السلام عليكم اخواني اخواتي أعضاء المنتدى
حبيت تشاركوني بحل المشكلة اللي يعاني منها أخوي من سنوات
اخوي متزوج من امرأة لاأعرف ماذا تصفون هذه المراة متسلطة ومهملة لحياتها معه ..... يجي اخوي من الدوام تعبان ومنهك ومايلقى الغدا جاهز يلقاها نايمه بفراشها بعد ماتكون سهرانه كل الليل مع زميلاتها وصديقاتها او تسهر على الدش ومن قناة لقناة ولما يسألها عن الغدا تقوله ليش ماجبت من المطعم ماتشوفني تعبانه وسهرانه والمسكين تشوفه كل يوم يمر على المطعم قبل مايجي للبيت او يجي يتغدى مع الوالدة بس صار يستحي هالفترة ماصار له وجه ........ غير كذا يلقى البيت مبهدل ووسخ وماتنظفه الا اذا جوها ضيوف
وما تلبس وتتكشخ الا اذا راحت مشاويرها
غير طولت لسانها عليه وكثرة طلباتها وغيرتها الشديدة من زوجتي فكلما اشتري حاجة لزوجتي راحت تزن على راس هالمسكين وهو مديون ويجيب زيها
غير قلة احترامها للوالدة وعمرها ماقالت ياعمتي تعالي تونسي عندنا والا تقهوي عندنا
لدرجة انها ياأخوان تصك الباب بوجه الوالدة الله لايسامحها غير التأفف والنفس الشينة
طلبت منه يجيب لها خدامه وجاب وصارت تاخذها لأمها دايم وماتخليها تسوي له عشا او غدا
غير كذا تزن على راسه حتى اخذ سلفية من البنك وضبط فيها البيت ديكورات وفرش
....... أخوي ضعيف شخصية قدامها لأقصى درجة ويخاف منها لأنها كانت تهدده مايقرب منها
عنده ولد وبنت منها وما يبي يطلقها عشان الأولاد واذا هددها يتزوج عليها تقوله طلقني والأولاد أرميهم عليك .......
ومن يربي هالمساكين وامي كبيرة بالسن وماتتحمل تربيتهم ولما يتزوج من بنت الناس اللي تربي أولاده .......... ياجماعة اخوي تعبان مره ونفسيته زي الزفت والرجال خلاص مايقدر يتحمل وكلما خطبنا له وحده ترفضه اما عشان أولاده أو عشان كان قبل صاحب مغامرات لكنه تاب والحمد لله .......
ياأخوان وش تشورون علينا لأنا احترنا فيه حتى أولاده تمنعنا نشوفهم لاحول ولاقوة إلا بالله...........