بطلت اتزوج .. لو بغيت فله جبتها وش هالمرمطه؟
 

السلام عليكم ورحمة الله ..

اعذروني انتم حسبت اخواني ..

وودي افضفض لكم اذا تتقبلون كلامي ..

انا سبق وطرحت موضوع .. اني ناوي اتزوج لكن مازلت بالكلية ..

ولافي دخل مادي معقول يدفعني للزواج .. وآراء الاغلبيه وافقت على اني اتزوج ..

وتحمست صراحه كثير وانبسطت ..

وكنت مستعد اتحمل اي عبئ يجيني بسب الزواج ..


لسبب واحد .. (اني طالب العفه) فقـــــــــــــط!!!!


والا انا مازلت في عمر الــ20 !!!

لكن الفتن كثرة ولايحتاج اوضح عنها شي ..

والله ياجماعة اني افحط بايديني ورجولي على موضوع الزواج ..

اسد هذا الباب ينتفح لي باب ثاني ..

وكل يوم مشكلة جديده ..

مره لاني مو متوظف ..

ومره لاني ماكملت دراستي ..

ومره لازم البنت تكون نجديه (لاني نجدي وهذا طبايعنا)

وكل مااقنعت اهلي بالموضوع يفتحون باب جديد ..

والي ذابحني ومقطع اعاصبي ..

انه لي زملائ آبائهم يطالبونهم بالزواج !!!!!!!!!

مع العلم انهم بنفس ظروفي وانا ادري عن احوالهم ..

ويمكن اصغر مني بعد بسنة او سنتين .. والمصيبه العظمى ان الولد يرفض.؟؟


ليه لانه لسى ماشبع لعب !!!!


طيب انا يعني تبوني ازني؟؟ تبوني اسكر؟؟

تبوني اتفرج على الحرام؟؟

عشان العب مثل الباقين وانبسط؟؟

ولا لاني طلبت العفه وعانيت الامرين عشان القا الزوجه المناسبه كل هالمشاكل تجي بوجهي؟؟

صراحه تعبت انا نفسياً من هذا الموضوع كثير ..

وكل مااستشير احد الاصحاب الطيبين ..

يقولي بدري اصبر وتصبر ..




طيييييييييييب انا مااااااااااااااااااااااااااااقدر اصبر؟؟؟؟؟؟؟؟؟؟


كيف افهمهم؟؟؟؟؟؟؟

يعني لازم اجيب لهم مصيبه عشان يفهمون؟؟؟؟؟


لاحول ولاقوة الا بالله ..


حاب استشير المتزوجين خاصه والمقبلين على الزواج عامه ..


هل اكنسل الموضوع والي يصير يصير ..!!!!

اما اجتهد فيه مع العلم ان نفسيتي بالحضيض .. !!!

وهل يستحق الموضوع كل هذا التعب النفسي والجسدي؟؟

اتمنى النصيحه ..

ماابي احد يرد .. كاني فتحت مقال اجمع ردود!!!

ولكم فائق التحيه والتقدير ..

اسمممععععععع ياخوي اذا قدرت تشغل نفسك باي شي ولا يكون تفكيرك بس بالزواااج وانها السعاده الوحيده بهذه الدنيا عشاان الزوااج مسئولي كبيييييييييييره انا ماقول كذا عشااان احطمك لاااااااااااااااااااا بل اشوف اللي محيطي واعرفلك وااحد منجججججججججججججججججججن على شي اسمه زواااااج وخالته النفسيه عدددددددددددددددددددم المهم يوم تزوج وجلس كذا شهر تندم لانه لاكمل درااااااااسه ولا امن مستقبله واذا كنت قااااااااادر الله يوفقك

