هلا حبيبتى ...

انا مع وجهات النظر الا بتشجعك لتكميل الدراسه ... وووالقليل من زجهات النظر مع الطرف الآخر ...

بس حبيبتى أقلك نصيحة أخويه .... الشهادة الجامعيه حبيبتى ســـــــــــــــــلاااااااااح في يد المرأة مو اقلك علشان تتخرجى وتتوظفي بلعكس حبيبتى انا اقلك لأن سبحان الله الظروف ماتعرفيها ويارب ربي مايحوجك لهادى الظروف الشديده اسمو معاكى شهاده جامعيه وانك فتاه مكمله تعليمك ..

حبيبتى ياما بنات ماشاء الله درست وكافحت بطفل وطفلين الين ما انتهت من الجامعه ..
واعذرينى ترا البنات هما أدرى بمصلحتهم أكثر من الاولاد ..
حبيبتى انا أقلك قصه:" عمى الله يرحمو تزوج ومراتو كملت الجامعه .. وطبعا بعد الزواج ما شاتغلت .. وكانت برغبه منها ربك أراد أن ما يعيشو مع بعض الا 3 سنوات فقط وأتوفي عمى وفاة مفاجىء وهو لسه صغير في السن كان جاب منها ولد عمرو سنه ونص وبنت 3 شهور الله يرحمو وطبعا مالو غير 3 سنوات في وظيفه حكومية مامدا يوصل راتب التقاعد حاجة تكفيها هيا وأولادها ... وصح أهلها ماشاء الله كانو مقتدرين بس برضو البنت ترفض انها تتقل على اهلها او تحس انها بتكلف عليهم في حاجة .. ايش عملت قدمت على وظيفه وجاها تعييين واتعينت وعاشت عيشه كريمة هيا وعيالها ووهيا مرتاحة .. وراتب التقاعد الا يجى لعملى الله يرحمو سارتمسكو أبدا شايلا لعيالها وتصرف عليهم من راتبها ماشاء الله عليها فأيش نفعها اللحين غير شهادتها ..

وغير كدا حبيبتى مرات الوحده تساعد زوجها خاصه لو كان من ذوى الدخل المحدود وطبعا برغبتها ورغبتو ومو على حساب صحتها طبعا فالشهادة راح تفتح لها ابواب لوظيفه مرموقع وراتب جيد ..

وغير كدا حبيبتى من وجه نظرى أن الوحده لمن تكون في جلسه واحد يسألها الين وين واصله تعليمك ترفع راسك وتقولى جامعيه او دراسات عليا وانتى مستفيدة وأثقلتى شخصيتك ووسعتى مداركك وخدمتى مجتمعك ووطنك ولا وحده عفوا جاهله ماهى مكمله تعليمها غير الكفائة المتوسطة ولا الثنوي ولا ابتدائي بس تحسي في اختلاف في التفكير وومن الكلام يبان انك جامعيه مثقفه ولا لسه ماكلمتى .
وبعدين حبيبتى انتى مشيتى في الطريق وسلكتى مابقي حاجة تقومى اللحين توقفي وماتكملى تعليمك والله حراااااااااام سنين عمرك تروح كدا اجمعى بين دراستك وبين بيتك مافيها شي ..
انا أهلى من النوع الا شهادة الجامعه هيا كل شي واول شي شهادة الجامعه وأختى اتزوجت وهيا في 2 جامعه ووكملت وهيا حامل وولدت وكانت تجيبها بنتها عند ماما ، ومرات أخوى بعد ماشاء الله ربي اعطاها طفلين وورا بعض ماعنها كانت تاخد موانع بس نصيبها وكملت واللحين والله يشكرو هم على أنهم كانو وراهم وراهم حتى اخدو شهادة الجامعه ...
حبيبتى عندك حل انك تاخدى طفلك معاكى للجامعه في حضانه خاصه وتستأمنى علي لو كنتى بعيدة من أهلك وأهل زوجك وليكى الحق بساعات أمومة تروحى تطلى على طفلك ومنها بتكونى قريبه منو كل ماعندك وقت فاضي او الدكتور طلع بدرى تقدري تروحى الحضانه وتشوفي أبنك بس الشهاده الشهاده الشهاااااااااااده ارجووكى

حبيبتى فكرى في المستقبل تعب ساعه ولا عذاااااااااااااااااااااااب ألف ساعه ماتعرفي حبيبتى الزمن ايش يخبى للوحده لا قدر الله ..

الشهادة الجامعيه ســــــــــــــــــــــــــلاح قوى للمرأة لا تستهينى بيها
والله حبيبتى أبغا ليكى الخير

أختك
بتول

__________________
اللهم حققلى منايا ومرادى ووفقنى في الحياة الدنيا والأخرة اللهم آمين

أحبتى الكرام لاتنسونى من دعواتكم في ظهر الغيب..

أختــ بتـــــــــــول ـــكم


[/CENTER][/SIZE]