حبيبتى انا ممكن اقولك على طريقة للجمبرى او الروبيان احنا بنعملها فى مصر و شهية و سهلة كمان بس محتوياتها كثيرة

الخضرة : شبت + بقدونس + كسبرة خضرة + كرفس
الخضار: فلفل اخضر و احمر و اصفر + مكعبات طماطم + بصل مفروم و مقطع + ثوم مدقوق
صلصة
البهارات: بهارات سمك + ملح + فلفل + كمون + حبهان او هيل + ورق لورى او غار
بطاطس مقشر و مقطع حلقات عرض حوالى 1\2 سم + عصير ليمونة

المقادير كمياتها ذى ماتحبى و اذا تحبى تشيلى حاجة ذى ماتحبى برضو

نفرم الشبت و البقدونس و الكسبرة و الكرفس و نقطع الفلفل مكعبات
نحط شوية زيت فى الصينية اللى حندخلها الفرن و نشوح البصل فيها تشوحتين كدة و بعدين نحط الثوم و نقلبه برضو تقلبتين ثم نحط الفلفل بكل الوانه و برضوه نقلبه بسيط كدة و بعدين نحط الخضرة اللى هى الشبت و البقدونس و الكسبرة و الكرفس و نشوحهم ثم نضع مكعبات الطماطم و نشوحهه برضو و بعدين نحط الصلصة و كميتها على حسب ما تحبى ممكن ملعقة او ملعقتين كبار و البهارات كلها و بعدين نذود ماية و نحط البطاطس و نتركهم على النار لحد ما البطاطس يدخل فى السوا و اذا احتاجت ماية تذودى و بعدين تحط الجمبرى و تدخلى الصينية الفرن الى ان يستوى الجمبرى

مش عايزة اقولك طعم الجمبرى و البطاطس و الصوص اللى بينزل منهم تحفة تحفة تحفة

جربى و قوليلى رايك و انا فى الخدمة لا استفسار

__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة