اختي مليت
اسأل الله ان يلطف بحالك
وجربي هذا الحل فهو قد ينجح مع شخصيات مثل شخصيات زوجك
اليكي الحل:
الخطوة الاولى / اكتبي استشارة (*) بورقة اوباداة اخرى بمميزات وحبك لزوجك وسلبياته تجاهك وتجاه أولاده وماذا تريدين من زوجك وايضا كيف افهم زوجي مايريد واكتبي وعبري عن كل مابداخلك
الخطوة الثانية / راجعي ودققي في ماكتبتي واكملي ان كان فيها نقص
الخطوة الثالثة / فكري هل زوجك يحب ويفضل يكتب على الكمبيوتر اي الايميل او الجوال او له مكتب في البيت ويحب يكتب على الورق والتي ترين انها افضل ارسلها بذات الطريقة حتى يسهل رده عليك
الخطوة الرابعة / اثني على المستشار في مقدمة الاستشارة وانك ما اختارتيه بذاته الا لثقتك فيه واهليته للاستشارة واخبريه ان يعتبرك كاخته او ابنته وتريد حل
*الخطوة الخامسة / ابتدئ في الاستشارة ( سعادة المستشار ( فلان ) اسم زوجك
الخطوة السادسة / اجعلي الاستشارة رسمية فقط عبري عن حبك لزوجك وانك تبحثين رضاه لكن لاتتغزلين فيها
الخطوة الاخيرة / توكلي على الله وارسليها فهو اعرف بحل مشاكلكم ولكن لا يحب يواجه
قد تكون الخطوات غيرمرتبة لكن طبيبه كما ترين

جربي هذا الحل لعل الله ان يكتب لك الفرج *

هلا يالغلا الرقيه الشرعيه لازم ترقين وانتى موقنه بشفاء الله لك وليست كتجربه ان نفعت كان بها وان لم تنفع جربتها

السلام عليكم
الي اختي مليت ( وان كنت اتمنى ان يكوم اسمك اكثر تفائلاً )
لقد قرأت مشكلتكي وردودك مع مجموعة الحلول التي كتبها الاعضاء جعلها الله في موازين حسناتهم
لقد سمعنا منك وسمعنا وانتي تبحثين عن حل فما نظنك الا صادقة ولكن هل جربتي ان تخبرين طرفاً ثالثا قريبا لكما ليساعدكما في تجنب هذه المحنة
وهل تصدقتي لعلاج هذا التنافر والاختلاف فقد ورد هذا عن الاخيار
وما من ناحية حقوقك الشرعية فلك الخيار بين الصبر والبقاء او طلب الفسخ فهو حق لك قد كفله لك الشرع الحكيم
"" لم استطع ان اخرج من الموضوع دون رد فقد آلمتني مشكلتكي وادعو ربي ان ييسر عليك ويفرج همك وهذا من البلاء الذي يصيب المؤمنين فالرسول صلى الله عليه وسلم يقول (( يبتلى الناس على قدر ايمانهم ))
تقبلي مروري
اخيك : ابو انس
المشكلة
*

فديت كل من رد علي...

-

أختي الحبيبة GREEN222
أنا ما أسكت ضعف ولا خوف بس ملييييييييييييت
مو معقول أصير وياه في حرب دائمة
بجد مليت
أبيه يفهم من سكوتي إني مكبرة عقلي
لكن لمن يجي بذم خلقتي هنا أرد وبثقة تامة عشان مايتمادى..
الله يعين بس
على فكرة أسلوبي اللي أنتقدتيه في إستقبالي له وقت رجعته من السفر أعتقد جاب نتيجة
صار يتصل ويسأل عنا وعلمني لمن جاء إنه في المطار
بالتالي جهزت له سفرة محترمة ولمن دخل جيته أسلم
مد يده يسلم قربت وخذته بحضني مع إنه للأسف سلامه رسمي وبارد مافيه روح ولا إشتياق لله يعين بس


