فيه سؤال يدور في ذهني من فترة قلت أطرحه عليكم

المتعارف عليه ان المطلق أو المتزوج يقيم زواجه الثاني في أسرع وقت (يعني يكون مستعجل على اتمام هذا الزواج)

لما المطلق أو المتزوج يعقد قرانه على وحده ويكونون اثنيناتهم (المرأة والرجل) كبار في السن (في الثلاثينات أو الأربعينات) لكن الرجل يقرر تأجيل هذا الزواج لمدة طويلة تمتد الى السنة والسنتين وربما أكثر

ما تفسيركم لهذا؟

فكرتين أستبعدها تماما لأنها تنافي العقل والمنطق: 1- أن الرجل باقي يكون نفسه (لأن هالشي ممكن ينقال عن الشاب اللي يكون بأول حياته مو رجل كبير مطلق أو متزوج). 2- أن المرأة تتدلع على الرجل وتطالب بتأجيل الزواج (لأن المرأة كبيرة وتدرك تماما ان أي تأخير ماراح يكون في صالحها فيما يخص الانجاب)

ألا توافقوني انه كلما زادت لهفة الرجل على المرأة أصر على تقديم الزواج وكلما كان متردد أو غير متلهف أخر الزواج؟

هل ممكن يكون المطلق أو المتزوج ندم على اقدامه على هذه الخطوة أو بمعنى آخر حس انه تورط؟

هل ممكن يكون المطلق أو المتزوج بحكم ان كانت له تجربة زواج سابقة عاشها بكل تفاصيلها ما يحس بفرحة الزواج مره أخرى مثل الأعزب اللي تكون هذي أول فرحه له؟ وبالتالي ممكن يظلم زوجته الجديدة (اذا كانت بكر ومتأخره) بعدم ابدائه للحماس والتلهف لإتمام هذا الزواج وعدم تقديره لمشاعر هذه المرأة التي تعد الأيام والليالي لإتمام هذا الزواج والإنجاب قبل أن يتقدم بها العمر وتقل فرص الحمل؟

بكل موضوعية.. وش تتوقعون اللي صاير خلف الكواليس

__________________
اللهم لا تجعل الدنيا أكبر همنا ولا مبلغ علمنا ولا إلى النار مصيرنا واجعل الجنة هي دارنا وقرارنا

ما مر علي مطلق او متزوج طلب تأخير الزواج
بالعكس اشوفهم مستعجلين ع السعاده
والحق تطويل الخطبه وتأخير الزواج افضل له ولها من ناحيه انهم يدرسون شخصيه بعض ويشوفون مدى مناسبتهم لبعض عشان ما تحسب لاي واحد فيهم تجربة ثانيه فاشله

اعتقد انه يعتمد على سبب اتمام الزواج من اصله

اللي يدور عالاستقرار بيتأنى باختياره ويشوف اللي يناسبه

واللي مستعجل ممكن يكون نكاية بالطليقة ان شوفيني عشت حياتي

وممكن يكون مستعجل يبي ينسى التجربة بتجربة ثانية

وهلم جرا...

__________________

اختلافي عنك لا يعني اختلافي معك

المتزوج يمكن يبي وقت يرتب اوراقه ويجهز

والمطلق يمكن يبي يستمتع بالعزوبية شوي : )

بالضبط.. ولهذا تساءلت عن بعض الحالات اللي أشوفها شاذه بصراحه وعليها علامة استفهام

تأخير معقول بس مو بالسنوات! أنا سنة اشوفها كثير فبما بالك اللي يأجلون أكثر!

وبعدين لا نكذب على بعض.. وين اللي يأجلون عشان يدرسون شخصيات بعض.. البنت بطبيعتها تبي تطير ع الزواج فما بالك اذا كانت متأخرة تبي تلحق على عمرها تنجب وتكون عائلة وتفتك بعد من كلام الناس

الزبدة التأجيل في هذه الحالة غريب وماله أي معنى الا اذا كان...... أكملوا الفراغ بما يناسب

__________________
اللهم لا تجعل الدنيا أكبر همنا ولا مبلغ علمنا ولا إلى النار مصيرنا واجعل الجنة هي دارنا وقرارنا

كلامك ينطبق على المطلق

لكن المتزوج؟!

__________________
اللهم لا تجعل الدنيا أكبر همنا ولا مبلغ علمنا ولا إلى النار مصيرنا واجعل الجنة هي دارنا وقرارنا

أي تجهيز أوراق هذا اللي ياخذ سنة سنتين

أما عذر "أبي أستمتع بالعزوبية شوي" أو "أبي أتدلع شوي" ماهو إلا مكابرة.. ووراء الأكمة ما وراءها

__________________
اللهم لا تجعل الدنيا أكبر همنا ولا مبلغ علمنا ولا إلى النار مصيرنا واجعل الجنة هي دارنا وقرارنا

المستعجل ممكن يخاف الموضوع يتفركش بطريقة ما او اهل البنت يغيرون رايهم 😁

والمتاني يمكن يؤدب زوجته.. ووسيلة التاديب بنت الناس خلف الله عليها

برضو يعتمد عالجدية وسبب الزواج 👌

__________________

اختلافي عنك لا يعني اختلافي معك

سمعت والعهده على الراوي

ان بعض البنات يطلبون تأجيل الزواج عشان يمديهم يسوون عمليات تجميل وتقشير وصنفرة للبشرة ومدري وشو خصوصا اذا داخلين على زواج فيه تنافس 😁

وكل ماطلبت البنت تكون فترة الملكه أطول كل ما احتاجت الى سمكره أكثر 😂

ما دروا ان كلما طالت المده برد الموضوع وبرد الحب والمشاعر 😒

الا عاد اذا كان التأجيل من الرجل هذا شي ثاني! ويقودنا الى موضوعنا الأساسي:

لماذا يؤجل المطلق أو المتزوج زواجه الثاني؟!!

__________________
اللهم لا تجعل الدنيا أكبر همنا ولا مبلغ علمنا ولا إلى النار مصيرنا واجعل الجنة هي دارنا وقرارنا

بالعكس اول مره اسمع...

مامر عليه تأجيل سنة..

كل شي يتم خلال شهر... او اقل..