|
اقبل به ام ابقى عانس((تم الرفض بالرد 46))
السلام عليكم
انا راح ادخل بالموضوع على طول ما احب المقدمات انا عمري 30 سنه ولم يسبق لي الزواج دايم يجيني عرسان بس للاسف غير مناسبين واغلبهم متزوجين وحتى المتزوجين بيون مسيار او بالسر يعني ما يتفق معانا لين ما كلمت خطابه وجابت لي واحد غير متزوج وعمره 36 سنه ولما كلمتني اخته قالت انه ما تزوج ابد بس يترفض لانه تعليمه ابتدائي وكثره المهر انا تعليمي ثانوي وعندي دبلومات بالحاسب واللغه انا ما اهتميت بالاسباب ذي ابي الستر بس لما سألنا عنه يقولوا انه طيب لدرجه الدلاخه ولا يقوم بعمله على اكمل وجهه و اعتقد انه خبل لانه لما جونا اهله يشوفوني وكذا هو ماجا واهله قالوا خلاص احنا موافيقن عليك قلت طيب هو مافي شوفه شرعيه قالوا ماعندنا شوفه وحتى بالملكه استغربت مع انهم قثاميين المهم هو ماجا ودايم اخوه اللي يتكلم واحس انه اهله مخبيين شي بس انا اخاف يكون فيه تخلف او شي وابتلش ايش اسوي بالله قولولي ارفضه مع ان سني ما يسمح اني اتحكم اكثر واتشرط او ايش قالت لي اخته احنا حلل اخوي بقي انتي قلت طيب ابي اشوفه على الاقل صوره له احسهم مره مستعجلين ويبون يكروتون شي سامحوني هذا وانا احاول اختصر الكلام |
اختي الفاضله عسل الطائف
ايش يعني لو عمرك 30سنه النصيب اذا جاء ماله عمر محدد والخاطب المتقدم لك قد يكون احساسك بمحله لذا عليك بالاستخاره الي ان يرتاح قلبك وصدقيني طالما انتي في بيت اهلك فأنتي عايشه بعز الله يرزقك الزوج الصالح |
قولي لهم ابي وقت افكر وبهالفترة كثفي السؤال عنه عليك بكثرة الســـؤال عن الخاطب وخصوصاً اللي يجي عن طريق خطابه خلي اخوانك يسألون عنه امام المسجد او مديره بالعمل او اهل حيهم ... وكذا وبعد لازم يجي يقابل اهلك ويقعد معهم يسمعون منطوقه وطريقة تفكيره شلون تملكين وانتي ماتعرفين عنه شي !!! لا تقولين اخاف اعنس لا ترمين نفسك للمجهول اما بعد السؤال اذا كانت الاخبار تسرك من ناحية دينه وخلقه وتأكدتي ان عقليته سليمه مو مثل ماكنتي تظنين فلا تترددين بالقبول ((( كثري من الاستخاره والدعاء أولاً وأخيراً ))) وفقك الله لما فيه خير لك |
الله يعطيكم العافيه
وراح استخير كمان وكمان بس هو مايجي يتقابل مع اهلي يصدر اخوه بكل شي بس بحاول نخليه يجي |
ما تزوجت أرحم و أبرك من مطلقة
|
عفواً أختي الفاضله يعني انتي ملكتي عليه ؟
|
ااختي لله يعينك
بس انا انصحك ان تصري على الشوفه الشرعيه واذا رفضوا ففيها شك نصيحتي لك ايضا اعملي لك ركعتين استخاره وباذن الله راح ينور الرحمن قلبك ويدلك على الطريق الصح والله يكتب الخير لك ولجميع المسلمات يارب |
لا انا ما ملكت لسه وهو لما جونا ما تكلموا بشي بس امه واخته شافوني واتصلوا بعد يومين قالوا احنا موافقين عليك على اي اساس مدري والعريس لسه ماشافني ولا شفته والرجال ما يكلمون اخاف امه تمشيه بكل شيه هي تزوجني وهي تطلقني قلت لها اخر شي بالجوال خلي احد اخوانك يكلم اخوي يفاهمون افضل
|
اقتباس:
واحذري من المضي في الموضوع قبل رؤيته والتأكد من كل شي أسلوبهم غير طبيعي أبداً ويوضح ان هناك شيء لايريدونك معرفته !! أسأل الله العلي القدير أن يكتب لك الخير ويرضيك |
انا حاسه كذا برضه اشكرك يالغلا والله يعيين دامني لسه عالبر وكله نصيب بالاخير ومكتوب
|
لا يا أختي خلي أهلك حازمين خلي أبوك يقولها بقوة في وجههم , وشلون أزوج بنتي لرجال ما شفته ؟ يا أما يجي ويشوفه أبوك ثم تشوفينه أنتي يا أما بلا ... انتبهي تزوجونه بدون ما يشوفونه أهلك الله يعينك أختي واستخيري |
:: |
ضروري تشوفيه وتسألي عنه اكثر
|
لازم يجي للبيت ويشوفونه رجالك ويتكلموو معاه يشوفو عقليته كيف وتصرفاته
زواج من بعيد لبعييد ؟؟؟ |
احس وراهم شئ .......
