ذكريات لا تغيب ..

المشكلة عندي إنه ولدي إذا غلط غلط بسيييييط حتى لو من غير قصد ،.
فتلاقي أبوه ما يصدق .. و زوجي صحيح ( هادي و بارد ) و أنا ( حارة ) ..
بس زوجي من الناس اللي ينفس غضبه في الولد و الحمد لله أنا عكسه في التعامل مع الأطفال ..

لدرجة إنه دايما أمي كانت تقولي و أنا في الغربة :
أخاف على ولدك منك ، تحطي حرتك فيه .. و متطمنة لإنه زوجك هادي ..
أقول لها :
و الله ما تدري إنه العكس هو الصحيح و إني أدلعه اخر دلع ..

جبتيها و الله ،، الدعاء و التكرار .. دايما أدعيله بالسعادة في الدارين ،.
و من ناحية طولة البال و التطنيش ، فشكلي لازم أخفف منهم شوي ..
لإنه ولدي تعود مني الشيئين هذولا ..

....................................

روح المساء ..

ايوة أفتكر البرنامج كانوا يجيبوه زمان و مرة كان خطير ،،
مادري إذا يعرضوه دحين و لا لأ .. من جد حابة يعيدوه لنا ؟؟؟
بس ولدي الحمد لله ما وصل لدرجة الأطفال اللي يعرضوهم في البرامج من الجنان و الصياح
بس إنه مرات ( عنيد ) ..

.
.

طبعا اليوم ولدي رفض ياكل و دايما ما يرضى ياكل غير اللي بمزاجه و متعبني مرة في أكله ..
و ياكل بس أكلات ماهي مفيدة أبدااااااااااااااا .. لدرجة إنه مرررررة نحف الأيام هذه و وزنه نزل ..
و خفت عليه يمرض و يدخل المستشفى لاا سمح الله

في الأخير اشتكيت لأبوه و قلت له : ولدك يسمع كلامك .. شوف خليه ياكل ، من جد تعبني ،،
من كم يوم ما بياكل شئ .. و كل ما أعطيه لقمة ، يخرجه من فمه ..

أبوه جاب الحزام - و أنا انفجعت و أشرت لزوجي بعيني ، لا تضربه - ..
المهم ، بس خوفه بالحزام و رضي ولدي ياكل في الأخير و الدموووووع تنزل من عيونه زي السيل ..

و اليوم عالعشاء و لأول مرة في حياة ولدي ، جلس و أكل ( بيض مقلي ) و عجبه مررررة ..
و مرررررة فرحت له ..
شكله التخويف بالحزام جاب نتيجة ..


و إن شاء الله إذا تزوجتي ،.
زوجك يعوضك عن الحرمان اللي فقدتيه ..

...............................................

أنفاس العطور ..

معاك حق .. في النقطة هذه ..
و قلت لزوجي النقطة هذه و اقتنع بها ..

و صح كلامك ، من ناحية الضرب من غير سبب ..
و مثلك في االمدرسة انضربت مرة من الأبلة و من غير سبب ،،
و لحد دحين قلبي يوجعني يوم أفتكر كيف ضربتني
كنت جديدة في الفصل و تاني يوم أداوم و هي كانت مقهورة من بنات الفصل ، و عاقبتني معاهم

ما أحبها ..

و عشان كذا ، يوم أعاقب ولدي ..
أقوله له إنت عملت كذا و كذا ، و كم مرة كلمتك و ما سمعت كلامي ..
و شوف إيش صار دحين ؟ عشانك ما سمعت كلام ماما ..