هدوء الرياح وش أطمن أقول!
بيتغير وضعي بيوم وليلة!
راح عمري ياوخيتي أسأل ربي الفرج
وبخصوص أصبر والله بصبر وأجري لى الله
بس لمن وضعنا أستمر حسيت بييب لي طامة وهالشي أقلقلني
وحسيت الوضع طول وشكله يستمر كذا وأنا إنسانة ماأقدر أعيش مهمشة!
وبخصوص أفاتحه
حقيقة ودي أفاتحة
بس صدقيني لمن أشوفه هادي ودي هالهدوء يستمر ماودري أفتح مواضيع تشب حريقة
ولمن يكون معصب أخاف أفاتحه بهالموضوع خير شر ماراح يتقبل
وأشوفه حيل طفشان من العمل هاليومين ويبين إنه نفسياً مضغوط
مدري يبرر لي! مع إن العالم كلها مضغوطة وكلها عندها همها موب عذر يهجر الفراش أبداً
قسم بالله لمن فسرت حلم لي وقال بتحملين قريب ضحكت من همي قلت أحمل من الهواء!
فأنا شايف نفسيته ماتساعد يني هالرجال غامض مرات أرحمه وأتعاطف معه
ومرات أحسه كذاب ورايق ويطلع ويسهر ويضحك ويسولف مع الناس ليش معي بس أنا أبحث عن مبرر لهروبه!

-

Beta2
كلامك عين الصواب يالغالية
حاولت أحور تفكيري فيالأشياء الحلوة
وأحمد ربي على ماعطاني
بس والله أوقات غصب أحس بالغبنة
أبي رجال يحتويني وأرتمي بحضنه
فقدان هالشعور مررررر
خاصة لوحده مقطعتها الومانسية
صعب الوضع علي صعب صعب
لكن ربي كريم...
جزاك الله خير يالغالية...


-

jasmin
كلامك قد يكون صحيح
أحس أحياناً بنفس اللي قلت
والله كنت ماليه عينه
مدري وش تغير!
سبحان اللي يغير ولا يتغير...

-

عزيزتي استغني عن مرة من المرات القليلة اللي يكون فيها زوجك هادي وافتحي معاه الموضوع ...المسألة تستاهل ...

حاولي قدر المستطاع تعرفي السبب الحقيقي .. وكل ما كنتِ هادية كل ما تشجع انه يطلع اللي عنده وخليكي واعية ومنتبهة خلال الحوار لا يتهرب ويطلع عن الموضوع بأن يستفزك أو ينتقل لموضوع ثلني يثيرك فيه وتنسي موضوعك.

يمكن نقدر من خلال أجوبته نفهم شيء

والحمد لله انه نفسك هديت شوي

طمنينا عليكِ

__________________

عذراً أخواني/أخواتي..
دخل ( أسدي ) فأضطريت أقطع الرد

-

مستعجل
جد كلامك مقنع
لأني لاحظته يحب حواري في الرسائل
أنا ما أعرف له الا رسائل الجوال
بس الله يهديه يطلع من السالفة ويترك المشكلة
ويعلق على أسلوب كتابتي
إنها مثاليات!!..ومرات يقول أحس أحد يكتبها لك!
ومرات يهدد بفصل خط جوالي!
غير هذا..معقول أخي الفاضل..ندير حوار متشعب نووي قابل للإنفجار بالرسايل؟
مع إني أرجع أقول ماعندي مشكلة بس أبيه يفهم رسالتي ويتقبلها
موب يكون تأثيرها إنه يحقد زيادة
قسم بالله صرت أخاف منه وأسكت عن أي شي في سبيل اكف المشاكل عني
أحس تعبت وتلفت أعصابي ماعاد فيني حيل..: (

-

عزتي بديني
جزاك الله خير
لكن لولا إيماني بربي كان ماقريت ولا رقيت
إنما هي كلمات أحاول أوضح فيها وضعي ..

-

ابو انس
يكفيني أخي الكريم دعواتك
عني أنا رافضة حياتي موعشان هالشي
عشان المشاكل والتنافر
وعشان ودي أبدأ حياة وأنا ناضجة
أعرف أتعامل مع الرجل بدون مايكون لي ماضي يسيئ لي من دلع وسوء فهم وتصرفات طفولية
لكن عندي أطفال هم أكبر همي
مستحيل أفرط فيهم والخبط حياتهم عشان اعيش على مزاجي!

