السلام عليكم ، عندي مشكلة ما اعرف اذا انا مضخمتها أو هي فعلاً مو سهلة ..

مشكلتي إعجاب زوجي الكبير بأخته ، أكبر منه ب10 سنوات تقريبًا

لكنه معجب فيها إعجاب ، مو هنا المشكلة . المشكلة إنه يبغاني أصير نسختها بشكل !

- بداية الزواج قال لي حواجبك أحب الحواجب السخيفة ،.. وأخته كانت حواجبها خط .
- زن علي يبغى زمام ، وأخته حاطه 😝
- يبغاني أسمن مع إن جسمي متوسط ، وأخته سمينة ، طبعًا اذا قام يوصف الجسم اللي يبغاه وصف دقيق كأنه جسم أخته 😝 .
- قاللي قصي شعرك يزن علي أقص بوي مرررة ، مع أنه بداية الزواج يكره الشعر القصير .. ما أخذت الموضوع بجدية ، بعد مازرت أهله شفت أخته قاصة !!
- قبل شوي جت دعاية لصبغة شعر وعلقت قلت هذا اللون حلو ، قال لا االلون الحلو زي المممثلة الفلانية .. ويوم شفت الصورة طلعت نفس لون شعر اخته !
- ويقولي انو الشاي حقك غير شاي اختي حق اختي الذ شاي ذقته بحياتي 😳 ومرة اتصل عليها ببيتها قالها سويلي شاي 😳 قلت له نفس شاي اهلك نفس الماركة قال لا حق اهلي مب حلو حق اختي احلى 😳


وش الحل مع الاعجاب هذا
مع العلم متزوجة من 15 سنة تقريبا وعمرها فوق الثلاثين .. ومرة جمالها متوسط أو أقل أخواته الباقيات أجمل منها ! بس مو لاقية تفسير للإعجاب الزائد عن حده ؟!

يبغاني اصير نسخة منها !! انا ماعمري علقت ، ما أعرف اذا تصرفي صح أو لا .. ودي انفجر بوجهه واقوله قل لي صيري زي فلانة وفكنا .

بس ما اعرف اذا تصرفي بيكون صح او لا

(تم تعديل العنوان ليتناسب مع المضمون)