الجريش
اليك اسهل جريش بالدنيا وماياخد وقت كمان ولذيذ بشهاده كل من ذاقه
احضري قدر الضغط حطي الجريش وقطعي صدور دجاج عليه او قطع لحم ((كما تحبين) واضيفي مكعب ماجي وحطي فوقه مويه يعني تغطيه باربع اصابيع
اقفليه وخليه يصفر على نار عاليه نوعا ما
بعد نص ساعه افتحيه يكون استوى اذا بقي مويه اكشفي الغطا الين تخلص
حطي لبن شرب عليه وغطي الجريش باللبن وحطي ذرات ملح ليمون
وطي النار وخلي الغطا مكشوف
الين ينقص اللبن
وتحسيه تخن واتجانس مع الجريش طبعا لا تخليه مره يثخن وخلاص
بعد كدا قطعي حلقات بصل رفيعه جدا وحطيها على السمن البلدي او سمن عادي بس كميه قليله جدا وحمري البصل واطفي عليه واطحني فوقه ليمون اسود ناشف
بعد ماتغرفي الجريش حطي الخلطه دي في النص وبالعافيه
صدقيني روعه
(((فائده هذه الطريقه))
ان اللبن مايتقطع ويفضل زي ماهو بعكس اذا طبختيه مع الجريش بالاول ينفصل عنه ويتقطع

__________________
وسلامتكم