يااااااااابعد عمري رحمتك من جد انت اسمعني لازم تشتغل باي مبلغ وخذ هاااااذي الادعيه صدقني راح تستفيد وربي راح يرزقك بالزوجه الصالحه لاانك صبرت والزم الاستغفار لاانه يفرج الكربات ويسهلك امورك ويرزقك على (على فكره انا الحين اكتبلك والبسه حقتي تضغط في الازرار)وباليل حاول تتهجد واحنا في شهر رمضااان فرصه كبييييره كل آخر سجده بكل صلواتك قول هذا الدعاء:اللهم إني أسالك بأنك انت الله لاإله إلا انت الاحد الصمد اللذي لم يلد ولم يولد ولم يكن له كفوا احد بأنك................. وتدعو بحاجتك هذا الدعا ء مايدعو به احد إلا استجاب له الله وانا شخصياا ياااخوي مرت علي أيام مايعلم فيها إلا ربي وزي ماقلت الزم الاستغفارفإنه يجعل من كل هم فرجا ويستجيبلك دعاك وطلبك ولاتتكلف بالدعاء واشك لربك ضعفك وقلة حيلتك اناااجربتهاا والحمد لله ربي مانساني اقر ا كل كلمه واتمنى ردك سريعااااا





ولاتدعي يوم ولايومين وتقول ربي ماستجاب لاانه كل ماتاخرت الاستجابه كل ماكانت فهذا ربي بيختبر صبرك وقوة ايمانك

نقل
 

صاحب الموضوع يحتاج لإستشارة وتوجيه ....


سينقل للمكان الصحيح ...

السلام عليكم ورحمة الله وبركاته لك هذه النصيحة ولكن ليست مني ولكن من افضل الخلق حبيبنا محمد عليه أفضل الصلاة والتسليم في حديث ما معناه ((( من لم يستطع الزواج فليصم))) والنبي لا يتحدث من فراغ فكلامه وحي منزل والصوم فيه فوائد عظيمه لانه يحرق الطاقه الموجوده في الجسم إذن فعليك بالصيام بين فترة وفترة فلعل عدم اتمام هذا الأمر فيه خير لك ويجب أن تعلم ان ما أنت فيه كله بأمر الله سبحانه وتعالى والله يوفقك في أمرك وندعو الله أن ييسر لك مافيه صلاح لك ;) ;) ;)

هلا اخوي ريماز ..

اولاً مستحيل احد يتزوج ولايندم مهما كانت اوضاعه ..
وانا حتى لو تزوجت ماراح اترك دراستي ..
ولو لقيت وظيفة مابقول لا وبتحمل اي ضغط يجيني في سبيل العفه
والله يكون بالعون مشكور اخوي على ردك :)


-------------------------------------------------

الف الف شكر لك اختي راعيتها على الادعيه ..
جزاك الله خير .. ومشكور على تعاطفك معي :)


--------------------------------------------------

اخوي الفيلسوف ..
كنت اتمنى تفيدني باي راي ..
واشكرك على النقل :)

------------------------------------------------

هلا اخوي عذب الكلام..
تدري ان الي يقولي صوم احسه يركب براسي الف شيطان ..
طيب مااعترض على كلام حبيبنا صلى الله عليه وسلم..
لكن ياخوك شوف زمنه وشوف زمننا !!!!
ايام الرسول عليه الصلاة والسلام .. كان حدهم بعد العشا وكل الخلق نايمين..!!
الحين حنا دشوش ونت وجوالات..
عالم متغير تماماً والصيام مابيفدني بالليل !!!
لكن اشكرك على درك وتجاوبك :)

لا حول ولا قوة الا بالله

أخي الكريم أعاني الله وإياك ووفقني وإياك لرضاه . . . آمين
اسمحلي أنا أقول لك نعم الزواج يقلل من الشهوات والنظرات .. الخ
لكن الفتن موجودة معاك أيضاً فكم من متزوج افتتن بالنساء سواء في مجال العمل أو الشارع أو السوق ... الخ
فما عليك سوى تقوى الله أولاً وأخيرا وأوصيك بالصيام في رمضان وبعده لأن ذلك يقلل من الشهوات سواءً الجنسية أو الآخرى د
وعليك بعدم الإهتمام كثيراً ودع الأمر لله الواحد القهار المتصرف بالعبادة ، والله يعينك .