انتبهي خلي أهلك يسالون عنه تمام ويعرفون عقليته وتصرفاته ......... واستخيري والخيرة فيما اختاره الله الله يكتب لك اللي فيه خير |
لا تملكي عليه الين تشوفينه او اهلك يشوفوه
انا واحد قريبي كان كذا وفي مقر عملي اخوات اللي خطبها فسألوني عنه وقلت كل الحقيقه لان هذا زواج مش لعب وطبعا رفضوه واللي اعجبني انهم ما قالوا لاهل العريس مين اللي قلهم قصته واللي هي انا وبعدها راحوا خطبوله وحده من قريه وتورطت فيه الان ومعها ولدين وتطلب الطلاق برغم ان اهلها فقراء وعلى قد حالهم لكنها خلاص وقابلتها بيوم في عزيمه واشتكت لي منه الين بكت تخيلوا الرجال وهو نايم يعملها على نفسه بالله هذا كيف يتزوج؟ واخوانه الكبار نهاية كل شهر يعطوها مصروف للبيت وللعيال وهم متكفلين بتسديد الفواتير وخلافه لكن زوج ماااافي وجوده زي عدمه الله يعين وانتبهي على نفسك |
يا أختي مو شرط العمر
ولا الشهاده أختي تزوجت بشاب شهادته متوسطه وهي معاها شهاده جامعيه لكن أهم شي الدين إذا الشاب أخلاقه تمام وافقي بس أهم شي تشوفيه أو تسألي أكثر لأنه يمكن فيه شي يعني ليش ماجاء مع أهله لاتستعجلي أختي اسألي عنه أكثر والله يوفقك |
اختي نصيحه حطيها في بالك قطار يعديني ولا قطااار يدهسني ايهما الافضل |
اقتباس:
|
أنا رأي أن عقلية الإنسان وفكره ونظرته للحياة مهمه .. كذلك التعليم فهو نور .. نصيحه لا تنازلات من أجل العمر فأنت مازلتي في عز شبابك وجمالك ..
سبحان الله الوضوع فعلا غير مريح الله يرزقك زوج خيرا منه .. ويكون قرة عينك وأنت قرة عينه دنيا وآخرة.. موفقة يا غالية .. |
بصراحه موضوعك ماارتحت فيها رغم موضوعك .............!!
