رد : محبتكم روح الطير..محتاجتكم [ مستجدات بالرد 30 - 31 - 34 - 288]
اقتباس:
المشاركة الأصلية كتبت بواسطة روح الطير
لو تعود ينام برة البيت ، أعرف زوجي ( مثل الطفل ) ..
ممكن خلال الأسبوع هذا ( يتعرف على صحبة تخربه )
.
.
زوجي ليش تعود عالسهر ؟؟؟؟
لإننا رجعنا من برة ، و كنت أجلس أغلب وقتي مع أمي و هي مريضة ..
كانت أمي تبغاني مرات أنام عندها ، و هو يقولي رايح أنام في بيت أهلي
و هو يروح يسهر يلعب بلياردوا ..
تعود عالسهر ، و كنت بعيدة عنه ..
و كنت مشغولة بحملي و الوحام ، و بأمي ..
.
.
.
|
ما في فايده يا روح فيكي
برضك ترجعي تحوري المساله وتسقطي الغلط على نفسك
مارح استغرب بعد شويه تجي وتقولي انا السبب انا اللي خليته يخوني لاني كنت مشغوله بالاولاد وامي كانت مريضه وووو وتلبسي نفسك الذنب وتطلعيه هو منها ..
هذي مشكلتك صدقيني هذي مشكلتك
ترى اغلب العالم عندها عيال وامهاتهم مرضى ويمرو بحمل وولاده عمره ما يعتبر هذا سبب انه تسقطي الذنب على نفسك .. هو غلطان ميه بالميه وانتي مالك ذنب مااااااااااالك ذنب فوووقي يا بنتي ايشبك انتي
بعدين ايش قصة اقوم اجيبله المويه واعيشه ملك
الظاهر الايه انقلبت وهو اللي علمك الدرس مو انتي اللي علمتيه
يخون وتكافئيه بمعاملة الملوك
ما يصرف عليك اتكالي وتكافئيه بمعاملة الملوك
يبغى يتملص من تربية اولاده وحجته ولدي ما حسيت بيه امك اللي ربته ..حسب علمي انه امك اخذته منكم الين كمل سنه فقط او حتى سنتين هذاااااااا مش عذر ابدااااااااا كيف انتي قابله العذر هذا؟؟!! اجل المسساكين العامله المنزليه والسواق اللي يغيبو بال 4 سنوات عن عيالهم يرجعو يقولو اسفين محنا متعودين نربي عيالنا غبنا عنهم سنين !! هذا مش منطق ابدا
انا بحاول افتح عيونك عشان تستغلي الفرصه هذي في تحسين وضعك ووضع اسرتك اخاف انها تمر مرور المطر سريعا من دون ما تستفيدي منها والسبب اختلاقك وتصديقك لاعذار لالالايمكن تكون مقبوله ..