهم و اترك مسألة الجمال لبعد النظرة الشرعية لأنك اذا رسمت صورة معينة في بالك للعروس و وجدت خلافها اكيد راح تغير رأيك و بكذا ما راح تختار ابدا مثلما قلت لك اترك الجمال آخر حساباتك يعني لا تتصورها مثل هذي و ذيك أسأل الله ان يقر عينيك بزوجة صالحة ناصحة تسرك اذا نظرت اليها و تحفظك في نفسها و مالها اذا غبت عنها .. تقبل مروري .. تحيـــــــــــــــــــآاتي |
عجبتني حركة مي عز الدين ;)
يا حليل أهلك والله .. لكن الموضوع ما يستاهل أنك تنتقم منهم الله يهديك .. 200 عاد! .. يعني لو سويت بهم حادث لا سمح الله!!!!! أخي الفاضل .. تدرك دون شك أن الجمال نسبي .. ومن رأوها أهلك مي عز الدين ربما يراها غيرهم عبلة كامل!! (على فكرة أنا أرى أن عبلة كاملة حلوة يعني أنا لا أسخر من شكلها معاذ الله) القصد لا تعتمد على كلام أهلك بشأن شكل العروس .. وفي حال قررت التوجه لبيت فلان فاذهب على أساس الدين والأخلاق وحتى بعض صفات الشخصية إن تيسر لك معرفة ذلك .. أما الشكل فانتظر موعد النظرة الشرعية وعندها قرر ما إذا أعجبتك البنت أم لا. وقبل ذلك .. ربما لو تحدثت مع أهلك وشرحت لهم بعض مقاييس الجمال والشكل عندك لوضحت الصورة في ذهنهم أكثر عندما يبحثون لك عن عروس. الأمر الآخر .. أتفق تماماً مع الأخت حنونة بطبعي في نقطة عدم البحث لك عن عروس في الأعراس .. لأن المكياج الذي تستخدمه البنات في الغالب ثقيل ومزدجم بالألوان ويغير الملامح تماماً. وأساساً .. منذ البداية ما دمت غير مستعد للزواج الآن فلماذا ترضخ لإلحاح أهلك؟ يا أخي دعهم يلحون ويصرون كما يشاؤون .. في النهاية هو مجرد كلام ولن يزوجك أحد بالغصب .. ولكن لا تتزوج مادمت غير مستعد بالفعل. وفقك الله. |
شكرا
اقتباس:
شكرا لك على ذوووقك انا زعلان على الموضوع بس بجد الله يخليكي ما قصرتي وخليتيني اضحك لما قرئت ردك وصدقيني يا اخت انا مارديت على الحاح اهلي الا بسبب الزن أنا أكره الزن لكن يا ستي شكرا على ابداء رئيك واتمنى من ربي يوفقك ويرزقك بالانسان الي يستر عليكي ويهنيكي |
اقتباس:
احذر من السرعه اول شي تانى شي اهم شي في البنت اخلاقها ولو تبي جمال خلى احد من اهلك تثق في ذوقوا يشوفلك وبالتوفيق |
اسمع اخوي بما انك خاطب خاطب
فدور لك على وحده من خواتك يكون ذوقك قريب من ذوقها او تكون تعرف لذوقك وشو اللي يعجبك واذا مافيه احد من اخواتك تفهم ذوقك اجلس مع اقرب وحده لك وقل لها ابغى مواصفاتها تكون كذا وكذا بدون مبالغه يعني مثلا تكون ناعمه ملامحها هاديه بيضاء شي زي كذا واضح مو تعقيد هذا مثال وانت قل اللي براسك واهتم بالاخلاق ترى الجمال والله مايفيد كثر الاخلاق حلو تاخذ وحده عاديه واو اكثر بس اخلااقها حلوة وعسل فيه ناس تنحب من الاسلوب بعدين لاتخلي اهلك يشبهونها باي ممثله قل لهم اذ تشبه اي احد لاتقولون لي لانو بتحط في راسك صورة اللممثله وبتتخيل ان هالممثله جالسه قدامك مو بس شبه فالافضل انهم مايشبهونها بأحد عشان ماتأمل بشي مو موجود بعدين الله يهديك جايب هدايا في النظرة الشرعه اسمحلي اخوي بكلمك كنك اخوي جد اللحين انت واثق انها بتعجبك ......... واثق انهم راح يوافقون ............ متوقع ان الزواج بهالسهوله يدورون لك وحده وبسرعه تلقها وعلى طول تدخل مزاجك........اعرف ناس جلسو سنتين يدورون لولدهم وكل ماشاف وحده ماتعجبه ياخي لاتخسر عمرك هدايا بألف توك لالاتتحمس مرة عاد ايه باين انه ماودك تعرس الا شكلك اغصبني واتغيصب وفر الفلوس للمهر واذا لقيت بنت الحلال بعد الملكه جب لها كل الهدايا وبعد عندي نصيحه انت وش تبغى البنت تبغاها ثقل .......مزاحه ......... دلوعه ........<<<شي يكون اساسي عندك لاني اعرف واحد متزوج وحده ملكه جمال وبيتزوج عليه ...........تتوقع ليش يقول ماتتكلم كثير كلامها قلليل وثقل مررررررررره مامزح معها يقول اروح خط من الرياض للشرقيه وماتتكلم انا بس اللي اسولف مو توهم متزوجين لا صار له 7سنوات متزوج والحين يقول ابي اخذ وحده ماتقعد بمكانها بس تجري وتلعب يعني فكر بكل الامور وتكلم مع اهلك بكل شي بما انك توك وبيدك الخيار والله يوفقك |
كلامكم كله حلو
في ناس من اهلي ممكن يشوفو لي واحدة كويسة وحلوة بس المشكلة انه امي وخواتي راح يزعلو ووانا بصراحة مقدر على زعل امي ايش اعمل |
اقتباس:
يا خوي الزواج لا تصلح معه المجاملة ولا جبر الخواطر .. أمك تريدك أن تتزوج .. على العين والراس وسمعاً وطاعة .. لكن أن نحبّك الموضوع ونعقده ونقول (الا امي وخواتي هم اللي يختارون) فهذا ما لا أوافقك عليه. |
اقتباس:
..... والله البنت مافيها ولا ذرة جمال الي شاف مو زي الي سمع انا قابل بنص ولا اقلك بربع جمال بس المشكلة خلاص مافي ثقة في ذوووق اهلي |
الأذواق بتختلف ..
وطبعاً احياناً مع الأاهل مثل ما قلت بيشوفوا وحده (زي القمر ) وانت ما بتعجبك بالمرة ... حتى بين الشباب ... انت مثلأً بتعجبك مي عز الدين ! غيرك ما بتعجبه !!! اعمل كما قال الأخوات .. حاول توصل لهم صورة معينة عن ذوقك .. وحاول تجمع بين الدين والجمال .. بيكون أفضل الك .. بالتوفيق ... |
| الساعة الآن 06:04 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©