هلا اخوي عبره او اختي اعذرني ماني داري ..

لكن انا لو ماني متوكل على الله وموكل امري له ..

كان الآن عندي عشر حريم من الشارع ..

لكن ياخوك انا صابر بس صبري وصل حده ..

ولك جزيل الشكر على الرد

شوف اخ هاجس اذا الواحد ارد العفه الله سبحانه وتعال راح يسر كل شي ويرزقه من حيث لا يحتسب وجرب كما قالت الاخت رعيتها عليك بالاستغفار وصلاه الليل و دوم عليه وشوف النتيجه وكذلك لا تستعجل والله يوفقك و يوفقنا
مع تحيات الساهر

عزيزي هاجس ..

الإسلام وتعاليمه صالحة لكل زمان ومكان .. والنبي صلى الله عليه وسلم أطلق الحكم بالعموم فقال ( ومن لم يستطع فعليه بالصوم فإنه له وجاء )

وأنت بشر مثل بقية البشر .. وشاب مثل شباب ذلك الزمن .. ولكل زمن فتنه ( أحسب الناس أن يقولوا آمنا وهم لا يفتنون ) فقد فتنوا بأشياء هي عندهم فتنة كما أنت الآن عندك طول الوقت والفراغ والدشوش فتنة ..

فيا عزيزي .. لا تثر نفسك بالقنوات الفضائية ثم تقول لا صبر لي ولا يصلح لي الصوم .. نعم الصوم لا ينفعك حين تطلق نظرك في الحمراء والصفراء والطويلة والقصيرة .. فالذي أرشد إلى الصوم أمر بغض البصر .. وهذا مع هذا يكوّنان حصناً منيعاً من الوقوع في الحرام

ومن لم تقنعه نصيحة رسول الله صلى الله عليه وسلم فلا أقنعه الله .. ومن تماحك في قبول نصيحة رسول الله صلى الله عليه وسلم فقبحه الله

تحياتي لك وتمنياتي لك بالزواج العاجل وإلا فعليك بغض البصر والصوم

حياك الله ياابو العيال ،،

كلامك جميل ..

ولكن اقسم بالذي خلقني ..
وهو يراني الآن وانا اقسم ..

انني ممتنع عن النظر بالحرام منذ اكثر من سنه ونصف ..
تجدنباً للإثم والشعور بالضيقه ،،

حتى ماان ارا امرئه في طريق او سوق ..

اُنزل رأسي فوراً وافكر باي شيئ آخر ..

لكي ابعد نفسي عن ماهو محرم وفاتن ..

والصوم يااخي الكريم لم اعترض عليه ..

ولكن هل يفيدني الصوم اثناء المساء ؟؟

ولك جزيل الشكر على ردك :)

انا راح اقولك تجربة مرت علي شخصيا
كنت انا مثلك كذا ابقى اتزوج باي طريقة ايام الدراسة(الثانوي)
لكن ماقدرت اسويها ونصحوني المشايخ بالصوم
بس مو صوم الكل وبس لكن حتى الجوارح
وبعد مادخلت الجامعه دخلت جامعه (مثل ماكنا انسميها ايام الدراسه جامعة ضغط) يعني مو مخلين للطالب مجال غير الدراسة وبس
طبعا المتفوق
وكنت نا كذا في اول سمستر, ترم
كنت بلهجة اهل الجامعه (دافور)
لكن اثناء الاجازة رجع هاجوس الزواج مرة ثانية
والحيت على الوالده والوالد فزوجوني
وفي السمستر الثاني حملت مادتين مع اني كنت مستقر نفسيا مع زوجتي الغالية
والحمد لله لان زوجتي كانت متفهمة قالت لي لايكووووووووووووون تحمل مواد الترم(term) الي بعده قلت لها انشاء الله
وبدل ماتخرج من الجامعه في 4 سنوات تخرجت منها في 7 سنوات يعني 3 سنوات ضاعت من عمري منشان اني ابقى اتزوج
وعانيت الامرين علشان اتخرج في سبع سنوات يعني لو اني دارس طب احسن لي
ولكن الحمد لله على كل حال
اما بالنسبة لي انا لست نادما على ال3 سنوات من عمري لاني سترت على بنت
وكذلك سترت على نفسي وامنت مستقبلي بجهدي وبجهد زوجتي من قبلي
*كان لي زملاء طردو من الجامعه لانهم كانو يبحثون عن بنات الهوى






