ماذا سأرد على صديقي بخصوص اخته
 

طيب اذهب وشاهدها ربما عسى وعلى تعجبك او ينشرح صدرك


او هي ما تنشرح هي لك ثم هذه حياتك وانت اللي تختار

لا أخفيك


أنا مريت بنفس الموقف ، وكل فترة ينعاد الموضوع مرة ثانية


مرة يعرض علي أخته ، ومرة يعرض علي بنت عمه ومره بنت خاله


وأنا أقدر له هذا الموقف ، وأقدر له حسن ظنه بي ، وغير كذا العائلة ما عليها قاصر

بس نفس ما قلت أنت : ما هم نفس مواصفاتي


والمسألة مسالة زواج ، يعني ما فيها مجاملة


ولما جاني يسألني عن الموضوع ووش صار ، قلت له : مافيه نصيب والله يرزقها بخير مني


لأن لما صرح لي صرحت له

وبعدها صار يلمح لي على بنات يقربن له ، صرت ألمح له وأقول : الله ييسر ، الله يكتب الصالح




باختصار ، لا ترد عليه وقفل الموضوع إلا إذا فاتحك بالموضوع ، وأصلا هو لو كان ذكي بيفهمها إنك ما تبي أخته لأنكم ما رديتوا عليهم بنفس الوقت





والله يكتب لك ويكتب لي الصالح

الزواج مافيه مجاملة يا اخوي هذي عشرة عمر

موعاجبينكم خلاص

أحسن من بكرة تتزوجها وتدخل عليها واخوها الي جاي يبي يزوجك اخته

يصير عدوك إذا صارت مشكلة بينك وبين اخته او طلقتها لو ما ناسبتك

اقصر على نفسك معناة سنين وخلك صريح لو صرح لك

ولا تجامل على حساب نفسك ومستقبلك وحياتك

لأن هذا حق من حقوقك

اهلا بك اختي قرين/

والله لما خبروني اهلي بالمواصفات اغلبها ماهي نفس اللي ببالي.. لذلك قلت اختصر الموضوع وانهيه



اهلا بك اخوي زوج في المستقل/

تصدق ريحت بالي بردك... لانك فعلا مريت فيه وحسيت خصوصا اذا المواصفات ما جات نفس اللي بالبال ومستحيل اجامل في هالموضوع بالذات لانه شراكة عمر

وهذا اللي بيصير ما راح اتكلم الا اذا جاني قلتله مافيه نصيب يا ابوفلان
والله يكتبلك اللي فيه خير وييسر امرك اخوي زوج


مشكورين والله يجزاكم كل خير

مرحبا فيك اختي باريسا/

وفكرتك نفس الفكرة اللي في بالي لا راح اظلم نفسي ولا اظلمها معي ... ونبعد عن المشاكل من الآن

اشكرك على ردك والله يجزاك خير

طيب هذا صاحبك شكلو جميل او قصدي حسن الوجه

وهل اخته تشبهه مثلا في الوجه


طريقة كلامو معك مهضوم


انا رأي اذهب للروئيه الشرعيه ومن ثم اعطي قرارك


او قل له استخير وبعدها قل ما في نصيب

طيب ايه شروطك العادية دي ؟؟؟

وهل في مجال ان وجهة نظر أهلك للبنت تكون مختلفة عن وجهة نظرك ؟؟؟

لأن نظرة الرجل للمرأة مختلفة تماما عن نظرة المرأة للمرأة !

أنا بعد وجهة نظري بالموضوع نفس الرد اللي فوق ردي

وبعدين هو عرض عليك الموضوع وعرض عليك موضوع جدا حساس وحط امانته فيك وكلمك بأخته رغم أنه ملايين من الناس مجرد ما تطري لهم الموضوع هذا دمهم يفور وأنت سبحان الله يرزقك بصديق وثق فيك ثقه عمياء أنا ما أقول ولا أحاول أقنعك أنك توافق علي الزواجه هذه أذا البنت مو عاجبتك

بس أسمح لي يا خوي ردة فعلك جدا جدا جدا قاسيه وأنهزاميه علي صديقك علي الأقل
ومهما كانت تصورك وأحلامك ومواصفاتك مع البنت اللي بتفكيرك بس أنت تريد والله يفعل ما يريد

نصيحتي لك روح لبي علي الأقل طلب أخوك وصديقك وبعد كذا تقدر تحكم وتقرر تمشي بالموضوع والا تصارح صديقك
أنه ما في نصيب وقبل ما تروح له اقعد معاه وفهمه وقوله تراك انت جائ لشوفه ويمكن يصير نصيب ويمكن ما يصير

والله علي الأقل هذا التصرف فيه نوع من المبادره منك وقبول صديقك بس ما صار نصيب بس اذا مارحت أو ما كلمته
معناه هذا الكلام أنك قاعد تفشل صديقك وتحقره وراح يندم انه فاتحك بالموضوع هذا

يعني عامله بالمثل هو داخل عليك بالصراحه وما أعتقد أنه بيزعل من الصراحه