;;
;;




السلام عليكم ورحمة الله وبركاته


المقادير:

رز مسلوق نص سلق مع بهارات صحيحة
2علبة تونة مصفاية من الزيت ( طبعا على حسب كمية الرز )
بصل مفروم
ثوم مفروم ناعم
ففلفل حار
كزبرة مفرومة ناعم
طماطم مقطعة مكعبات
2 ملعقة كبيرة صلصة طماطم
2 ملعقة كبيرة زبادي ( روب )
بهارات صحيحة للرز ( هال – فلفل أسود – ليمون يابس- قرفة -قرنفل –)
بهارات بودرة ( بزار – كاري – فلفل أسود – كركم – ملح ) واللي تحبينه

خلطة التونة

حطي شوية زبدة في تاوة وشوحي فيها بصل وثوم وفلفل اخضر حار
لما يذبل البصل شوي ويستوي ذهبي
حطي الطماطم ومعجون طماطم والبهارات المطحونة وشوي ماي وخلي الخليط يذبل



اضيفي الروب بعد ما تتجانس المكونات



اضيفي التونة واتركيها 10دقايق تتجانس مع الخليط
بس لا تفتتينها كثير علشان ما تضيع بالطبخة

----------------


طريقة الرز

حطي زبدة شوي وشوحي فيها البهارات الصحيحة ثم اضيفي الرز وحركيه مع البهارات اضيفي الملح ثم الماء المغلي واتركي الين يستوي نص استواء

وبعدين اشخليه

ملاحظة مهمة الرز لازم ما ينترك وايد في المشخال لانه ينعصد


----------------


الكشنة

بصل
خضار مشكلة
حزر مبشور



حطي عليهم بهارات اختيارية
او ماجي
اضيفي قليل من الماء
الين تيبس المكونات شوي



----------------


الحين نجي للطبقات
طبقة رز
خاطة التونة
ثم طبقة رز المتبقية






بعد ما تخلصين الطبقات
رشي على الوجه شوية قرفة وكزبرة خضراء وزبدة
وصبي شوية ماي وغلفيها بالومنيوم وخليها تطبخ على نار هادية
'
'
'








زوووووم

__________________
الحمدلله الذي بنعمته تتم الصالحات

يلهوي على الطعامه ‏

تسلم يدك باين لذيييذ وانا صايمه

شكلي ما بدخل القسم الا بعد المغرب ههههههههههههه

عليكم بالعافيه بس ما تنسيني لازم ترسلي لي طبقي :‏)‏

__________________




سبحان الله وبحمده ♥
سبحان الله العظيم ♡
♥♡♥♡♥

ام محمد طبقيها غاليتي سهلة جدا
تعرفين انا التونة بالنسبة لي المنقذ يوم ما عندي وقت اطبخ

فعلا لذيذة
ما تتفوت للي يحبون التونة

__________________
الحمدلله الذي بنعمته تتم الصالحات

احبها ..

لكن لو عملتها ما حياكلها زوجي
اعرفه ..

تعرفين يا روح
كل ما اطبخ تطرين على بالي
نفسي اعلمج الطبخ
راح تتورطين بعالم من المتعة كل مرة يشدك اكثر

لا تفكرين كثير فيه
اطبخي باتقان وراح ينجر لك تلقائي
خصوصا انه من اصحاب الكروش ههههههه

__________________
الحمدلله الذي بنعمته تتم الصالحات

ماشاءالله يآفاكهه ..

تسلمين الطبخه تجنن خاصة بالتونة عواافي ..

أسويها بالدجاج وبدل الخضار احط جزر وبصل وزبيب يعني ها فيها شبه بسيط ..

ان شاءالله أطبقها قريب ..

__________________

هلا بسكر
نعم الكشنة لها طرق مختلفة

ممكن حمص وبصل وجزر
ممكن بصل وزبيب
وغيره وغيره

__________________
الحمدلله الذي بنعمته تتم الصالحات

عادي روح سويها وسويله طبق ثاني

بتشوفي اذا مامد يده زي زوجي مايحب الملوخيه رحت سويت ايدام فاصوليا وملوخيه اكل الاثنين هههههه

قلت حرام عليك حارمني منها طلعت تأكلها ..

__________________

تسلم الأيدي يا فاكهة فنانة ما شاء الله
لكن ماذا عن خلط اللبن والسمك ؟!

__________________
## مهم ##
هل تتعرضين للابتزاز في الانترنت؟


هنا من ينقذك

هلا غاليتي افاق
الله يسلمج
اللي اعرفه انه اعتقاد خاطئ

__________________
الحمدلله الذي بنعمته تتم الصالحات