|
اريد وصفات آكلات شعبية
تكفون ابي بعض الوجبات الشعبية الموجودة في السعودية انا احبها واتلذذ فيه بس ماعرف اسويها الله يخليكم ابيها والي بتعطيني اياها كل مابسويها بدعيلها والله يشهد علي وتكفون ابي الذ واسهل الطرق لعملها واعذروني لغثاثتي بس ماصدقت القى من يعيني :
1- الجريش والصلصلة الي فوقه 2- الحنيني. 3- المرقوق . 4- القرصان. ويارب تسلم الي بترد علي . تم تعديل العنوان ليتناسب مع الموضوع المطروح مشرفة/ مستكة_مستكة |
المرقوق00
المقادير00 زيت00 بصل حبه متوسطه مقطع صغير00 طماطم حبتين الى ثلاث(مطحون) كوسه 00قرع00 باذجان (الخضار من اختيارك) بس تجنبي البطاطس لانه يخربه00 حبحر(فلفل حار) عجينه المرقوق فلفل اسود00 دارسين00 ليمون اسود(الليمون المجفف حق الطبخ) 00 لحم(ضروري يطلع طعمه جنان) صلصه طماطم ــــــــ الطريقه00 اولا اسلقي اللحم 00 حتى تروح الزفره00 ثانيا00 احمسي البصل لين يصير ذهبي 00 ضعي عليه الطماطم المطحونه 00 والملح والدارسين والفلفل واليمون00 وقلبي 00 لين يغمق لون الطماطم 00 بعدين ضعي الخضار عليه والصلصه وواللحم واضيفي الماء وخليهم يطبخون 00 شوي00 بعدين حطي عليهم اقراص المرقوق ملاحظه وانتي تحطين المرقوق حركيه من الجناب حتى مايتقطع00 علي النار شوي حتى ينبر ثم قصري عليه النار وخليه او انسيه لما يستوي ويشرب المرق وادا جيتي تنكبينه00 مو بالغرف00 اولا هزي القدر ثم كبيه بالصحن مباشره ملاحظه00 اقراص المرقوق تجي جاهره 00 او انتي تسوينها00 والعجينه كا التالي00 دقيق بر فاخر +ماء+ ملح= عجينه متماسكه مثل عجينه الفطائر00 الاقراص تكون رهيفه 00كبر الخبر المفرود وبس اسفه على طول الشرح00 بس علشان تضبطينه صح |
اما طريقة الحنيني فهي: جيب طحين بر من النوع الجيد يعنب من المطلحن واطلبي البر الي يجي من القصيم بعدن حطي الكميه الي تكفيك مع الماء واعجني حتى تكون العجينه اثقل شوي من المصابيب يعني تشيلين العجينه بيدك وما تكون سائله بعدين ضعيها على شكل اقراص على الصاج وحمريه من الجهتين بعد كذا خليها تبرد شوي بعد كذا جيبي كل قرص وضعي بوسطه تمره على حسب الحجم و المذاق تبين حلى زودي التمر بعد كذا غمسي القرص في زبه مذوبه او سمن بعد كذا افرميه بفرامت الحم وبالعافيه .
