سؤال عن المسابح ،السبحة
 

السلام عليكم ورحمه الله وبركاته

سامحوني على اقتحام عالمكم

وكل سنه وانتم طيبين

بصراحة حبيت أسألكم عن (المسابح ،، السبح )) أبيها كشخه وراقيه وكيف افرق بينها وبين الرخيصه ،،

لأني أخشى ان اقع في فخ النصب والاحتيال لإأعلم شىء عنها<<<<<<<< لها سوابق


ولاني أريدها لوالدي هدية وماابي اتفشل .. وياليت ماتتأخرون علي .. وين احصلها تباع غالبأ ماابي اسماء محلات لا يعني وين احصلها عند محلات العطور والا أيه
.>>> لاتضحون لاني فعلن مادري

وجزاكم الله خيرآ والله لايحرمكم الأجر والثواب

تحيتي

هلا اختي.......
بالنسبه للمسابيح انواع كثيره.....
فيها المعطر اختي ..وهذا اكثر الانواع اللي افضلها شخصيا...وهذي اسعارها تبدأ من 250 ريال وطالع حسب النوع
وفيها بعد اللي مش معطر...والموضه الان..هي السبحه اللي تكون حباتها صغيره وقصيره..هذا شبابيا..
اما اذا تبين تاخذينها للوالد.فمواصفاتها كالتالي..حباتها حجمهم وسط...وقصيره....ولها اهداب....وياليت تاخذينها معطره بعد..وبالنسبه للشكل مثل ماوصفتلك ...عاد الوالد يستاهل..حركي هالجيب شوي...
اما اماكن تواجدها..فهي في محلات العطور والساعات...بس المحلات الراقيه ...راح تحصلين خيارات كثيره
اتمنى اني افدك.........وفرحان كثير انك تذكرتي الوالد.....تراها شي كبير بالنسبه له!!!!

يعطيك العافيه اخوي وكثر الله من أمثالك

وان شاءالله احصل الي قلتلي عليه لان بصراحه متعوده اهدي الوالد والوالدة قبل رمضان ومثل ماانت عارف احس هدايا الرجال محدوده وجأت ع بالي سبحه ومعاها عطر عوده لكن بصراحه توهقت وحتى مااعرف وين تباع السبح

وجزاك الله خيرآ ومبارك عليك الشهر


وماعليش عندي استفسار صغير هي اضن الوان طيب وش الالوان الي يفضلها الرجال غالبآ ؟؟

كل سنه وانتي طيبه اختي بمناسبة الشهر الفضيل
بالنسبه للالوان تناسب الوالد الالوان الداكنه على رمادي كذا....يعني اللون الداكن يكون ارزن واثقل بالنسبه لهالفئه العمريه....
انا انصحك بعد بالعقيق....والعقيق لايعلى عليه في عالم المسابيح....
اما دهن العود....فخذيله دهن عود ملكي...لان ريحته مستحيل انها تنسي ودايما الشخص لو يقوم باي حركه تفيح ريحته جنان..عاد كل ماتفيح ريحته يتذكرك ويدعيلك...وافيدك بشي اختي في عالم الرجال دهن العود يوضع خلف الاذان..وفي منطقة الرسغ في اليدين لانه هالمنطقتين سبحان الله فيهم العروق النابضه يعني اي جهد يبذله الشخص راح يثير هالعروق وبالتالي تنبعث الرائحه الزكيه..

اما عاد تقولين انتم يالرجال هداياكم محدوده....والله لامحدوده ولاشي بس من بخلكم ياالحريم...تستخسرون فينا حتى الهديه وتتحججون بالمحدوديه هههه(امزح معاكي عاد)
لكن انا اقترح عليكي تهدين الوالده طقم كامل(كبك مع مسباح وقلم كلهم يجون بعلبه وحده ونفس اللون..وماركات عالميه بالنسبه للكبك والقلم .كارتير ,,وارماني,,,اما المسباح يضاف عليهم وبنفس اللون..وبالتالي يطلع طقم عالمي )

وفقك الله خيتي والله يجعله في ميزان حسناتك

شكر لك اخي الكريم على سعة صدرك ونبل اخلاقك

جزاك الله خيرآ

بصراحه اختي ماعندي خبره بالمسابيح
واظن اخوي اخطيت كفى ووفى.......
بس بصراحه اعجبني فيكي فكرة الهديه للوالد والوالده الله يجعله في ميزان حسناتك

تختي بالنسبه للسبح او المسابيح مثل ما تسموها انوع .. هناك احجار كريمه و هناك المقلده التي تكون حبياباتها بلاستك ...
بالنسبه للسبحه في نظري هي علامه وقار و رجولة كما هي في مجتمعنا العراقي ..
هناك احجار من العقيق و العقيع انواع هناك عقيق سليماني و عقيق ايراني و افضلهم السليناني الذي يقال انه موجود من ايم النبي سليمان عليه الصلام و تكون لونها مائل ما بين الحمره و البرتقالي ..
و هناك الفيروز و الفيروز انواع البلاستيك و الأصلي و الأصلي يكون غالي و وزنه اثقل بالطبع و لونها فيروزي و تهدى للرجل الأبيض البشره و الذي يرتدي الوان غامقه اللون ..
و هناك الكهرمان و هو الحجر الرائع الذي يسمى عندنا بالكهرب و التي تعطي رائحه بعد فركها باليلد لفتره و رائحتها زكيه جدا .. و هذه انواع هناك الكهرمان الأسود و الأصفر و الأصفر انواع هناك ما هو به حشرات محنطه و هذا من اغلى الأنواع و تكون حبهتها كبيره ..
بالنسبه للأحجام تهدى الصغيره لصاحجب اليد الناعمه و الصغيره و الكبيره تهدى لصاحب اليد الخشنه و الكبيره .. و يجب اختيار الوان السبح التي تتناسب مع الملابس . و في نظري اجملها الكهرمان و العقيق السليماني ..

و دمتم و الله اعلم

شكرآ لكم ويعطيكم العافيه وكل عام وانتم بخير

تحيتي

المعطرة فكرتها حلوة انا من فترة اشتريتها من محلات مجوهرات وكانت 500 وأخذتها 250 ريال ومرة فخمة << عليها خصم

من كم شهر اهديت للوالد عطر وحمستيني الآن اهديه مرة ثانية بس أبوي مايستخدم السبح كثير!