كتبت قصتي لتستفيدوا لااكثر(يازوجتي كان هذا اختيارك لقد أحببتك ولكن)

29-05-2009, 11:03 PM

#11

باريسا

قلم مبدع

تاريخ التسجيل: Feb 2009

المشاركات: 1,481

يا اميرات هذي مو مثاليات .. وعلى فكرة انا مو من اتباع المثاليات

المثاليات وكلام الكتب النظرية ولت من مخي من زمااااااااان إلى غير رجعه

أنا أتكلم لك عن الحياة الي الانسان يبي يعيشها

انتي يا أميرات تقبلين على نفسك زوجك يكرومك عشان يخاف من ابوكِ !!

الحب له طعم ثاني يا اميرات

وبعدين الرجال لو على الخدمه والأكل والشرب مراح يتعوق .. المطاعم فاتحه ابوبها مراح يجوع

والمغسل بتغسل ثيابه 24 ساعة

اهو تزوج عشان يستقر نفسياً مو عشان كل يوم مطارح ومهاوش مع زوجته

وبعدين زوجته إذا تعودت على كذا راح تبقى كذا طول الحياة ..

وبعدين وش قيمة الحياة لما الي معي يسوي لي شي خوف مني

والله حياة بايخه ولا لها قيمه ..

اهو لما يجي من الشغل يبيها تحط يدها على كتفه وتقول الله يعطيك العافية

تحط له الغداء .. وتقوله هني على قلبك .. بكل حب

لما يمرض يبي يحس ان صحته مش غاليه عليه وبس .. لا اهي غاليه عليها لما تحتويه بحنانها

يا أميرات اهو تزوج عشان كذا .. مو عشان كل يوم اهواش ورفع ضغط

ما تطبخ له لأنه مرعبها وتتمنى يغص .. ما تكوي لأنها تبي تروح بيت اهلها وتتمنى ما ترجع

ما تغسل لأنها تبي مصروفها .. وش ذا الحياة هذي .. بالله هذي حياة اوادم !!

أنا ما قلت لا يعصب ولا يصارخ الحياة ما تخلو من المشاكل بس ما يكون هذا دستور بيتهم

وهو قال بنفسه انا انسان احب الهدوء وراحة البال ..

تقولين ( الناشز هي اللي تترفع على زوجها و تعصي امره و تخرج عن طوعه ..المبغضه له ..)

وأنا اقولك وهل الحب بالإجبار !!!

أنا اقول كل انسان يعمل بأصله وحسب تربيته .. ويخليها تعمل بأصلها وتربيتها توافقوا كان بها

ما توافقوا .. الله يغني كل واحد من فضله

ادري ان الطلاق مو سهل .. بس اهي مش متمسكه فيه .. اهي مستسهله الطلاق

طيب إذا ما فهمت شنو تسوين فيها

وبعدين انا قلت في ناس قالبين للتغير وناس لا وضربت مثال على كذا .. أعتقد كان كافي لتوضيح وجهة

نظري ..

و أنا ما قلت انه بيتعقد من الضرب .. أنا قلت لو لا قدر الله صار طلاق طبيعي راح تحصل عنده ردة فعل سلبيه

اتجاه النساء .. والي بتاكلها زوجته الثانية الي مالها ذنب .. يمكن تكون مسكينه ولا هي دلوعه

ومتربيه .. بس عشانه خذ نصيحة أن المرأة ما تمشي إلا بهالطريقة بيطبق عليها عشان يتفادى الفشل

ثانية .. يعني الدلوعه خذت الدلال والحب والتمشي وطولة البال والمسكينه الثانية

بتلحق على التهديد والوعيد والعقد النفسية

__________________

..كالاطفال نحلم إننا ننام على سحاابة بيضاء يعطرناا المطر ..

مواقع النشر

« الموضوع السابق | الموضوع التالي »

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

الساعة الآن 03:15 AM.

روابط سريعه