ضاقت بي الوسيعه ... انجدوووني
 

السلام عليكم ورحمة الله وبركاته

الحقيقه ماني عارفة من وين ابدأ بموضوعي أو بالأحرى قصتي.

بس بقولها بإختصار وبشرح لكم عن الألم اللي حاسه فيه واللي وقع فوق راسي وحطم حياتي وانا للحين مابديتها .

كنت كأي بنت عمرها ست سنوات وبصف أول ابتدائي تحب تلعب وتركض ومستااانسه انها بالمدرسه.
صار لي اللي ماكان يخطر على البال. وقت الفرصة كنت ألعب مع صديقاتي في ساحة المدرسه وأتنطط من هالكرسي لذاك وبدون لا أشعر طحت وتعلق مريول المدرسه بطرف الكرسي يعني بتفصيل أكثر رجل وصلت الارض ورجل للحينها فوق.

حسيت بألم وبكيت كأي طفلة بموقفي وانتهى الدوام ورحت البيت. والله يعزكم رحت الحمام وحسيت بحرقان في البول ومادري شلون انتبهت حق الملابس الداخليه وشفت فيها بقعة دم ,,,, طبعا ماعرفت شالسالفة وطرت عند امي وقلت لها يما ترا طحت اليوم وفي شي يعورني الحين ووريتها الدم,,,, بس للأسف ماسوت لي شي وما ودتني الدكتوره :( ـــــــــــــــــــــــــــــــــــ وثاني يوم رحت المدرسه عااااادي وكأن ماشي صاااار.

كبرت ونسيت السالفه لين الصف ثاني اعدادي لما بديت ادرس عن الانسان واعضاء الجسم وعلامات البلوغ ,,, الخ بدت ذاكرتي ترجع ورا وبدا وسواسي وتفكيري باللي صار
تخرجت من الثانويه وبدؤا الناس بخطبتي وانا أرفض الزواج إلى الأن بسبب تلك الحادثة مع اني على قدر كبير من الجمال والأخلاق ومشهود لي هالشي بين كل الناس.
وما اخفي عليكم لو اني ما تأكدت اني فقدت عذريتي وانا صغيرة كنت الحين متزوجة من عمر ال 18 وانا الحين عمري 24 وعاطفة الامومة تذبحني وشعوري بإني أبغي أكون تحت ظل رجل يحبني ويحميني صار يحطمني..

والله العظيم أشوف البنات اللي أخلاقهم سيئه واسمع عن اللي سمعتهم بالحضيض انهم يتزوجون ويجيبون عيال وانا ماكان لي ذنب باللي صار لي .. ليش ليش..
والله اني ما أستاهل والنار تاكل جوفي وانا أشوف إن القدر دمرني وانا للحين ماوعيت على الدنيا...
أفيدوني أفادكم الله.. مابقى بعمري كثر اللي راح ... وين أروح ؟؟؟ بمن أستنجد؟؟

مستحيل اني أقول لأي بشر اني غير عذراء وماعرف اي دكتوره تقدر تحل لي المشكله..


ريحوني من العذاب جزاكم الله خير

الأخت الفاضلة: توكلي على الله والجأي إليه ولا يجوز ما ذكرتيه من عتب على القدر.

اختي العزيزه من قالك انك فقدتي عذريتك ؟؟؟ اوكي يمكن وقعتي من الكرسي وشفتي دم بس هذا مو معناته انك فقدتي عذريتك ومدام امك ما اهتمت يعني ممكن يكون الموضوع عادي روحي الطبيب وتاكدي قبل ما تقتلين نفسك بروحك .. لا تحطمين عمرك بشي اني ما كنتي السبب فيه وبعد ما تتأكدين انك سليمه ان شاء الله راح تكون نفسيتك احسن ولو افترضنا العكس هذا شي انتي مالك ذنب فيه يعني مو سبب يخليك ما تتزوجين فهمتيني يعني ممكن الزوج يتقبل الموضوع وتعيشين حياة سعيدة ان شاء الله

