منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   المقبلين على الزواج (http://www.66n.com/forums/forumdisplay.php?f=7)
-   -   لماذا يؤجل المطلق أو المتزوج زواجه الثاني؟ (http://www.66n.com/forums/showthread.php?t=260623)

أمل جديد1 13-06-2015 06:36 PM

لماذا يؤجل المطلق أو المتزوج زواجه الثاني؟
 
فيه سؤال يدور في ذهني من فترة قلت أطرحه عليكم

المتعارف عليه ان المطلق أو المتزوج يقيم زواجه الثاني في أسرع وقت (يعني يكون مستعجل على اتمام هذا الزواج)

لما المطلق أو المتزوج يعقد قرانه على وحده ويكونون اثنيناتهم (المرأة والرجل) كبار في السن (في الثلاثينات أو الأربعينات) لكن الرجل يقرر تأجيل هذا الزواج لمدة طويلة تمتد الى السنة والسنتين وربما أكثر

ما تفسيركم لهذا؟

فكرتين أستبعدها تماما لأنها تنافي العقل والمنطق: 1- أن الرجل باقي يكون نفسه (لأن هالشي ممكن ينقال عن الشاب اللي يكون بأول حياته مو رجل كبير مطلق أو متزوج). 2- أن المرأة تتدلع على الرجل وتطالب بتأجيل الزواج (لأن المرأة كبيرة وتدرك تماما ان أي تأخير ماراح يكون في صالحها فيما يخص الانجاب)

ألا توافقوني انه كلما زادت لهفة الرجل على المرأة أصر على تقديم الزواج وكلما كان متردد أو غير متلهف أخر الزواج؟

هل ممكن يكون المطلق أو المتزوج ندم على اقدامه على هذه الخطوة أو بمعنى آخر حس انه تورط؟

هل ممكن يكون المطلق أو المتزوج بحكم ان كانت له تجربة زواج سابقة عاشها بكل تفاصيلها ما يحس بفرحة الزواج مره أخرى مثل الأعزب اللي تكون هذي أول فرحه له؟ وبالتالي ممكن يظلم زوجته الجديدة (اذا كانت بكر ومتأخره) بعدم ابدائه للحماس والتلهف لإتمام هذا الزواج وعدم تقديره لمشاعر هذه المرأة التي تعد الأيام والليالي لإتمام هذا الزواج والإنجاب قبل أن يتقدم بها العمر وتقل فرص الحمل؟

بكل موضوعية.. وش تتوقعون اللي صاير خلف الكواليس :D

لميس❤ 13-06-2015 06:51 PM

رد: لماذا يؤجل المطلق أو المتزوج زواجه الثاني
 
ما مر علي مطلق او متزوج طلب تأخير الزواج
بالعكس اشوفهم مستعجلين ع السعاده
والحق تطويل الخطبه وتأخير الزواج افضل له ولها من ناحيه انهم يدرسون شخصيه بعض ويشوفون مدى مناسبتهم لبعض عشان ما تحسب لاي واحد فيهم تجربة ثانيه فاشله

VANITY 13-06-2015 07:50 PM

رد: لماذا يؤجل المطلق أو المتزوج زواجه الثاني
 
اعتقد انه يعتمد على سبب اتمام الزواج من اصله

اللي يدور عالاستقرار بيتأنى باختياره ويشوف اللي يناسبه

واللي مستعجل ممكن يكون نكاية بالطليقة ان شوفيني عشت حياتي

وممكن يكون مستعجل يبي ينسى التجربة بتجربة ثانية

وهلم جرا...

الأستاذ فهلوي 13-06-2015 08:00 PM

رد: لماذا يؤجل المطلق أو المتزوج زواجه الثاني
 
المتزوج يمكن يبي وقت يرتب اوراقه ويجهز

والمطلق يمكن يبي يستمتع بالعزوبية شوي : )

أمل جديد1 13-06-2015 08:41 PM

رد: لماذا يؤجل المطلق أو المتزوج زواجه الثاني
 
اقتباس:

المشاركة الأصلية كتبت بواسطة لميس❤ (المشاركة 3264056)
ما مر علي مطلق او متزوج طلب تأخير الزواج
بالعكس اشوفهم مستعجلين ع السعاده

