مسكين اخوي
 

السلام عليكم اخواني اخواتي أعضاء المنتدى
حبيت تشاركوني بحل المشكلة اللي يعاني منها أخوي من سنوات
اخوي متزوج من امرأة لاأعرف ماذا تصفون هذه المراة متسلطة ومهملة لحياتها معه ..... يجي اخوي من الدوام تعبان ومنهك ومايلقى الغدا جاهز يلقاها نايمه بفراشها بعد ماتكون سهرانه كل الليل مع زميلاتها وصديقاتها او تسهر على الدش ومن قناة لقناة ولما يسألها عن الغدا تقوله ليش ماجبت من المطعم ماتشوفني تعبانه وسهرانه والمسكين تشوفه كل يوم يمر على المطعم قبل مايجي للبيت او يجي يتغدى مع الوالدة بس صار يستحي هالفترة ماصار له وجه ........ غير كذا يلقى البيت مبهدل ووسخ وماتنظفه الا اذا جوها ضيوف
وما تلبس وتتكشخ الا اذا راحت مشاويرها
غير طولت لسانها عليه وكثرة طلباتها وغيرتها الشديدة من زوجتي فكلما اشتري حاجة لزوجتي راحت تزن على راس هالمسكين وهو مديون ويجيب زيها
غير قلة احترامها للوالدة وعمرها ماقالت ياعمتي تعالي تونسي عندنا والا تقهوي عندنا
لدرجة انها ياأخوان تصك الباب بوجه الوالدة الله لايسامحها غير التأفف والنفس الشينة
طلبت منه يجيب لها خدامه وجاب وصارت تاخذها لأمها دايم وماتخليها تسوي له عشا او غدا
غير كذا تزن على راسه حتى اخذ سلفية من البنك وضبط فيها البيت ديكورات وفرش
....... أخوي ضعيف شخصية قدامها لأقصى درجة ويخاف منها لأنها كانت تهدده مايقرب منها
عنده ولد وبنت منها وما يبي يطلقها عشان الأولاد واذا هددها يتزوج عليها تقوله طلقني والأولاد أرميهم عليك .......
ومن يربي هالمساكين وامي كبيرة بالسن وماتتحمل تربيتهم ولما يتزوج من بنت الناس اللي تربي أولاده .......... ياجماعة اخوي تعبان مره ونفسيته زي الزفت والرجال خلاص مايقدر يتحمل وكلما خطبنا له وحده ترفضه اما عشان أولاده أو عشان كان قبل صاحب مغامرات لكنه تاب والحمد لله .......
ياأخوان وش تشورون علينا لأنا احترنا فيه حتى أولاده تمنعنا نشوفهم لاحول ولاقوة إلا بالله...........

أخي الكريم .....


أعان الله أخاك في مصيبته ، وواضح جداً مدى ضعف شخصية أخيك مع زوجته لدرجة أنها أصبحت تهدده بأن لا يمسها !!!!


مثل هذه الإمرأة ليس لها إلا حل واحد ، وهو القسوة الشديدة تجاهها ، وتجاهل مطالبها كلياً أي معاملتها بمثل ما تعامله هي تماماً ، والأفضل له بأن يتزوج عليها ويتجاهلها سواءً أرغبت في الطلاق أم لا ترغب ، ويجب عليه بأن لا يهزه أي تهديد من ناحيتها ، بل على العكس عليه بأن يقابل تهديدها بتهديد أشد منه ويكون مستعداً لتنفيذه وعدم التراجع عنه ، هذه الطريقة هي محاولة لتقوية شخصيته وكسر شخصيتها أمامه ، لكي يتسنى له لاحقاً بأن يتعامل معها التعامل الإسلامي السليم ....



تحياتي ...

سيثبت الموضوع لكي يجد التجاوب المناسب ....











.

