السلام عليكم

بقول لكم قصه اغرب من الخيال والمصيبه انها واقع مر

بمجتمعي الرجل هو اللي عليه جميع الالتزامات الماديه حتى لو كانت زوجته موظفه ما تساعده ولا تشاركه باي شي نهائيًا نهائيًا نهائياً

من تكاليف العرس الى الخدامه والسواق وايجار الشقه والاثاث ويعطيها مصروف شهري وهي موظفه ويوفر الاكل والتعليم للابناء ويوديها مستشفيات خاصه حتى ولادتها تكون على حسابه !!

وهي تلعب براتبها عالفاضي وتشتري لبس وحلويات علشان تلبس وتكشخ لصديقاتها بالعمل !! يعني راتبها ماراح يكفيها وتضطر تطلب من زوجها وان ما عطاها زياده قالت فيه كلام ما ينقال وزعلت

يعني انا رضيت انك توظفتي وما اخذت منك شي المفروض تعوضيني فترة غيابك تعوضيني بوجبة الافطار والغدا اللي غالبًا راح تطوفني لانشغالك يعني الخدامه تكون عليك

وفلوس السواق اللي يوصل لعملك المفروض يكون عليك

فاستغرب لما اشوف رجال الزوجات تدفع لهم ماشاءالله وتتشارك مع زوجها عندنا مستحيل
اقصد( بعندنا )بجامعتنا ومعارفنا
وبنفس الوقت اعرف بدو الزوجه تدفع لهم ولكن بذكاء وتحايل من الزوج او من وقاحته ويستغل طيبة الزوجه

وماشاءالله على اصحابنا الحظر يتشاركون بكل شي مع زوجاتهم


المهم شنو اللي ابي اوصل له بالموضوع ؟
اللي بوصل له اننا غير متشابهين يعني بعض النصايح تناسب البعض مننا وبعضه ما تناسب الاخر نتيجة اختلافنا وهذي سنة الحياة

هل تشوفون وضعي طبيعي او لازم اشرك زوجتي ببعض المسؤوليات ؟
البعض ما يعطيها مصرف بيدها بحجة انها موظفه ؟

طبعًا انا اميل ان كل شي على الرجل بس اشفايده ان المره تتوظف بالعكس اتضرر من هالشي ولا احس بالاستقرار الاسري وبنفس الوقت مافيه فايده ماليه وفلوسها طايره على مظهرها !! يعني تعب مع خساره

الموضوع للنقاش واتمنى محد يزعل

يكفي انها تصرف على نفسها وتسدد فاتورة جوالها .. وتشتري من راتبها لبسها ومكياجها وعطوراتها واحيانا تساهم في اغراض اطفالها ... صديقاتي الموظفات وحتى اختي متشركين مع ازواجهم في كل شي .. اما الموظفه اللي ترفض تدفع ريال وفوقها تطلب مصروف من زوجها فهذه صراحه لا تعليق ..

__________________
Hug

مو هذي النوعيه اللي اتكلم عنها

حتى جوالها علي ومصرفها علي وغير لبس العيد والشتاء والصيف

اجل ليه موظفه الاخت

انا موظفة فلوسي كلها على نفسي اما بنتي والبيت على زوجي

اتوقع لازم اتفاق

__________________
لا اله الا انت سبحانك اني كنت من الظالمين

الاتفاق جميل بس انتي شايله نفسك عكس اللي عندي

انا موظفه اصرف على نفسي وعلى اطفالي وعلى زوجي كونه فقير حتى البنزين ادفعه ومع ذلك محرومه من السفرات والتمشيات والنزهات بصحبته وان كانت على حسابي !!..

ما تعليقك ؟

الله يجزاك خير ويرزقكم

كونه ما يبي يسافر على حسابك يمكن ما يبي يثقل عليك تقصدين او ايش بالضبط

أخي الفاضل..

مسألة الزوجة الموظفة ومشاركتها المادية لزوجها ليست بالقضية الجديدة .. سبق أن طُرحِت كثيراً .. وللبعض رأيٌ فيها أن الزوجة يفترض أن تشارك زوجها في الالتزامات المادية .. سواءً من باب المساعدة إن كان زوجها غير مقتدر مادياً .. أو من باب التعويض عن ساعات غيابها عن بيتها.

والبعض يرى أن هذا واجب وإلزامي عليها .. والبعض الآخر يرى أنها يفترض أن تبادر بهذا من باب الذوق والتعاون.

ولكن من ناحية أخرى أنت بنفسك قلت إن المجتمعات تختلف .. وأن السائد عند جماعتك ومعارفك أن الرجل يتحمل المسؤولية المادية كاملة حتى لو كانت الزوجة موظفة.

لذلك لا أفهم سبب طرحك للموضوع .. وما الفائدة التي ستجنيها من إعادة طرحه ونقاشه؟ .. هل ستطالب زوجتك بالمشاركة المادية معك وتخرق العرف السائد في مجتمعك مثلاً؟

أنت أجبت بالفعل على هذا السؤال ونفيته وقلت إنك تميل لأن يكون كل شيء على الرجل.

إذاً ما المطلوب؟ .. متحسف على البيزتين اللي بيدخلون جيبها؟! .. إذاً لماذا أخذت الموظفة منذ البداية؟!!



أما سؤالك: هل وضعك طبيعي أم لا؟

فأقول .. ما دام الله منعم عليك فنعم وضعك طبيعي .. وطبيعي جداً أن تتحمل كل شيء حتى لو كانت زوجتك موظفة.

__________________


اللهم طِيبَ الأثر .. وحُسْنَ الرحيل.

يا اختي هل يوجد حاليا مرأه غير موظفه !!
عموماً طارح الموضوع للنقاش والمفروض هالزوجه تستحي على نفسها اشوي وتقلل طلبات من زوجها عالاقل
بس هم بخباثتهم يلعبون لعبه ويحسسونك ان راتبهم خط احمر وان راتبك حق لهم يا مال الفقر بس هذا اللي عندي لهم

طيب ماهو راتبها خط أحمر فعلاً ومب من حقك تحط عينك عليه .. ما قالت شي غلط يعني.

وما عليه اسمح لي يعني .. هي (يا مال الفقر) لأنها تطلب وما تبا تصرف معاك .. وانت اللي حاط عينك على فلوسها ـ رغم مقدرتك المادية ـ شو تكون بالضبط؟!!


وبعدين مثل ما هي من حقها تشترط الوظيفة انت كان من حقك تشترط غير موظفة أو على الأقل تترك الوظيفة بعد الزواج والإنجاب مثلاً .. وإما تتفقون أو كل واحد يدور نصيبه مع حد ثاني يوافق على شروطه .. لكن بصراحة مب مشكلتها انك انحرجت أو استحيت او عملت حساب كلام الناس .. وبعدين تجي تشتكي هني وتقول عنها يا مال الفقر!!!

__________________


اللهم طِيبَ الأثر .. وحُسْنَ الرحيل.