|
سوء فهم بين والدي وخطيبي (مملكة )
السلام عليكم
والله مادري من وين أبدأ احس بالحرج.. مشكلتي مو عاطفية مشكلتي مع والدي للاسف. احرجني قدام زوجي قبل شوي احس،منحرجة بقوة من زوجي.. صار موقفين الموقف الاول ابوي بناء عليه تصرفه مع زوجي بالموقف الثاني. تتذكرون سالفتي يوم اقولكم عدم الراحة مع زوجي اول ماتملكت.. قررت اشوفه كثير واناقشه كثير عشان ارتح ياامشي معه يااتركه.. والحمد الله مشت اموري .. لكن ابوي يرفض علاقتنا الهاتفيه ويبينا نتكلم بالدقايق وبرسميه يخاف اطيح من عين زوجي.. .. انا ماسمعت كلامه.. لانه عمره بالسبعين وطالع ..ومو متفهم حاجت الشباب احنا زمن مختلف احنا نشوف بعض طول الوقت بالبيت ونطلع مطاعم مقاهي سفر استراحات جمعاات مناقشات يقيس العلاقة بين الرجل والمرأة الان مثل قبل 100 سنة.. ادري طولت وتفلسفت.. المهم زارني زوجي .بعلم ابوي وطول شوي ويوم طلع جالسنا نتكلم بالتليفون بالساعات و انجن وهاوشني،وقالي،سكري السماعه لا تطولين معه بالسواليف وعطن محاظرة طويلة عريضة بعدها ب 3 اسابيع ابوي اكتشف اني تمشيت مع زوجي (مملكة ) بالسيارة بغى ينجلط وعطاني كمية دعواي بعدم التوفيق.. وتخيلي انه صار لك حادث و دروا الناس انك معه ؟ (ثقافة العيب ) ليه انا طالعه مع خويي مثلا ! هذا ردي وقاطعني بعدها.. . . من عاداتنا اهل البنت يتكفلون بالزواج. . المصيبة ايش زوجي حس انه ابوي يبالغ بعدد ذبايح الزواج وتخفيف منه عن ابوي قال ياخال ماله داعي هالعدد.. علما ان زوجي مايدري اني انا الي دافعه ثمن هالذبايح ابوي،قاله مالك شغل. بأسلوب جدا سيء اقسم بالله انحرجت وانا اسمعها احس،وجهي طاح بالتراب عروس ومابقت على دخلتي شئ واعيش الالام وجروح من ابوي احسه احرجني قدامه زيادة على ذلك يقوله وبعدين مو انت وهي الي تحكمون وش احط ومااحط يقصدني ياناس اهنت.قدام الرجل الي بعيش معه .. زوجي قاله ياخال مب قصدي اتدخل بس مابي تكلف ع نفسك وتذبح واحنا جماعتنا شويين وانا سألتها وهي قالت ابوي،بيذبح كيذا وكيذا فماحبيت تكلف نفسك لكن تصحيح زوجي للا معلومة مايفيد مع ابوي لانه لو ( الشريان) بنفسه يقنعه ويفهمه مقصد زوجي مافهم علما ان ابوي كذا مع كل من يخالف رأيه.. ياعالم انا اسمع شكاوي خواتي واخواني من احراجات ابوي.مع عوايل ازواجهم و احرج لكن انه يصير لي شخصيا وخاصة ببداية حياتي الزوجية لا مصيبة ماقدر اتحمل.. انصحوني.. اهلي مستخفين بالمشكلة ومستبسطينها - علما ان ابوي مب معجبينه اهل زوجي لان اسمهم مش رنان وان كانوا من ارحام العايلة البعيدين ؟ - زوجي يقول لي شكل ابوك زعل عليك ويسوي نفسه مازعل منه.. بس زوجي حساس و هادي ومايحب يبين مشاعره .. اخاف يحقرني بعدين عشان ابوي اهنن اخاف ابوي،يستلم زوجي بالطالعه والنازلة ويصير ضحيته الجديدة.. ابوي مافي امل يتغير . لكن كيف ارد ع زوجي لو حاول يكتشف وش السالفه ؟ كيف الطف مابينهم و اقرب وجهات النظر .. |
رد: سوء فهم بين والدي وخطيبي (مملكة )
وين عايشين حنا طلعات و خرجات مع الخطيب المملك عليه .؟
أنتي خليجية ؟! كلميه تلفون ما قلنا شي للتفاهم، اما طلعات احس ماله داعي وخصوصا ان والدج غير راضي .. لا بر والدين و لا احترام لكلمته!! .. زووووجي زووووجي ..!! وزوجج لو بين قصده قبل لا يفهمه ابوج غلط كان ما وقع في هالمطب.. |
رد: سوء فهم بين والدي وخطيبي (مملكة )
طيب حبيبتي قلت ان ابوك بالسبعين ربي يطول بعمره ع عمل صالح ..
