حبيبتي هل فيه مجال تخفضي ساعات العمل ؟ ترى ساعات العيارة مفيدة !
انتي كاختي دايما اقولها كانك مكينة خياطة ماتوقف !! وشوفي حالها بعد 10 سنوات كدح وتعب ،، كما يحصل معاك تتعب نفسها وتشيل هم شغلها والخ وتصير مشاكل مع زوجها وبالنهاية بسبب ان مثل ماتفضلتي ان بعض التوظيفات تكون ليس للمؤهل وبسبب هالشي تم تلفيق امور لها وضع عبأ اكثر وحرمت من ترقية اكبر تاملتها سنين وعملت لها وتناست عائلتها .... الحين حاسة بالقهر !!

عشان ما تكوني او توصلي لهالنقطة والمصير ،، اخذي ورقة وقبل خروجك من مكتبك اكتبي عليها كلمة العمل او الدوام او او اللي يعجبك وبمجرد ماتوصلي عتبة باب بيتك قصيها وارميها بالزبالة وارسمي ابتساااامة واخذي ورقة واكتبي عليها البيت ،،، ممكن تحسيها وصفة مش ولا بد ولكن تفيد للعقل الباطن ...

عشان تعكسي الادوار بحالتك فبدل ماتفكري بالعمل في بيتك خلينه نخليك تفكري بالبيت وانتي بالعمل ! هالشي راح يخلق توازن نوعا ماا ماراح ينقص من عملك وطاقتك ولكن بيخلي وعيك وعقلك شامل ... حاولي تجيبي اي شي من منزلك اوراق بناتك ، صور ، تسجيل صوت ، حتى لو تشوفي فيديو لهم هالشي خليه اجباري .... بهالطريقة ع الاقل راح تدخلي امورك الاجتماعية بحياتك العملية واذا رجعتي بيتك راح تحسي بالشوق وتدريجيا تقدرين تدربين نفسك على ترك امور العمل للعمل ...

اذا قدرتي تقللي سنوات العمل كشراء السنوات بما انك بجهه حكومية فبيصير ممتاز فبدل ال 10 سنوات تصير 5 او حتى 3 ... اعتقد بكل وزرات الحكومات العربية والخليجية بالخصوص عندهم هالنظام ،،، برايي اسرتك وزوجك وصحتك هم الاولى بتركيزك ولكن هالشي مابمنع تواصلي تنفيذ حلمك وطموحك بالدرجة اللي انتي قادرة عليه ...

امنعي اي اتصال بوقت اجازتك وحتى بعد دوامك ،، اقفلي كل الهواتف المخصوصة للعمل ،، اخذي لك راحة ساعه ساعتين ،،، بعد ماتصحين اعطي نفسك امر ان الان هو وقت التفكير بالبيت وبالاولاد ،، انسغلي معاهم حتى لو بلعبة بسيطة تغير جوك وجوهم مثلا الخشيشة .. الرسم ... رش الماء ... تساليهم عن يومهم وتتركين مجال لكل واحدة ... ماعليه حتى لو تعبانه من شغلك اجبري نفسك تسمعين مرة مرتين بتتعودين ...

الله يعينك ويوفقك ان شاء الله