اقتباس:
المشاركة الأصلية كتبت بواسطة SCoT
اول شي الممطلقه
ماراح تعطيني كارجل كل الي ابيه واحبه
بلعكس راح تكون حذره معي وراح تسوي امور هي بعتقادها صح ولا في الحقيقه خطأ
والاهم من هذا راح يكون فيها عقده من طلاقها الاول
وراح تتعبني وتتعب هي بنفسها
هذا على صعيد الزوجه
|
-بالعكس المرأة مخلوق هين لين .. وتحب أي رجل يعطيها وجه وتضعف قدامه .. كيف لو كان زوجها .. والله والله تشيله بعيونها وتداريه .. بس يعطيها الحنان والحب وينسيها بأسلوبه صدمتها .. ويتحملها إذا كان يحبها .. وترى البنت تتغير بسرعة ومالها قناعة معينة .. دايم الزوج هو اللي يسيطر على تفكيرها ويأثر فيها ..
.. وإلا كان ماشفت كيف يقدر أي رجل يطرح أي بنت يبيها .. حتى لو كانت ملتزمة إلا مارحم ربي .. أنا بنت وأحس وأتكلم لك من قلبي .. لو لقيت رجل حنون ويخاف الله .. والله لاحبه وأعطيه اللي يحلم به وفوق اللي يحلم به .. وانسى الأول مهما كنت أحبه .. بالذات إذا كان ظالمني ..الله سبحانه ما سن الزواج للمطلقة إلا إنه يعلم إن هالشي هو الأصلح لها.. يعني خلاص يضيع شبابها .. وتعيش محرومة من شريك .. عشان ذنب مالها يد فيه ..
-وش ذنب البنت إنها تطلقت تنحرم من الزواج .. ويصير الرجال يطالعونها بنفس نظرتك ..
أخوي معليش سامحني بقولك شي : نظرتك خاطئة وقاسية جدا .. وربي بكيت من كلامك وكل ما قريت كلامك بتأثر وكل بنت تمر بكلامك بتبكي وتتأثر ..
اقتباس:
المشاركة الأصلية كتبت بواسطة SCoT
اما على صعيد الرجل كتالي
فقط مجرد تخيل الرجل ان هذه المراه كانت بين احضان رجل ثاني هذي صعبه على الرجل الشرقي
وفوق هذا رحم البنت المطلقه يختلف اختلاف كلي عن البنت البكر
اعتقد فهمتي وش اقصد
هذا بحد ذاته يجعل الرجل
يتوجه الى البنت البكرر بنت جديده على قولتهم
وهذا الكلام انا متأكد محد يقدر يقوله بس هذا الصدق
|
-ليش وانت يالمطلق أو الأرمل ماكان بين يديك بنت قبلي .. بل قد يكون بعضهم راعي بنات وعلاقات وقبل يتزوج بطل أو تاب .. وأحيانا يستمر بعلاقاته ومليون بنت تمر بحضنه .. ومع كذا نصبر ونتحمل وندعي ربي يثبتنا.. ليش المرأة دايم تقهر وتقهر ومحد يحس بها .. غير عيال الحرام ..هم اللي يتعاطفو معاها ويطبطبوا عليها .. بس لأنهم يبغوا خرابها ودمارها .. أرجوك أيها العفيف .. الغيور .. قبل تجلس قدام الكاميرات .. وخلف الشاشات تتكلم عن العلاقات وعن وعن .. غير تفكيرك العقيم .. والكلام هذا موجه للرجال وليس لك أخي سكوت ..
-أما بخصوص الرحم وغيره .. ترى إحنا بجيل التطور والعلم والطب .. كلها كم غرزة وترجع الثيب كالبكر .. وهناك رجال أصحاب تجربة .. ولعلمك ترى البنت حسب ماتعطي وليس حسب ماتملك .. وأساسا .. أتحدى أي أعزب يميز المطلقة من البكر إذا كان مو راعي علاقات وسوالف .. الفارق جدا بسيط .. وغير محسوس والا كان مايرجع الرجل لزوجته بعد الولادة وخروج آدمي منها .. أرجو أن يرتقي تفكيرك يا أخي .. وماتصدق كلام مجتمعك المسموم ..
__________________
إلى من تحدثه نفسه بترويض مهرة برية حرة
نوّآرة ( .. لا تروّض أبدًا .. !