|
ماهي ردة فعلك اذا قالت لك زوجتك ؟؟؟؟
ياليت احد يبين لي ردة الفعل السليمة في مثل هذا موقف ......... ( هذا الموقف حدث معي )
تخيل ان زوجتك طلبت منك توديها بيت اهلها وانت رفضت فجئة بعد فترة قالت لك عيشة تضيق الخلق ((عيشة تضيق الحلق)) بحد ذاتها قوة بالنسبة لي ...... خصوصاً أني عريس جديد يعني صار على زواجنا عشرة اشهر. انا رديت عليها بأسلوب جازم وفوري .... حزين في نفس الوقت يعني قلت لها اذا ما جازت لك العيشة معي روحي لبيت اهلك لا تعيشين معي ما قلت لها هالكلمة الى وكأنها ماصدقت خبر قالت ودني لهالي ودني ... صراحة أنا ماتوقعت منها انها تقول ودني لهلي يعني توقعت منها انها تسكت (قوية بأس) المهم قلت لها أنا ماراح اوديك خلي أحد من أخوانك يجي ياخذك.. يعني السالفة لو أبي افصلها لكم بتطول شوي حبيت احد يوضح لي التصرف السليم في مثل هذة الحالة |
بسم الله الرحمن الرحيم تحية طيبــــــــــة اقتباس:
أخي الغالي هذه زلت لسان فأنت لا تعرف ماذا سيحدث في بيت اهلها يمكن اجتماع عئلي أو قضية يريدون الحاور فيها وأهلها طلبينها ضروري >> لكل شخص ظروفه الخاصه اقتباس:
صحيح هذه الكلمة قاسيه جداً جداً تكسر الصخر فما بالك بأرق البشر وهم النساء فبهذه الكلمة أنكرة حبها لك وجعلتها رخيصه بل عديمة الفائدة وان خروجها من المنزل لا يؤثر فيك >> وجودها وعدمها واحد طيب تخيل كان بينك وبين صديق عزيز عزيز عزيز على قلبك وصار شجار بينك وبيه في بيتهم وفجئه قال لك اذا مو عاجبك كلامي اطلع من بيتي وش ردة فعل بتكون ؟! صحيح أنت لم تتوقع منها ردة الفعل هذه اقتباس:
هي أخطئت وانت اخطائت لـــــــــــــــــكن ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ [blink]الحــــــــــــــــــــــل [/blink] تحايل عليها ومزح معها عديها عديها عديها قل لها كم كلمة حلوه يعني قل لها تتوقعين أقدر اعيش بدونك قل لها البيت لو طلعتي عنه يصير جحيم ومن هــ الكلام الي طيب الخاطر و لك التحية والاحترام صدقني والله يشهد عليا أن أحسست بألم لما قراءة كلماتك لني عني شك يقارب اليقين انها تحبك وأنت تحبها لكن الشيطان استغل الغضب وأشعل الحرب بينكم أتمنـــى لك ولها السعادة أينما كنتما والســــــــلام |
اخوي اتصل فيها وفهمها ان اللي تسويه غلط وان اللي قلته انت مجرد زله لسان ماكنت تقصده خلها ترد بيتها خصوصا انكم متزوجين توكم ما خذتو سنه حتا وهذي الحركات تصير بين الازواج (شكلها تبيها من الله هي )
الله يوفقك ويهدي سركم تحياتي |
ينقل الموضوع لقسم الثقافة و التوجيهات الزوجية تحيتي |
تصرفك يااخي الكريم خطأ...انت المخطئ..وزوجتك مااخطأت..لان صراحه كلمتها ردة فعل عااديه ..لفعل منك..انت..يعني البنت تبي تروح بيت اهلها وانت رديتها ..وجت عقب شوي وقالتلك ..عيشه تضيق الخلق..تبي تفضفض عن شي بقلبها تبي تكسر خاطرك..تبي تحسسك بتأنيب الضمير..تبي تحرك فيك شي..تقوم ترد عليها اذا مو عاجبتك العيشه روحي بيت اهلك..؟؟؟ شهالكلام..يااخي ليش تكبر الموضوع..شنو المشكله عندك..؟؟ يعني شنو فيها اذا قلت حق زوجتك..اذا مو عاجبتك هالعيشه ..طقي راسك بالطووفه ..بضحك..شنو فيها حتى اذا طنشت ..ومارديت عليها ..يعني شنو يااخي ..جرحت كراامتك..؟ اعرف شي وااحد ..ترى خلااص انتوا شخص وااحد ..كرامتكم وحده..ومافي فرق بينكم..واذا كان هذا تصرفك للامور..فمستحيل راح تعيش بزوااجك بطريقه طبيعيه ..ترى الزواج..لازم تطنش وتغض النظر..وتسكر اذنك عن شغلات كثيره تافهه ..عشان تسير الحياة بينكم..وصدقني ..اذا طنشت وفوت الحركات وصبرت زوجتك راح تقدر هالشي وتذكره ..لك..لان الحريم يحبون الرجل اللي صدره وسيع ..ويتحمل..والحريم يتذكرون كل كلمه ..غلط وتصرف غلط انت تسويه لو مر على هالتصرف سنين كثيره ..وطبعا بعض الحريم ماينطبق عليهم هالكلام..يا لأنهم عظيمات ..او بالعكس....الموضوع عندك يااخي الكريم ..مكاابره وعنااد..بايخ وماله دااعي بالعربي ..ووصل لمرحله قبيحه ..وبايخه..وانت الحين فكر اشلون تصلح وترد الامور لمجاريها عقب ماطينتها ..لان بعض الافعال اذا سكت عنها ..تربح اما اذا رديت عليها تخسر..وانت الحين صراحه خسرت ..والله يعينك..