تزوج اذا كنت راح تستحمل مسؤؤؤؤؤؤؤؤؤؤؤؤؤؤؤؤؤؤؤؤؤلية زوجتك ونفسك ودراستك





واسف على الاطالة

شوف يا عزيز هاجس .. ودي أقول لك شي عن نفسي

أنا الآن متزوج ولدي أطفال .. يعني زوجتي طارفة لي في أي لحظة أحتاجها ومع ذلك والله يا خوي هاجس إذا رحت للسوق وأطلقت نظري يمين ويسار أقسم لك بالله العظيم إني أتعب من هذا النظر أسبوع أسبوعين هذا وانا متزوج .. كيف أنت .. والحمد لله إنك تقول أنك تغض بصرك .. إذن الحمد لله داوم واصبر فالله يقول : (( والذين جاهدوا فينا لنهدينهم سبلنا )) فأنت الآن في جهاد وهو أعظم من مجاهدة العدو فقد قال النبي صلى الله عليه وسلم بعد المعارك والغزوات الكثيرة (( الآن ننتقل إلى الجهاد الأكبر )) أو كما قال النبي صلى الله عليه وسلم لا أحفظ الحديث بالنص .. ويعني بالجهاد الأكبر جهاد النفس .. ووالله إنه أصعب من أي جهاد .. وكان أحد أئمة السلف يقول جاهدت نفسي أربعين سنة

من كلامك يدل إنك من عباد الله الذين يخشون لقاء الله .. فاستمر واشكر ربك على هذه النعمة التي حرمها الله من يشاء من عباده .. فما أنت فيه الآن ليس عذاباً وإنما أنت في رحمة ونعمة يحسدك عليها الكثير .. تصدق بالريال والريالين أو أقل أو أكثر وتوسل إلى الله بصدقتك وقل (( اللهم إني ما تصدقت إلا لأجلك اللهم فإني أسألك بصدقتي هذه أن تعفني وتسترني وتهيء لي من أمري رشدا ))

وتيقن أنك تدعوا براً رحيماً كريماً خزائنه ملأى لا تغيض مع كثرة الإنفاق يعطي عطاءً جزلاً .. أخي هاجس أحسن الظن بربك واشكره على هدايتك وحياة قلبك

ولك أجمل التحايا والهدايا

محبك / أبو العيال

انا مع الاخت راعيتها
فعلا الي تعانيه هم انا عانيها بس الفرق اني بنت والحل الوحيد طبعااا لجئت لربي بالدعاء والصبر وكنت اصوم الاثنين والخميس منها تكفير وتخفيف
في البدايه كان حالتي صعبه وافكاري شينه(يعني منتهيه) بس الحمدالله تحسنت حالتي
وحاولت ابتعد عن اي شي يثيرني بس العقل الباطن مخزن مناظر وانا في صراع ابي الغيه من ذاكرتي
الصبر مفتاح الفرج وعن الزواج اصبر وخل همك الدراسه حتى توصل الى غايتك
وعلى صبرك تتحتسب الاجر والله كريم
وحاول ماتختلط برفاق السووووووووووووووووووء
لان تاثيرهم قوي وسلبي
تذكر الموت وخلاص كل شي بيكون تمام وافكارك وشهوتك بطير
الله يعطيك الصبر وثباااااااااااااااااااااااااااات
ومبين على قوة ائرادتك القويه وانك الرجل قوي ليس ضعيف ليس طفل يتبع شهواته
والله يتم عليك ويوفقك ولاياااااااام تركض بسرعه
يعني تغمض وتفتح اثرك متخرج ومرة متزوج
اللهم اني اسالك العفو والعافيه في ديني ودنيا واهلي ومالي اللهم استر عورااااتينا.....
وعليك بتحصين اذكار الصباح والمساء يحفظك من الشر انس اوجن وغيرهم
الله يستر على الجميع