اختي الله يفرج همك و يفرحك ان شاء الله ، زمان قرأت لدكتورة ان اي جرح لغشاء البكارة اثناء الصغر يلتئم - هذا على افتراض انه فعلا حصل شيء من ذلك - صدقيني اختي من تجربتي و تجربة فتيات اعرفهن ان هذه مجرد وساوس ، و انت فتاة شابة فلا تضيعي على نفس الفرص الجيدة للزواج بسبب هذه الوساوس ، فغيرك من الفتيات اضاعت فرص جميلة للزواج برجل تتمناه اي فتاة بسبب هذه الوساوس ثم في الاخير تندمن على ما فعلن و اكتشفن انها مجرد اوهام .. تخيتي توكلي على الله و الجأي اليه و اذا تقدم لخطبتك من ترضين خلقه و دينه فاستخيري لله و توكلي عليه .. وفقك الله لما فيه الخير

مشكوووره على الرد اختي العزيزة... انا تأكدت ورحت بنفسي عند دكتوره نسائيه ... وهالشي زاد كرهي لنفسي

بس ماقدر اتخذ اي اجراء بنفسي لأني حاسه ان رب العالمين له حكمه بإني ابقى كذا..

اختى انت حملتى المشكله فوق ما تتصورين ..هونيها وتهون ...وبعدين القدر ؟؟؟؟ من الذى يتحكم فى القدر .؟؟؟ومن الذى يقدر الاقدار ..هو الله عز وجل ..فحاشى له يظلم عباده وهو خلقهم ..فلا تقولين كذيه الله يغفر لك ..لانه هذا التعبير خاطىء ..وبعدين منوه قال لك انك فقدتى عذيتك ,,,والله انك كدرتينى برسالتك واكيد جمبع من يقرأ كلامك بيتاذى من تفكيرك ..وتراها الدنيا بخير ...وبعدين انا اقول حق كل رجل يا اخى لو تزوجت وحده وغشاء البكاره عندها متمزق نتيجه حادثه ...هل هذا سبب لفسخ امر فكرة الزواج بها ...يا ايه الرجال اتقو الله فى النساء فانهن مسكينات والله ..الوحده ما تصدق تلقى الرجل الذى يحتويها وبعدين اخينا ياتى الى مساله مثل عدم رؤيت الدم ليلة الدخله يسوى منها مشكله ..وخاصه اذا كانت بسبب حادثه فى زمن البراءه ..اتقو الله يا رجال فى النساء ..والله انى اعرف زميل لى ...لديه بنت وقد اعتدى على ابنته هذه رجل اسيوى وهى بنت الخمس سنوات .ونتيجة لهذه الحادثه تمزق عندها الرحم وشالوه حقها نهائيا ؟؟ الله يكون فى عونها ..هذه حقا مشكله ..ولكن اين اصحاب القلوب الكبيره الذين لا يقفون عند هذه الشكليات ..فمثل هذه البنت ياليت يقتقدم لها ريال يوم تكبر ويسترها ويكون همه انه يسعد انسابن من بنات بلده وعساها توكن الزوجه الثانيه او الثالثه بس على الاقل يبعث فى ثلبها الامل ويدخل على قلبها السعاده ..فاختى لا تنظرين للدنيا بمنظور اسود ..انت الحمد لله على خير ..فاحمدى الله على نعمته ..وخليك ايجابيه ..افا عليك الدنيا بخير ..وعيال الاصل والخيريين كثير

جزاك الله خير ياخوي,, وياليت كل الناس يفكرون مثلك

شكرا لك

حبيبة قلبي خبري امك هذا اهم شي وهي راح تصرف وتروحي معها للدكتورة رغم اني اسمع انه اذا كان في الطفولة يرجع الله اعلم والله يفرج همك وييسر امرك ويصلح شانك