|
شكراً لكل من تفاعل مع موضوعي ... انا معاكم في اغلب الى قلتوة
لكن انا في وجهة نظري انه مهما كانت الدوافع والظرف والحالة النفسية الي هي فية ما يبرر لها انها تقول عيشية تضيق الخلق .... تراعي مشاعري واحسيسي مهما كان الأحاسيس والمشاعري ماهي عند النساء بس عند الرجال ايضا ........ يعني كلمة مثل عيشية تضيق الخلق لها مدلولتها ماهي كلمة تقال في الهواء وخلاص انسى الي صار ممكن أتقبلها من زوجين صال لهم عشر سنين على الأقل . اما بخصوص ردي عليها يمكن لو قلت لها اذا ما جازت لك العيشة طقي راسك بالجدار افضل من اذا ماجازت لك العيشة معي روحي لبيت اهلك . |
يووو هدا انت مو سامع ولا شايف شيء
هدا اول السيل وتالاله الستات بحكو اكتر من هيك طول بالك ورووق والله يعينك |
اخى الكريم
الامر بالسهل عليك بان تكون احسن حالا من ذلك واصلح الامر بسهوله وتقوله انك كنت مثلا مضايق من شىء حدث معك او ما فى هذا من قبيل خالص تحياتى |
أخي الكريم هذا زواج وراح تصير معاك أشياء أكثر هالشئ بكثير والطريق في أوله والمشاكل في بدايتها يعنى اذا هالمشكلة البسيطة سوت فيك جذي وش بيصير فيك بعدين والحياة الزوجية فيها الحلو وفيها المر وهالموقف اللى صار معاك ما بيكون آخر موقف يزعلكم من بعض لالالالالالالا فلازم أنت تتحمل وتصبر ووتنازل لأنة التنازل في الحياة الزوجية مهم مرة أنت تتنازل ومرة ثانية هى بتتنازل يعني اذا بتم جذي ما بتقدر تعيش000
وبالنسبة لزوجتك يمكن اللى سوته غلط بس ردة فعل لرفضك لطلبها والكلمة اللى طلعت منك بعد ردة فعل لغضبك من كلامها يعنى تعادلون 000 صح؟؟؟؟؟؟؟ بس روح صالحها وأنسى الموضوع وفي الحياة الزوجية ياما بتشوف مثل هالمشاكل وأكثر 000 أنا أقول لك هالكلام وانا مخطوبة 0 |
ليش ماكلفت خاطرك تسألها شنو اللي مضيق خلقك بعيشتنا ، شنو اللي مو عاجبك ، ليش ترد على كلمة طلعت منها بلحظة ضيق بكلمة اقسى وأصعب منها ، يعني إزا هي باعت إنت بايع وإزا شارية إنت شاري ، طيب لحظة الغضب مين اللي يتحملها ، ليش ماتعتبر العلاقة بينكم مثل الشعرة لازم إزا شد واحد الثاني يرخي على شان ماتنقطع هذا لو كنت حريص إنها ماتنقطع ، وصدقني هي ماراح تنسى وقفاتك معاها وتحملك إلها وصبرك وبالمقابل تردلك تصرفاتك الرجولية بكل محبة وحنان ، بعدين بقولك شي ، حياة المتزوجين غير حياة العزوبية ، يمكن وحشتها حياة اللامسؤولة شوي ، يعني كان المفروض تعطيها إجازة مو ( طردة !!!! )
|
ياأخي هدي أعصابك ..الدنيا ماتسوى ..