الحل انك تفهمي زوجك و تفهمي نفسك بعد مره وحده ان هالرجل دقه قديمه و عصبي ووو لا تتصادمون معه ابدا قلت عرف انك تكلمينه ! ليه يدري ابوك ؟ انت عارفه طبعه خلاص لا ترفعين ضغطه هو مو مستقصدك اخواتك المتزوجات نفس المعاناة معه انت ارضي بالحال و فهمي زوجك و اعتقد هو ابخص بالرجال الكبار طبعهم صعب جدا مدري ليش تذكرت جدي الله يرحمه اخر شي ابوك عزك يا اختي لو صار له شي بتندمين ع لحظات كثييير زعلت منه الله يوفقك و يتمم لك ع خير و خلك ريلااااكس حبيبتي |
رد: سوء فهم بين والدي وخطيبي (مملكة )
يا اختي و انا مثلك من هذا الجيل الا اني متفقة مع الوالد
و بعدين لا تبيني قدام زوجك انك منحرجة من ابوك بالعكس لو حصل موقف مماثل خليك من جهة الوالد و لو زوجك اشتكى قولي له بكرة لما اصير ببياك اتحكم فيني بس طول ما انا امانه ببيت الوالد الله يطول بعمره فالشور شوره الله يتمم لك بخير |
رد: سوء فهم بين والدي وخطيبي (مملكة )
السلام عليكم ورحمة الله وبركاته.
بما إنه هكذا وعقليته وتعرفيه جيدا، افتخري به أخيه اعتبري مطالبته يريد فرحة لك حتى ولو كان أسلوبه خطأ.. وتحدثي مع زوجك عن أبيك دون أن تسيء بكلمة موفقة عزيزتي. |
رد: سوء فهم بين والدي وخطيبي (مملكة )
اختلاف الأجيال التي ترددينها لاتعني تجاوز كلام والدك أو رأيه خصوصاً إذا لم يكن هناك ضرر عليك بل ربما مصلحة لاتدركينها... إحذري من دعواته بعدم التوفيق... فقد تصيب
ولا أرى مايدعوك للمبالغة بالاحراج الذي تقولين عنه أعانك الله |
رد: سوء فهم بين والدي وخطيبي (مملكة )
تم حل المشكلة..
شاكرة لك اختي شوق اللقاء - ام الشبل الصغير أسال الله بمنه وكرمه وجوده ان يجازيكم خير الجزاء على ردكم |
رد: سوء فهم بين والدي وخطيبي (مملكة )
أسمحي لي أقلك أن تصرف أبوك في الإتصال والخرجات هو التصرف السليم..
