السلام عليكم ورحمة الله وبركاته
كان اول موضوع لي في المنتدى قبل سنتين او اكثر في موضوع صديقي اللي كنت اتوقع بيكلمني عن اخته بخصوص انه يعرض علي خطبتها من باب حرصه عليها والحمدالله كانت بدايتي لانضمامي بالمنتدى..
بعد موضوعي السابق قابلته (قبل سنتين)...وتمشينا وكلمني عن الزواج بشكل عام ولكن رفضت الفكرة بسبب دراستي وان الحالة المادية لاتسمح لي بالزواج وتقبل رأيي وسكت... ولكن الظاهر الموضوع لازال في باله ولم ينسى
مرت الايام والسنين والحمدالله تخرجت وتوظفت وذهبت زيارة للأهل في فترة العيد اللي راح وكان حريص على مقابلتي ... وبالفعل قابلته وتمشينا وكلمني عن الزواج ولكن هالمرة خصص اخته ودار بيننا حوار طويل.. اختصار الحديث اني قلتله برسل اهلي يزورونكم في العيد لان اهالينا يعرفون بعض واكيد بيشوفون البنت ولكل حادث حديث... قال خلاص ماعندي اي مانع
الاهل شافوها (بدون اي كلام او خطبة) ولكن لم تكن المواصفات اللي طلبتها رغم ان طلباتي كانت جدا عادية
كلموني اهلي وش رايك قلتلهم لا خلاص.. لان مابي استمر واتقدم للخطبة واشوفها النظرة الشرعية وبعدين انسحب.. من الحين احسن
وسؤالي هل ارد على الولد بانسحابي او اسكت وما كأن شي صار؟ طيب لو رديت عليه وش اقول لان ماودي اجرح في اخته وهي مافيها شي اللهم انها مو نفس المواصفات اللي في بالي!
لان الظاهر من كلام اهلي ان الام وبنتها عندهم خبر بالموضوع وماتمنيته قالهم بس هذا اللي صار
حتى اهلي والوالدة مو عارفين اسكت او اكلم الولد.. مع ان الوالدة كبيرة وعندها خبرة الا انها مرة تقولي كلمه ومرة تقولي لا تكلمه من حيرتها
شوروا علي الله يجزاكم خير
__________________
يامن ضاقت به الدنيا بما رحبت
هل دعوت الله وتوكلت عليه سبحانه وتعالى واخذت بالاسباب؟
09-10-2009, 01:32 PM
ضوابط المشاركة
العرض الشجري