|
القرصان00
سوي مرق خضار عادي00 عباره عن بصل وطماطم00 ومرق اللحم او الدجاج00 والخضار اللي تبين يعدين حطي في حله رقائق القرصان(تجي جاهزه) اما ناشف او رطب00 وهي نفس الطريقه اولاقرصان ثم ((بصل محموس بسمن او ربده كثير يوضع عليه ليمون اسودمطحون بقليل من السكر) ثم شوي قرصان ثم مرق000 وكرري العمليه الى ان يتغطى القرصان بالمرق00 تخليه الفرن وخليه لين ينشف ويتشرب الطعم00 اما عن الحنيني00 هذا تخصص مشرفتنا الغاليه ام خالد سبق وان وضعت مشاركه عن الحنيني |
الحنيني :22: المقادير : 3كاسات دقيق بر تمر منزوع النوى ((من كاس الى كأس ونصف وذلك حسب الذوق ماء للعجن ذرة ملح نصف كأس ذوبة (زبدة مطبوخة). الطريقة: 1- يعجن القيق البر +الملح+ماء) عجينة لينة ثم تحمى الصاج وتبد في فرد الخبز أقراص ويكون القرص شبر تقريباً ويحمر من الوجهين 2-تجمع الاقراص ثم تقطع وتخلط مع التمر ويصب عليها بعض الذوبة ثم تتطحن في طاحونة اللحم بالتناوب مع التمر. أو في طاحونة (ست البيت ) 3-يوضع في قدر على النار ويوضع عليه باقي الذوبة وتترك على النار الهادئة جداص مع التحريك كم وقت لاخر -لمدة نصف ساعة تقريباً. ملحوظات الطبق : 1- إذا تم وضع 3 تمرات داخل كل قرص بحجم الكف المبسوطة وطحن به فإن حلاه يكون موزون . 2- لمن يحب هذا الطبق - خاصة في فصل الشتاء - فإلية الفكرة الاتيه : بعد الاعداد الكمل للحنيني قومي بوضعة في أكياس بلاستسكية او علب ثم تخزينه في الفريز وعن الحاجة يخرج ويحمى بالمايكرويف أو على النار الهادئة .. :22: |
وممكن اختي تحطي في الحنيني (قرصان او مراصيع او كيكة بر ) جربتها وكلها تنفع لكن بلليها با الحليب بعدين اطحنيها هي والتمر والزبدة اذا عندك مفرمة او ممكن بخلاط ست البيت بعد ماتخلصي حطيها بصحن التقديم وحطي عليها شرائح ليمون واذا حبيتي زبدة سايحة
الجريس ممكن تسلقي الجريش بماء وملح وذرة هيل مطحون وذرة فلفل اسود وزيت او سمن او شحم اذا استوى حطي علية علبة قشطة واخلطيها معه اوانك بدل القشطة حطي لبن او حليب مجفف مذاب بماء حشوة جريش بصل تحمسية على النار تمر هندي حطي علية ماء ساخن وافركية بيدك لحد مايذوب يكون البصل تحمر حطية علية من دون النوى والقشر واظيفى له السكر وخلية الى ان يثخن واي سؤال نحن في الخدمة وياليت اذا سويت وحدة منهم تقولين لنا |
اقتباس:
انا شفت (الفزعه ياسعوديات ) وقلت ادخل اشوف وش السالفه؟؟؟ واول مادخلت واقرأ طريقة تحضيرك للمرقوق وانا اصلا الساعه 11 تبدأ عصافير بطني ((تعوي من الجوع مو تزقزق))..وكل مااقرأ شي من الوصف ابعلع ريقي وخصوصا فقرة لين البصل يصير لونه ذهبي :29: :29: يذبحني هالوصف والله اني اتصلت على الوالده وقلتلها ابغى مرقوق اليوم...قالتلي بوكرا بوكرا مو اليوم :( وسكرت التيلفون بوجهي. :23: اسف على دخولي عالمكم ياخواتي بس ترى عالم الطبخ ماهو حكر عليكم..انا بعد كنت اطبخ في يوم من الايام. |
لمووووووووو وبس , العقل الموزون , ديمو2006, mlsas
مشكورين وسلمتم وعسى ربي يرزقكم الجنة ويحقق الي في بالكم وتسلملي السعودية واهلها فداها قلبي وفدى اهلها الميترو: الله يسلملك الوالدة وان شاء الله تاكل المرقوق . أختكم : ابلة جوجو |
سبقونـــي وقالوا لك الطريقة ولا كنت بشمّر عن ساعدّي وبعطيك المقادير :D
يالله بالعافية على قلوبكم |
صراحة للأسف ما أقدر أفيدك لأني ما أعرف أسوي الطبخات الشعبية
ويعجبني الحنيني مشكورة على الطرح |
| الساعة الآن 08:46 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©