بالضبط.. ولهذا تساءلت عن بعض الحالات اللي أشوفها شاذه بصراحه وعليها علامة استفهام

اقتباس:

المشاركة الأصلية كتبت بواسطة لميس❤ (المشاركة 3264056)
والحق تطويل الخطبه وتأخير الزواج افضل له ولها من ناحيه انهم يدرسون شخصيه بعض ويشوفون مدى مناسبتهم لبعض عشان ما تحسب لاي واحد فيهم تجربة ثانيه فاشله

تأخير معقول بس مو بالسنوات! أنا سنة اشوفها كثير فبما بالك اللي يأجلون أكثر!

وبعدين لا نكذب على بعض.. وين اللي يأجلون عشان يدرسون شخصيات بعض.. البنت بطبيعتها تبي تطير ع الزواج فما بالك اذا كانت متأخرة تبي تلحق على عمرها تنجب وتكون عائلة وتفتك بعد من كلام الناس

الزبدة التأجيل في هذه الحالة غريب وماله أي معنى الا اذا كان...... أكملوا الفراغ بما يناسب :D

أمل جديد1 13-06-2015 08:42 PM

رد: لماذا يؤجل المطلق أو المتزوج زواجه الثاني
 
اقتباس:

المشاركة الأصلية كتبت بواسطة VANITY (المشاركة 3264086)
اعتقد انه يعتمد على سبب اتمام الزواج من اصله

اللي يدور عالاستقرار بيتأنى باختياره ويشوف اللي يناسبه

واللي مستعجل ممكن يكون نكاية بالطليقة ان شوفيني عشت حياتي

وممكن يكون مستعجل يبي ينسى التجربة بتجربة ثانية

وهلم جرا...

كلامك ينطبق على المطلق

لكن المتزوج؟!

أمل جديد1 13-06-2015 08:45 PM

رد: لماذا يؤجل المطلق أو المتزوج زواجه الثاني
 
اقتباس:

المشاركة الأصلية كتبت بواسطة الأستاذ فهلوي (المشاركة 3264093)
المتزوج يمكن يبي وقت يرتب اوراقه ويجهز

والمطلق يمكن يبي يستمتع بالعزوبية شوي : )

أي تجهيز أوراق هذا اللي ياخذ سنة سنتين :D

أما عذر "أبي أستمتع بالعزوبية شوي" أو "أبي أتدلع شوي" ماهو إلا مكابرة.. ووراء الأكمة ما وراءها :D

VANITY 13-06-2015 08:50 PM

رد: لماذا يؤجل المطلق أو المتزوج زواجه الثاني
 
اقتباس:

المشاركة الأصلية كتبت بواسطة أشغلتني دنياي (المشاركة 3264107)
كلامك ينطبق على المطلق

لكن المتزوج؟!

المستعجل ممكن يخاف الموضوع يتفركش بطريقة ما او اهل البنت يغيرون رايهم 😁

والمتاني يمكن يؤدب زوجته.. ووسيلة التاديب بنت الناس خلف الله عليها

برضو يعتمد عالجدية وسبب الزواج 👌

أمل جديد1 13-06-2015 10:57 PM

رد: لماذا يؤجل المطلق أو المتزوج زواجه الثاني
 
سمعت والعهده على الراوي

ان بعض البنات يطلبون تأجيل الزواج عشان يمديهم يسوون عمليات تجميل وتقشير وصنفرة للبشرة ومدري وشو خصوصا اذا داخلين على زواج فيه تنافس 😁

وكل ماطلبت البنت تكون فترة الملكه أطول كل ما احتاجت الى سمكره أكثر 😂

ما دروا ان كلما طالت المده برد الموضوع وبرد الحب والمشاعر 😒

الا عاد اذا كان التأجيل من الرجل هذا شي ثاني! ويقودنا الى موضوعنا الأساسي:

لماذا يؤجل المطلق أو المتزوج زواجه الثاني؟!!

ينابيع الهوى 13-06-2015 11:31 PM

رد: لماذا يؤجل المطلق أو المتزوج زواجه الثاني
 
بالعكس اول مره اسمع...

مامر عليه تأجيل سنة..

كل شي يتم خلال شهر... او اقل..


الساعة الآن 10:03 AM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©