|
منفصلة وهو لم يسبق له الزواج ولا اريد ان اسيء لهذا الانسان
تقدم لخطبتي شاب عمره قريب من عمري, مواصفاته بالنسبة لي اعتبرها كويسة يعني عشان اكون صريحه اكثر ما قدرت ارفضه لان عليه سمات دين واخلاق, تمت الشوفه الشرعيه ولم يعجبني ولم يميل له قلبي ولكني وافقت على الزواج به وقد اقنعت نفسي ان الشكل مايهم واهم شي الجوهر وانه اكيد اذا اخلاقه وتعامله معي كويس اكيد بيميل له قلبي مع الايام .. طبعا في نفس الوقت فكرت اطلب شوفة شرعية مره ثانية واعتقد هذا من حقي ولكني لا اريد ان يشعر بانه لم يعجبني و اجرح شعوره..:16: استخرت كثيرا ووكلت امري لله .. الان اعطاهم الوالد الموافقه المبدئية وبداء الاتفاق على الملكة ,, ولكن في نفس الوقت الخوف والتوتر عندي يزداد وذلك خوفا ان قراري غير صحيح !!
هل وجة نظري منطقية وهل يلزم ان يميل له قلبي او يعجبني للموافقة عليه؟؟ وهل اكون ظلمته معي لو ما ارتحتله بعد الملكة وطلبت الطلاق وانتوا تعرفوا انه مستحيل اكلمه قبل الملكه.. ؟؟ هناك امر اخر متعبني وزاد الطين بله وهو انه ظهر على جسمي بقع صغيره بهاق في الركبة بقعتين(واحد سنتيميتر) واحد الاكواع بقعه والثاني ثلاث بقع متفرقه (بحجم واحد سنتسمستر واقل). طبعا مرض البهاق هو مرض جلدي لا معدي ولاهو وراثي ولا يوثر على الانجاب وانا في الحقيقه كلمت الوالد بعد موافقتهم على كل شي انه يقول للخاطب عن هذه البقع وقالي طيب بقوله بس ما ادري هل اعطاه فكره عن الموضوع او لا,, وبصراحة خجلت ارجع اكلم الوالد في الموضوع حسيت اني اقلل من شان نفسي :29: هل لابد من اخبار الخاطب بها؟ وكيف يتم ذلك (فكرت اذا تم كل شي اطلب من الوالد قبل العقد ان يطلب منه ان يكلمني وانا اشرح له الموضوع) ما رايكم بــ هالطريقه انا خايفه ما اقوله عليها ويحصل شي مو في الحسبان او انجرح بكلام منه او من اهله انا منفصلة وهو لم يسبق له الزواج ولا اريد ان اسيء لهذا الانسان باي شي وعلى قولتهم نبي يصير الوجة من الوجة ابيض :25: ارشدوني وشيروا علي والله اني محتااااااااارة وتعبت من التفكير :11: انتظر ردودكم |
تكفون شوروا علي مره موترني هالموضوع ... هذا زواااج ومصير
ان شاء الله انكم ما بتقصرون :d |
تاكدي ان يخبره الوالد بكل شي ..