السلام عليكم

حالة أخوك هذي ذكرتني بحالة شخص قريب تقريبا مثل أخوك

وطبعا كان الحل الأول أنه يغير شخصيته تماماااا وأنه يستخدم معها أسلوب الشدة لا العنف طبعا

وإذا كانت المسألة أنها راح تتمنع عنه فهو لازم يظهر اللامبالاة وأنه مو مهتم بهالشي وصدقني هي اللي راح تحاول تتقرب منه

وإذا كانت من النوع اللي يسهر فهو يجلس ويسهر معها وإذا جا بينام يقول لها قومي ياحبيبتي معي أنا ابيك تنامين جنبي ولا يقوم

إلا وهي قايمة

ولابد من الشدة ثم الشدة ثم الشدة لأن المرأة إذا تركها كذا راح تتمادى وتتمادى وهذا النوع ماينفع معه التراخي والمجاراة

لازم تعرف وش لها وش عليها

أو يحاول يشتكي لأمها علشان تنصحها وتوجهها

وإذا مانفع معها يهددها بالزواج .. صدقني راح تخاف وتبدى تنتبه لنفسها ..بس هي محتاجة لصدمة تنبهها

وفيه بنات كثيررر راح يقبلون بالمتزوج إذا هي ماصلحت

حل المشكلة كلها بيد أخوك وازج الثانية المفروض تكون آخر شي يفكر فيه (فآخر العلاج الكي)

الله يعينكم



تحياتي

همسة

يعطيكم العافية اخواني
بس المشكلة ماهو بالزواج مرة ثانية بس المشكلة بالأولاد سبق وقلتلكم راح ترميهم علينا مين راح يربيهم

الله يكون في عونكم على هذه النسرة .

من جد في حريم بهذه الاسلوب
والله حرام في غيرها كثير لستهلون يكون امهات وربة بيوت هذه مفروض تكون من قسم خاص جدا في مجتمعنا ( العوانس )

الله يكون في عون اخوك وانت وامك

بس في حريم يبغوء الستر مثل ارمله او متخلف او عانس شويه ترضى بيك وبعيالك ................... الخ

الله المستعان
 

شنو هالضعف هذا؟؟؟؟؟؟؟؟؟؟؟؟؟
الحل مو ان اخوك يتزوج ثانية لا تدري ليش ؟
لانه اذا تزوج ثانية اكيد راح تكون مثل الاولى لان اخوك اسف على العبارة ما عنده شخصية اصلا مو ضعيف شخصية
لازم اخوك يسوي فرمتة لنفسه لازم يغير من طبعه ومثل هذي الزوجة ما تجي الا بالخيزرانة لازم تشوف شدة وغلظة , شنو ما تسوي لزوجها غدااا وتسهر على التلفزيون وزوجها نايم كيف تجي وكيف اخوك يقبل انه ينام ويترك زوجته صاحيه بروحهااا
وبعدين من قال لها انه راح يتزوج عليها قالت راح اعطيكم الاطفال هذا يدل على انها زوجة غير مبالية بزوجها ولا باطفالها ولا بيتها
الي مثلها انا اشوف اول شي يرفع امرهاا لاهلها حتى يكونون على علم بحالة بنتهم ثاني شي اخوك لازم يغير نفسه ثالث شي يغير معاملته مع زوجته الى 180 درجة
وبعدين هي مو كيفهاا تطلب الطلاق اذا اخوك تزوج عليها ولا كيفها تطلع من البيت
انا اكتب ودمي فاير ومعصب الى درجة كبيرة على الوهن الي يعيشه اخوك بس ما اقول الحمد لله الذي عافانا مما ابتلاكم به
والله يعين اخوك بس هذا الي اقدر اقوله

مشكوريييييييييييييييين اخواني
وهذا هو جالس جنبي يقرا ردودكم وياليت يأثر فيه لأن السبب شخصيته
والمشكلة ياأخوان انه يقول ماعمري شفتها تصلي والعياذ بالله بس وش اقول على اخوي اللي هو بعد مهمل بصلاته
اذا كان رب البيت للدف ضاربا فشيمة أهل االبيت الرقص

وكمان ياأخوان أمها وأخواتها مسيطرات عليها بشكل كبييييييير