يقال من أجمل مايحل المشاكل الزوجية هو : المزاااااااااااح كان أخذتها بمزحة ، وقلت : وأنت عيشتي معك تضيق البطن .. ههههههههههههههه ولما قالت لك ودني لبيت أهلي كان قلت : يعني إذا أنت تقدرين تعيشين من دوني ، أنا ماأقدر ..، وقرب منها واحضنها ..وقل : والله أنا مشتاق لك اليوم وودي تقعدين معاي .. يعني تتوقع لو سوت كذا ، وش راح تكون النتيجة : بتنط في حضنك على طول وتبكي .. أنت مسح دموعها وقل لها : يله قومي البسي أبوديك لأهلك ، ماتهون علي هالدميعات .. لابد أن تستخدم الزوجة كيدها ، ويستخدم الزوج مكره ..في حل مشاكلهما .. وليكن شعارهما ( إذا غضبتُ رضني وإذا غضبتِ أرضيك ).. وفقك الله وجعل من زوجتك قرة عين لك.. |
حبيت اعلق على سيدرا
تقول ليش ماكلفت خاطرك تسألها شنو اللي مضيق خلقك بعيشتنا ، شنو اللي مو عاجبك وأنا اقول واضح الي مضيق خلقها ما يبي ترجمة ولا تفسير ولا تأويل يعني بعد مارفضت ذهابها اهلها قالت هذا الكلام وهي يعني على بلاطة تبغى تروح لأهلها كل نهاية أسبوع وأن ما عندي استعداد أوديها كل نهاية أسبوع مع العلم أنها تشوف أهلها كل يوم .. عندما تخرج من المدرسة تذهب الى بيت أهالها تجلس ساعة ونصف تقريبا على ما أطلع انا من الدوام واخذها . اذا كان احد يقول من حقها تشوف اهالها اقولة من حقها ونصف بس أنا الى احدد الزمن والوقت واللحظة سؤال : هل من حق الزوجة الذهاب الى بيت أهلها كل نهاية اسبوع واذا كان ليس من حقها فكم اسبوع تمكث حتى تذهب الى بيت اهلها ؟ |
ياأخي الفاضل أحسبك رجلا عاقلا مثقفا ..لايفوته كم هو حق الأهل عظيم ..!
زوجتك طلبت بيت أهلها ، ولم تطالب منكرا أو حراما ...أهلها الذي ربوها ورعوها ..أهلها الذين عاشت معهم سنين طوالا.. تعتقد أن فقدهم بالنسبة لها أمر سهل !! اعلم أن المرأة أشد تعلقا بأهلها من الرجل ، وإن حرمتها من أهلها فقد حرمت نفسك سبب قوي من أسباب سعادتها معك .. أتدري كيف ؟! شوف أنا مطلقة ، ومازلت حتى هذه اللحظة أكن لطليقي كل حب واحترام .. وأحد أكبر أسباب تعلقي به هو أنه لم يكن يوما من الأيام يحرمني من أهلي ، بل إنه إذا رآني تأخرت في زيارتي لهم يبادر هو إلي فيعرض علي الذهاب إليهم ويذكرني بحقهم علي .. كل المتزوجات ياأخي يذهبن لأهاليهن كل أسبوع !! ولاتقارن رؤيتها لهم كل ظهر .. هي تبغا تشوفهم كلهم وتتعشا معهم وتسمر ، ومن حقها ..هذولي أهلها ، وتأكد أسرع طريق لقلب الزوجة : حبك لأهلها .. كل المتزوجات تزور الوحدة أهلها أسوعيا ، ولابعد يومين في الأسبوع ، وأحيانا ثلاثة .. ومهي كثيرة والله ..! كن هينا لينا تكسب قلب زوجتك إلى الأبد ..وتذكر : رفقا بالقوارير .. وفقك الله .. |
اقتباس:
|
|
في أعتقدي ان تصرفت التصرف الصحيح
|
الله ينور عليك زرقة البحر ..
اترك الشده المقيته عنك .. كنك لينا لا يعصر .. وقاسيا لايكسر وكن حكيما مع زوجتك .. لتسعد في حياتك هداك الله |
و الله يا أخي
أنا اخواني يودون زوجاتهم لأهاليهم مرة كل اسبوع.... و أحياناً مرتين و ثلاث يعني أخواني يحطون زوجاتهم و يجون بيتنا...... و في آخر اليل اذا أخوي يرجع لبيته يكلم زوجته و يقول "يالله أنا جاي... تجهزي" الصراحة عيشة تضيق الخلق إذا حرمتها........ خلها يا أخي تروح متا ما تبي و تجي متا ما تبي..... هي في النهاية بتمل من أهلها و تصير تنحاش منهم و تتعذر لهم |
اذا لم تذهب عند اهلها فيا لعاده وين تروح
و انت وين تكون فتره ذهابها لبيت اهلها بيت اهلها احسن من زياره الصديقات و الاسواق و اللف بالبيوت و بكره يجو الاولاد ويتغير الحال رزقكم الله بالذريه الصالحه اللهم امين |
بصراحة اخوي انا اشوف انه تصرفك كان عين العقل......وماعتقد انك غلط بشي...اتمنى انه المياه ترجع لمجاريها
وتحياتي |
اخي لن نحملك خطاء ما حدث
والمسئله بسيطه .. خصوصا وهي با اول سنه زواج وهذا امر طبيعي جدا .. بس عندي سؤال انت تحبها ولا لا؟ جاوبني بصراحه... وهي ايضا لانحملها الخطاء وحدها لان الموضوع كان ردات فعل ناتجه عن غضب من كل واحد فيكم ..... يعني اذا هي جرحتك با الكلمه فا انت ايضا رديت الجرح بجرح واذا بتعاقبها اذا انت تحتاج عقاب ... وعلشان نتجاوز هذا ... لازم نجلس لحظة مع انفسنا ونفكر الشخص هذا أيش يعني لي... ومكانته عندي... كل ما كان الرجل أحكم وأعقل كل ما كانت المرأة له اكثر احترام وأدب .... وأتمنى لك التوفيق أختك فجر |
| الساعة الآن 09:33 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©