طيب أنتي بلسانك قلتي أنك غير مرتاحة مع زوجي..! لو قدر الله خرجتم وجيتم ولا تم الزواج بينكم لا قدر الله.. وقتها تعرفي أن أبوك كلامه صحيح وخايف عليك.. ... أحترمي والدك وأفتخري فيه حتى لو كان عايش على النظام القديم يبقى والدك وله كل التقدير والإحترام.. من متى كان ابأئنا نظام قديم ويحرجون الله يسقي أيامهم كانت بساطة وحب وتقدير وإحترام.. وخلي زوجك يتفاهم معاه بطريقته هو رجال ويعرف يتخارج معاه.. ولمعلوميتك: لو حدث أن زوجك أنتقص أو قلل من قدر والدك على قولك معناها ما راح يحترمك ولا يقدرك وفقك الله |
رد: سوء فهم بين والدي وخطيبي (مملكة )
كيف تخرجي معاه و انت لسى في بيت ابوك
و بدون ( علم ابوك !؟ ) يحق له يزعل .. |
رد: سوء فهم بين والدي وخطيبي (مملكة )
الله يهديك
طلعت مع رجالك بالخفاء واكتشف الوالد وما تبينه يكون له موقف ، وتردين عليه هو خويي مثلا !! انت تحكين مع ابوك مو اخوك الصغير والا حدا صديقاتك ، الفكرة ما تتمركز على فكرة عيب هو خوف وحرص وكلنا ما نجهل بعض الطلعات في الملكة وش يجي من وراها حتى لو كنت انت ما انت مرتبة لها وان حنّا 2015 الفكرة وحده والمخاوف وحدة. انتهي تحكين عن ابوك قدام زوجك بهالطريقة احترميه واحترمي تفكيره قدام زوجك. وعلى فكرة مهما تطورت الأجيال وتفتحت الا انه يظّل بكل انسان في رجعية وان اختلفت النسبة. بالنسبة للذبايح زوجك ماله صالح يجي يقول لابوك هي كثيره او قليله خصوصا انتو اللي متكلفين مو اهله وحتى لو انت اللي بتدفعين انت اللي تحاولين معاه مو زوجك يجي وينصح ويحط نفسه في موقف صعب معقولة من خواتك كلهم او اخوانك مافي واحد قريب منه ويكون ليّن معه ويسمع منه ويأثر عليه ويقنعه؟ |
رد: سوء فهم بين والدي وخطيبي (مملكة )
ابوي... ابوي... لو يدوسني ويذبحني
ما له الا الحشيمة والكرامة عساه يكون من ايام قابيل وهابيل بعد محشوم ومكرم وكلمته مسموعة كل شيء ولا الاب والام ❤ |
رد: سوء فهم بين والدي وخطيبي (مملكة )
احترامك لابوك امر واجب مهما كان العصر الي نعيشه
احترمي ابوك عشان زوجك يعمل له حساب مستقبلاً و يهابه و يحسب الف حساب قبل ما يظلمك بيوم اذا ما ودك تحترميه عشان شيبته .... احترميه عشان نفسك |
رد: سوء فهم بين والدي وخطيبي (مملكة )
الحق معك الحياة صعبة مع اب بهذه العقلية فلم تفعلي شيء خطأ(باستثناء الخروج من دون اذنه)
لكن سايسيه و افعلي ما تريدين من دون ان يعلم في هذه الفترة فلم يبقى الا القليل لتتزوجي و بنفس الوقت أياك أن تظهري انك متضايقة من اباك امام زوجك |
رد: سوء فهم بين والدي وخطيبي (مملكة )
طبعا يحق له يزعل
اصلا مو زين الوحده تكون خفيفه بالملكه وسوالف ساعات وطلعات شخليتو طعم لشهر العسل ابوك لو متشدد على قولتك كان ماسمح لك تكلمينه اصلا على وقته على قولتك يتشاوفوا بالفراش شلون غير تفكيره وخلاكي تكلميه ويزورك احمدي ربك وبعدين صادق خير واذا صار حادث وش بيقولون الناس ترى حنا مو من عام الفيل مع هذا ناقدين وبعدين زوجك راحم ابوك من الذبايح مايشوف شر هذا الميدان يقوم يذبح جد ماله شغل لاهو دافع لعرسه ولا مسوي شي وجاي يتفلسف ويتدخل بعذره ابوك تضايق منه واي عادات هذي ان الرجال مايقوم بعرسه ماشوفه اخطا ولا عقد حياتك ولو مو عاجبه اهل زوجك مازوجهم وخلاكي تقعدين وهالرجل ماراح يخاف عليك كثر ابوك |
رد: سوء فهم بين والدي وخطيبي (مملكة )
اقتباس:
فجعلي ما ابقى بعينه مثالية شلون ترتجين توفيق من الله وانتي كذا تحكين عن ابوك؟ وعشان ايش؟ ذبايح؟! لاتبينين شي قدام زوجك لان لو صار اقل شي.. ولد الناس اول من بيعايرك.. واول من بيضفك هو ابوك هذا وانتي مومتفاهمة مع زوجك.. شلون لو امورك ماشية زي الفل معاه؟ مع مبتعثة مية بالمية انتبهي انتبهي تبينين بيوم ان عندك مشاكل مع ابوك او انه مو عاجبك قداام زوجك لو توصل العشرة بينكم ميتين سنة ترا اذا انفقد احترام ابوك من زوجك فقدتي احترامك انتي عند زوجك وهذاني مرة ثانية احذرك |
| الساعة الآن 04:48 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©