-

Beta2
يابعد من قام وقعد
سبق وتكلمت معاه
كان رده ماعاد لي خاطر في هالشي
ترا ماعندي لك شي عاجبك والا هذا الباب
- كرهتيني فيه من مشاكلنا!! -
هذا وكلامي مؤدب وغير مباشر وهو اللي صرح
أعيد السالفة معه يعني على إعتبار بيغير رايه!!
مستحيل يقول معي ضعف وماعدت أقدر
مستحيل يقول بعالج وتحمليني

قبل
لمن بدأ الضعف معه
صار يقلق ويتفشل ويقول هالشي مقلقني
هالشي افكر فيه ليل نهار!
كنت اكلمه بدفء إن هالشي وقتي ومايهم
يهمني قلبه وإن علاقتنا قوية قريبين من بعض وبس
كان يطمنه كلامي للحظات وقتية

صدقيني
ماعا عندي رغبة في النقاش
اخاف منه ومن لسانه
أخاف أسمع منه كلمات مؤذية

وانه يبعد زيادة
والله احس مهدود حيلي
وما أبي غير السلاااااااااااااااااام..

اختي عندما تكون الرسالة مكتوبة بخط اليد يدك وموجهة اليه كمستشار ليس كزوج فيبدو انها توضح مدى معاناتك من ناحية ومدى ثقتك فيه وحبك له من ناحية اخرى

واكتب له في نهاية الرسالة
عزيزي المستشار امل منك الا تهمل استشارتي فأنا انتظر ردك على احر من الجمر حتى اسعد زوجي واسرتي ليكون بيتي مليء بالأنس والراحة والمودة والرحمة
كما بإمكانك عزيزي المستشار الرد عن طريق الجوال رقم ..........05او الايميل @ او بظرف او باي وسيلة تراها أسهل لك حتى لا اكلف عليك

(واختمي استشارتك بالدعاءله كمستشار وايضا ادعي لزوجك واولادك معه )

وفق الله الجميع

ليش لا
هو لازم ينفتح حوار
لازم أقول اللي بخاطري..

امممممممم
أنا الآن مركزة ع الرقية الشرعية
وأحس بتجيب نتيجه
اقلها يكون هادي
أكون قادرة أتقرب منه برسالة
بكل حال
موعدنا لنهاية الشهر هذا
بركز في المطلوب مني أقوله
بشكل مختصر واضح
وبحاول من الآن انتقي الكلمات المناسبة

بصراحة فكرة الرسالة أهون من مقابل خشته قسم تضيييع الكلمات وأرتاع منه رغم إن شكلي وأسلوبي في الكلام وحده مو مهتمه وواثقة بقووة!

ويارب تجيب العواقب سليمة

الف شكر خيووو
ممنونة كثير مساعدتك..

لا شكر على واجب

الرقية جدا ممتازة لك وله
بإمكانك عندما تضع ماء في الثلاجة ان تقرأي عليه حتى يستفيد اهل البيت جميعا

مثل ما قال أخونا مستعجل لا تنسي الرقية لزوجك والبيت ... تقرئي على ماء وتخلطيه بالماء اللي تشربوه أو بالعصير أو بالطبخ أو تحطيه بزجاجة منظف الزجاج أو معطر الجو وترشيه بالهوا بالبيت

والرسالة ركزي فيها على جفاف علاقتكم بالمعاملات اليومية .. يعني مو كل الناس عايشة حياتها بوجود الجنس .. المودة والألفة والاحترام تعوضها ... أغلب الناس بعد عمر معين يصير الجنس بحياتهم شيء ثانوي ماله أهمية .. انتو دخلتوا المرحلة هذي شوي بكير لكن لو في مودة واحترام ما راح يكون لها تأثير كبير

الله ييسر أمرك ويسخر لك زوجك

__________________