|
طبخه ولا أروع بس بدون صور . كودو التوست المقلي ........
السلام عليكم ورحمة الله وبركاته بصراحة هذي اول مشاركه لي في الطبخ بس تراها طبخه ولا أروع منها وسهله جدا جـــــــدا , وأتمنى تكون جديدة وتعجبكم ...........وتراني مجربتها واليوم سويتها عشان صايمين عاشوراء الله يتقبل منا ومنكم ........... المهم الطبق اسمه ...... كودو التوست المقلي ........ يوووووووووووووووووه قديم مش مشكله أنا كتبته للي ما تعرفه........ المقادير : كيس توست أو حسب الحاجه ولابد يكون طري 4بيض مخفوق كأس بقسماط طبعا المقادير السابقه على حسب العائله يعني أنا وزوجي وشغالتي اكلنا كيس كامل (قولو ما شاء الله ) لأن إذا عرفتي الطبخه راح تعرفين إن مايكفي واحد..... الحشوة : 1صحن دجاج فيليه 4قطع 2بصل يقطع صغار 3فلفل رومي يقطع صغار ملح نصف علبة قشطة 1ملعقة كبيره جبنه سائله ملعقة بهارات للتزيين كأس خس مقطع شرائح........ الطريقة: 1_ خذي شريحتين توست وحطيها فوق بعض وافرديها بالنشابه حتى تصبح متماسكه تمام كأنها قطعة وحده ........ واعملي كذا بالباقي....... 2_ خذي كل قطعة على حده وجيبي شي تقطعين فيه التوست مثلا كاسه أو أي شي طبعا لازم يكون شكل دائري ونفس الوقت ياخذ أغلب قطعة التوست وبعد في نفس الوقت مايجي الأطراف معاكي في التقطيع ......(اتمنى تكون الصوره وضحت لأني تعبت وانا أحاول افسر ) 3_ تجمع هذه الأقراص بعد الإنتهاء منها ثم تغمس في البيض ثم في بقسماط وتقلى في زيت غزير.... 4_ يقطع كل قرص إلى نصفين ثم يوضع فيه الخس ثم الحشوة..... ملاحظة : 1-لمن تقلي التوست راح ينتفخ ...... 2- حطي مع البيض المخفوق شوية ملح وفلفل اسود وملح ليمون ونقطة ثوم وإذا ماتبغي مش لازم.. لإعداد الحشوة: يحمس البصل حتى يصفر ويضاف له الدجاج والبهارات ويقلب حتى يشارف النضج ... يوضع الملح وباقي المقادير وقلبيه شويه على النار وبعدين ارفعيه عن النار........ بعد كذا احشي الخبز........................ اتمنى من كل قلبي تجربوها ترى لو ماجربتوها بتخخخخخخخخخخخخخخخخخسرو مره . وبالهناء والعافيه مقدما ........ وإن شاء الله اكون وضحت تمام التمام...... وتقبلوا تحياتي .......... يارب يعجبكم الاشراف / تم تعديل العنوان مستكة_مستكة |
مشكوره
جزاك الله خير إنشالله أجربها |
الله يعطيك العافية...ويسعدك مع حبيب القلب ويرزقكم الذرية الصالحة
المعافاة والفوز في الدارين... |
فعلا
دائما اعملها سريعه ولذيذه وسهلة ذكرتيني بسويها بكره تسلمي |
السلام عليكم ورحمه الله وبركاته
شكلها لذيذه :22: لكن عندي سؤال شنو نسوي يالدجاج الفليه .. نقطعه قطع صغيره ولاشلون؟؟
|
soha44 مشكوره على مرورك حبيبتي وإن شاء الله تعجبك.... رحيق الفردوس آميييييييييييين يارب و الله يعافيك ياقلبي وسلمت يداك على كلامك الله يخليك لاتنسيني من دعواتك الحلوه شجعتيني كل يوم اكتب عشان تدخلين وتدعيلي عندي دعوه باشترطها تدعينها لي (إن ربي يستر عيوبي عن زوجي , ويحببه فيني مووووووووت, ويبعد الغيرة عن قلبي)... كل الغلا شكرا على مرورك ياعمري وانا كان ودي أحد يأكد كلامي عشان العضوات يتشجعوا يسونها وخاصه إنه الطبخه من غير صور ... بنت الثويني تراها لذيذه مررررره وإن شاء الله تعجبك مثلي والدجاج ياعمري يقطع مربعات صغار .... وشكرا على مرورك... |
ما فهمت كيف انعمل الخبز "خذي شريحتين توست وحطيها فوق بعض وافرديها بالنشابه حتى تصبح متماسكه "" ما معنى نشابة؟؟
ممكن توضحي اكثر شكرا |
يسلمووووووا شكلها لذيذة
|
مشكووووووووووره يالغلا
بس شكلها متعبه وانا بصراحه احب الشي اللي طريقته سهله مثل الأندومي!!:25: وااااااااااااوه الله يستر لايقرا خطيبي ردي عليك بيجيه شي المسكين:23: :23: على العموم يسلمو |
moonlight2007 والله ورطيني نشابه يعني .... وتعني النشابه الفراده .... والفراده هي هذيك اللي نمسك فيها العجين ونفرده .... وهي تكون إما قطعه خشبية أو بلاستيكيه ... وهذيك الألية ماتنفع لأنه ماتدخل فيها حبتين توست ... إن شاء الله وضحت وأي استفسار آخر أنا جاهزه ... ومشكوره على مرورك.... زهرة الخريف جدا لذيذه ويعطيك العافية على مرورك.... الأميره الهادئه بلا كسل بنات زايد واستغليها فرصة اتعلمي في اهلك المساكين .... عشان الأكله اللي تعجبك احتفضيبها والأكله اللي تخبص ارميها من ارشيفك ومحد شاف ... واتورطي في اهلك ولاتتورطي في زوجك بالرغم إن الزوج في البدايه يمدح كل شي حتى لو حطيتي علبة الملح كلها ...... مشكوره على مرورك...... |
| الساعة الآن 01:30 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©