|
يا طباخات ،،،، تعالوا فورا ،،، عندي حفل عشاء ومحتاسة .......................
السلام عليكم ورحمة الله وبركاته يا طباخات ooooooooooooooooo :17: :17: :17: خالتي بتجي ان شاء الله بكرة ،،،، ولنا زمن طويل ما شفناها وابغى اتكفل بعمل حفل عشاء فاخر لها محـــــــــــــــــــــــتـــــــــــــــــــــــا سة وما اعرف ايش المنيو اللي اختاره للعشاء ،،، خصوصا ان العشا عندنا زي الغدا ابغاكم تعطوني منيو لعشاء فاخر ،،، مع مراعاة مايلي: 1/ تكتبو لي المقادير والطريقة لأني عجازة ومافيّ ادور على الطبق في الكتب اللي عندي 2/ تكون المقادير معروفه ،،،، يعني لا تقولوا لي جيبي تفاح مرمري وحطي عليه فصفص سكري مع ليمون تركواز <<<خخخخخخخخخ ،،،، يعني المقادير تكون واضحه ومعروفة 3/ ان لا يكلف الطبق الكثير من الوقت ،،، يعني اشياء سهله ،،، 4/ ابغى نصايحكم في كيفية ترتيب الاطباق وتزيينها ولكم خالص تحياتي وتقديري رفيعة الشأن |
؟ ؟ :29: :29: :29: :29: وينكم ؟؟؟ |
خذي مني هالطبق اللذيذ وادعي لي
المقادير: كيس خبز توست حليب للحشوه : بصله مفرومه ناعم دجاجه او باكيت صدور دجاج مسلوق ومفتت جزره كبيره مبشوره او 3 صغار مبشورين علبه مشروم مقطع شرائح فلفل بارد مقطع مكعبات صغيره شبت وكزبره مفرومين عصير ليمونه صغيره ملح وفلفل اسود وبهارات للصلصه علبه جبنه بوك صغيره 1 قشطه كاس حليب علبه وحده مايونيز قودي صغير ولازم قودي لاني لما غيرت المايونيز ما ضبط... مب تسوينها بغيره وعقب تقولين ماضبط هذا انا اقول لج لازم قودي... الطريقة : الحشوة : في قليل من الزيت حمري البصل وضيفي له المشروم وخليه لين يذبل وضيفي الفلفل والجزر والدجاج وباقي مكونات الحشوه وعقب ما تنضج اعصري عليها عصير اليمونه وترى هالخطوة مهمه والله لا تنسين الليمونه ... قطعي اطراف التوست وصفيه في صينيه التقديم وبللي اطرافه بالحليب بواسطه الملعقه وزعي الحشوه فوق طبقه التوست وصفي فوقها طبقه ثانيه من التوست الي ازلتي اطرافه اخلطي مكونات الصلصه وحطيها على الوجه ودخليها الفرن لين ما يحمر الوجه وبالعافيه |
عزيزتي رفيعة الشأن اخترت لك من المقبلات سلطة المكرونة أتبعي الخطوات ستعجب ضيوفك انشاء الله
المكونات: - 2 كوب مكرونة. - 2 خيار صغيرة مقطع. - 2 طماطم مقطعة. - 1 فلفل أخضر مقطع. - 1 بصلة مقطعة. - ملح + فلفل أسود. - 3/4 1 كوب صلصة بيضاء. - ربع كوب لبن. الطريقة: 1- اسلقي المكرونة في ماء مملح مغلي في إناء كبير حتى تصل إلى درجة النضج دون أن تعجن، ثم تشطف بالماء البارد وتترك حتى تجف. 2- حضري الخيار المقطع والطماطم والفلفل الأخضر والبصل في طاسة كبيرة. 3- امزجي كل من اللبن والصلصة البيضاء حتى يتجانسوا حسب السمك الذي تريدينه. 4- أضيفي المكرونة المسلوقة وخليط الصلصة البيضاء باللبن مع بعض في طاسة كبيرة التي بها الخضراوات المقطعة، أضيفي الملح والفلفل الأسمر. ويقلب الخليط كله سوياً. 5- يبرد الطبق في الثلاجة ثم يقدم يمكنك الاستغناء عن الصلصة البيضاء في حالة تواجد عندك الجبنة المالحة |
احسن حل عندي
خروف جاهز من عند الطباخ والسلطات سويها في البيت واعملى الحلويات اللى متعوده تسوينها دايما وجهزى انواع من العصيرات ترا المسأله ماهي محتاجه كل ها الحوسه واهم شى لاتنسين البخور ولاتسرفين في الاكل ودمتى |
انا لما يجينى عزومة مفاجئة كذا
اروح للسوبر ماركت واخذ اشياء جاهزة مثلا بطاطس مقطع جاهز للقلى كفتة جاهزة للقلى سمبوسة جاهزة للقلى حمص جاهز ورق عنب جاهز ولا انسى طبعا مقادير السلطة الروسية اللى ما تحتاج اللى تفريغها فى الصحون وبكذا تمتلى السفرة من غير تعب كثير وطبعا راح يبقى على طبخ العشاء وتقطيع السلطة وتنظيف البيت الخخخخخخخخخخخخ بس اهم الاصناف تكون كثيرة يعنى عزومة متعوب عليها ودمتى سالمة |
| الساعة الآن 11:48 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©