والله يوووفقك . |
السلام عليكم ورحمه الله وبركاته
اختي اول شئ لازم اي اخت مسلمه عاقله تحرص عليه هو الدين والاخلاق مثل ما الرسول صلي الله عليه وسلم وصانا عليه لانه اذا هو إنسان ذو اخلاق ودين إعرفي انه حيكون راعي حقوق المرأة وعدم التقصير فيها، وإذا انتي مثل ماقلتي انه فيه سمات الدين والاخلاق فهو كفؤٌ لك فاشوف انه ماترفضي بس لعدم وجود مشاعر أو قبول أو نحو ذلك ولازم لازم يااختي ان تستخيري لرب العالمين قبل ماتأخذي اي قرار وشاوري الاهل رايهم مهم جدا اما ماوردتي في ارجلك كيف عرفتي انه البهاق??هل تم الكشف?المهم في حاله اجبتي بنعم فاالمرض ليس له تأثير على الزواج ولا على الإنجاب وايضا البهاق يعتبر غير معدي ولا مؤذي، ولا ينتقل باللمس بين الأزواج؛ لأنه مرض مناعي ويوجد هناك عده علاج في حال ثبت وجود هذا المرض |
الاهم ان تكوني مرتاحه له شخصياً ومقتنعه به وبما انك استخرتي ربك كثيراً ثقي بان الله لن يخذلك وسيكتب لك الخير بأذنه
بالنسبه للبهاق على مااعتقد انه مرض وراثي ويجب عليكم اخبار الخاطب بهذا واذ كنتي تخجلي من مصارحت والدك بهذا اخبري احداً يصارح والدك بديل عنك والدتك اوختك الكبرى او اخيك المهم لاتخدعي خطيبك الله يوفقك |
وش قصدك بأنا منفصله
|
يا أختي
أهم ش ي يكون عند زوجك خبر أنه أنتي فيك نسبه بسيطه بهاق ولاترفضي الزوج إذا كان اخلاق توكلي على الله أهم شي الزوج عنده خبر والله يسعدك يارب |
راجعت دكتورة جلدية وطلع بهاق وفعلا معلوماتك صحيحة فهو ليس معدي ولا وراثي.. هو تغير في لون الجلد فقط |
انا مقتنعة بمواصفاتة بالعمر والمستوى التعليمي والاخلاقي والديني ولكني غير مقتنعه بالشكل وانا استخرت و توكلت على الله بس فيه خوف من المستقبل يعني بعد الملكة ايش راح يكون شعوري تجاهه هل باتقبله او لا وانا ما ودي اظلم ولد الناس معي :( |
منفصله = مطلقة |
والله يا بنت الحلال الشكل مره مهم
هذا بتعيشين معاه العمر كله اخاف بكره ماتحبينه والسبب شكله لاتستعجلين وحاولي تفكرين اكثر |
انا أشوف إنك تطلبين شوفه مره ثانيه ما فيها شي وحقك .. وقبلها صلي استخاره صدقيني بتحددين بعدها مشاعرك تماما واذا تبين رأيي ترى البنت دائما إذا حبت زوجها بتشوفه أجمل مخلوق ولا ما كان شفتي متزوجات ورجالهم اشكالهم عادية أو مو مقبوله سبحان الله .. لكن عايشين معهم بالحب والرضا والقناعه ويشوفونهم حلوين بعد ويكفيك إن المتقدم راعي دين وخلق خلاص هاذي لوحدها تكفي .. الله ييسر أمرك |
حبيبتي الدين والاخلاق هما اسس نجاح الحياة الزوجية.
اما الجمال فبعد التعود على الانسان يصبح عادي ولو كان قمة في الجمال. كما انه ينطفا مع التقدم بالعمر. لذالك اختاري الدين والاخلاق فهما الابقى . |
اطلبي شوفة شرعية اخرى ويجب اخباره عن مافيك حتى تدخلي حياتك وانتي مرتاحة
مكشوفة الاوراق استخيري وادعي الله في آخر الليل الله يكتب لك الخيرة والخير حيث كان |
اختي شفاك الله
قرأت بأن البهاق 30% منه سبب وراثي يعني يصنف كمرض وراثي المصدر http://www.alriyadh.com/2010/01/09/article488272.html والله اعلم |
اوما تطلبي نظره شرعيه ثانيه
احس مالها دااااااعي ابوك وش يقول له؟؟ تعال بنتي تبغى تشوفك مره ثانيه عشان تتأكد احس مالها داعي .... وقويه بالنسبه لنا كسعوديين يابنتي قولي الحمدلله ان الله يسر لك الزوج الصالح ولاتدققي في الشكل.... وسوري ع هالكلمه بما انك منفصله زين انك حصلتي عريس بهالمواصفات وهو راضي فيك وقابل بس لازم تقولي له عن هذا البهاق |
| الساعة الآن 06:57 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©
