كل سنه وانتي طيبه اختي بمناسبة الشهر الفضيل
بالنسبه للالوان تناسب الوالد الالوان الداكنه على رمادي كذا....يعني اللون الداكن يكون ارزن واثقل بالنسبه لهالفئه العمريه....
انا انصحك بعد بالعقيق....والعقيق لايعلى عليه في عالم المسابيح....
اما دهن العود....فخذيله دهن عود ملكي...لان ريحته مستحيل انها تنسي ودايما الشخص لو يقوم باي حركه تفيح ريحته جنان..عاد كل ماتفيح ريحته يتذكرك ويدعيلك...وافيدك بشي اختي في عالم الرجال دهن العود يوضع خلف الاذان..وفي منطقة الرسغ في اليدين لانه هالمنطقتين سبحان الله فيهم العروق النابضه يعني اي جهد يبذله الشخص راح يثير هالعروق وبالتالي تنبعث الرائحه الزكيه..
اما عاد تقولين انتم يالرجال هداياكم محدوده....والله لامحدوده ولاشي بس من بخلكم ياالحريم...تستخسرون فينا حتى الهديه وتتحججون بالمحدوديه هههه(امزح معاكي عاد)
لكن انا اقترح عليكي تهدين الوالده طقم كامل(كبك مع مسباح وقلم كلهم يجون بعلبه وحده ونفس اللون..وماركات عالميه بالنسبه للكبك والقلم .كارتير ,,وارماني,,,اما المسباح يضاف عليهم وبنفس اللون..وبالتالي يطلع طقم عالمي )
وفقك الله خيتي والله يجعله في ميزان حسناتك
__________________
التعديل الأخير تم بواسطة اخطيت ; 15-09-2006 الساعة 07:15 AM