كلا م الاخوان والله رائع
ونا ما اقدر اقول شئ غير الله يوفقك يااارب في هذا الشهر الفضيل ببنت الحلال
ومثل ماقالو الاخوان اذا انت تقدر وقد المسوؤلية اول شئ دورك على شغل بس مو تهمل دراستك
وادعو الله فى الصلاة اخر الليل كل يوم اظبط المنبه لساعه معينه وقوم ادعو الله عشان الله يوقفك ببنت الحلال
لاتستعجل دوم عليها مو تبطل بعد شهر انا الله يحب العبد الحوح يعنى الى يلح فى دعاء
وتفائلو خيرا تجدوه
ولازم تكون ثقتك في ربي كبيرة يعنى لمن تدعى ادعى وانت واثق ان الله راح يستجيب لك
ومثل ماقال ابو العيال الله يوفقة انشاء الله
الصدقة الصدقة
وانشاء الله انى راح ادعيلك والكل يدعيلك انشاء الله
يكون واحد فينا دعوة تستجاب

الى الاخ هاجس انا لمن شفت كلامك رحت ادور على ورقة عندى لى كم يوم ادور عليها ماشفتها ولانو ربي يحبك لقيتها هذى الورقة فيها ادعية
انا كتبتها فى موضوع جديد عشان انت والكل يارب يستفيد هذا ادعية لغير المتزوجين بسرعه افتح الرابط واطبع الادعية

http://www.raf7.com/vb/showthread.php?t=6145

اخوي هاجس

صوم بالنهار

وبالليل العب حديد لانه يهد الحيل ويخليك ترقد الليل بدري

ويلوع جبدك عن الزواج

والله يعينك على بلواك

ابو العيال .ااولاً اعتذر على تاخري بالرد ..

ثانياً .. انت قلبك من ذهب ..
وكلامك درر ..
واسلوبك راقي للغايه ..
الله يعطيك العافيه على كل كلمة كتبتها ..
فعلاً ريحين كلامك كثير واسعدني اكثر ..
اشكرك ياغالي :)

-------------------------------------

الاخت جودي ..
انا لما فتحت الرابط ..
وشفتك خصيتيني بموضوعك الي فيه ادعيه ..
صدقيني .. حسيت ان لي اخوان غير الي من امي وابوي ..
وانتي وحده منهم ..
وانا اسئل الله بهذي الليله الكريمه ..
ان كل حرف كتبتيه ..
وكل حرف يقراه اي شخص انتي كتبتيه ..
يضاعفه الله الف الف ومليون حسنه لك ..
ويغفر فيه ذنوبك ويدخلك الجنه من اوسع ابوابها
انتي ومن تحبين .. اجمعين يارب ..

ولك الشكر الجزيل اختي على هذي المساعده ..
وصدقيني دعاوتي لك ماراح توقف بإذن الله .. :)

-------------------------------------------

والله فكرتك ياشيطون مره حلوه ..
الله يعطيك العافيه على ردك :)

تسلم اخوي :)

هلا هاجس اعذرنى توه فتح عندى والله الاتصال عندى معدوم وماعندى وقت اودى الكمبيوتر يتصلح بس الحين يوم دخلت ماتدرى وشلون كانت فرحتى بيك
الله يوفقك ويرزقك يارب ببنت الحلال الى تسعدك
والله انى حتى قبل ما اشوف ردك انى ادعيلك يارب انو ربي يستجيب دعوتى والله يوفقك مشكور الله يسعدك يارب ويخليك عن جد ماتتصور اشلون فرحتى بكلامك يا اخوى هاجس تسلم وانشاء الله نفرح فيك قريب يااارب

ماقدر اقوللك الاا الله يكمن في عونك