اتركي هذا الموضوع عليكي الدعاااااااااااااااااااااااااااااء واستغفار كثيرا اغلب وقتك اافضلك والله يرزقك عاجلا غير آجل اللهم آمييييييييييييييين |
اقتباس:
|
اقتباس:
الله يخليكي يالغلا مشكوره كلامك حلو وريحني |
اقتباس:
|
اقتباس:
|
اقتباس:
|
اقتباس:
|
اقتباس:
|
اقتباس:
|
اقتباس:
|
اقتباس:
|
اطلبي نظره شرعيه قولي من عادلتنا خلي عاداتكم تمشي لانك ماتعرفينهم ماتدرين
|
الله عسولة انا مررة كنت ابحث عن مواقع الزواج ولقيت انك كاتبه جاءني عن طريقه تصدقين والله لاحظت شيء
انه لا المواقع ولا الخطابات ثقة ولي يجي عن طريقهم أكثرهم الله يستر ووالقلة الي يصلحون عزيزتي لالا لا لا ثم لاتنتنازلي موب مشكلة ابتدائي نبلعها لكن انا خائفة من عقليته ليه ماجاء وين هو فيه وينه لازم ابوك يشوفه لو تبلغين المية الله لايقدر لاتتنازلي من اجل عنوووسة والله العنوسة ارحم من بعض الازواج يااختي استخيري كم ليلة واطلبي من ربك يلهمك الصواب بثقة والله ماراح يخيبك وينكشف المستور بالعكس حطي ببالك ربي راح يرزقك مثل ماتتمنين او يوفقك ويرزقني ويرزقك وكل بنات المنتدى ويكفينا في الخطابات والمواقع اللي البعض ماهمه في بنات الناس حسبي الله ونعم الوكيل |
أختي الفاضلة
إذا لم يقابل الرجل والدك وأخوانك .. لا تقبلي به .. وثقي أن الله سيعوضك خير. وحتى لو قابلهم أحرصي على أن تكلميه بعد الملكة لو مكالمتين.. لأن غموض أهله غريب بعض الشيء. الله يسهل أمرك بالدنيا والآخرة .. ونرقص على عرسك عاجلا غير آجل :d |
اختي الكريمة ,,,
كونك بلغتي ال 30 فهذا لا يعني انه ليس من حقك ان تهنئي بحياة كريمة ... من المهم جداً ان يجلس معاه اخوكي جلسة او جلستين مطولات لمدة ساعة او اكثر و يتناقش معه في جميع أمور الحياة حتى يتأكد من سلامة عقله ,, من المهم أيضاً ان تسألوا عنه أقاربه و معارفه و زملائه ,, بعد ذلك يفضل ان ترينه و تتكلمي معه لتعرفي هل يناسبك ام لا |
اقتباس:
لكن تصل لدرجة ما ذكرتيه فقد بالغت يا غالية ما الذي يحدك على رجل كهذا الله يوفقه ويرزقك بالي أفضل منه .. ولا داعي لرؤية شرعية حتى ! الذي ذكرتيه يكفي .. عمره 36+ ماذكرت من الدلاخة + الإبتدائية فقط .. العمر هذا غالبا ماتلقين فيه واحد معه الإبتدائي ولا يكمل عمله على الوجه المطلوب وطيبة زايدة >>> واضح إنه فيه شئ !! الله يوفقك ويرزقك من يسعدك وتسعديه .. على فكرة لم أقرأ الردود لكثرة الصفحات >> وحدة عجازة :D |
يا اختي في اشي اسمه النظره الشرعيه صح؟؟؟؟؟؟؟؟؟طيب ارسلي له اخوكي ابوكي خالك عمك يشوفو ويتأكد منه لا يطلع عنجد مجنون او مريض بمرض عضال ...يا معشر المسلمين من استطاع منكم البائه .....وانا خايف بدهم خدامه لا اله او يخلصوووو منه ديري بالك والحظر واجب وعاااااااااانس اهون الف مره من مطلقه والله يحماكي من كل سووووء
|
والله اقعد ببيت اهلي لو عمري 40 ولا اتزوج رجال دلخ اهله يمشون كلامهم عليه وبالاخير انفصل واحمل كلمه مطلقه
والحمدلله 30 مو كبيره واصبري وانا اختك وبااذن الله راح يجي نصيبك بس لاتستعجلين... وفقك الله |
مشكورين كل اللي ردوا علي
والله كلمناهم قالوا لا حتى بالملكه ما يلبسها ولا يكلمها جوال قلنا لهم طيب خلوه نبي نشوفه قالوا طيب بس شوفه اخوانها يشوفوه قالوا طيب بس العروس لا ممكن اذا اصريتوا صوره احنا شكلنا بننهي خلاص لان المماطله بموضوع عقيم ما ينفع لازم اشوفه ويشوفني من البدايه اول مره نشوف بعض بغرفه النوم بسم الله صعبه اشكركم مره ثانيه وانتم خليتوني اتخذ هالقرار يسلموووو |
اقتباس:
|
| الساعة الآن 03:45 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©