|
ارتياح الخاطب من عدمه عند النظره الشرعيه ( ارائكم في موضوعي
اولا اعتذر ان كان موضوعي في المكان الغير مناسب
ااخواني االاعزاء في هذا منتدى الجميل انا باذن الله نويت اني اخطب بعد صراعات داخليه بين اقبال واحجام على مساله الزواج وتكلمت مرره عن مواصفات المخطوبه اللي ابغاها فقالو لي الاهل وبكل تشدد بان لا اتشترط في المواصفات !!!!!! فانا بصراحه اخشى هذه اللحظه عندما يقولو لي حصلنا لك وحده وعند النظره الشرعيه اخاف مايعجبني جمالها ولا ماارتاح لها اانا اوكد لهم دايما ان يكونو ناس طيبين وايضا اوكد لهم ان تكون على قدر كبير من الجمال ومدري عن ذوق الحريم لمن يحددو انها جميله او لا و ادعو دايما في صلاتي وبكل حرقه ان يرزقني الزوجه الصالحه الجميله وسوالي لكم اعزائي اليس من حقي ان اشترط بعض هذه المواصفات اللي يتمناها أي شاب في شريكة حياته وهل يحق لي الرفض عند شعوري بعدم الراحه ( لاسمح الله ) والمضي مجددا بالبحث عن اخرى ولا القبول على مضض بان الاحوال ممكن تتغير بعد التعارف ؟؟؟ بمعني اخر هل الشعور بالراحه او عدمها هي المحرك في القبول او الرفض للمخطوبه او لا ؟؟؟ لانه بصراحه ابغا وحده تملي عيني وحياتي ولا انظر الى غيرها مو زي بعض اصحابي المتزوجين واستغرب منهم بعض الحركات والنظرات الى فتيات اخريات موضوع من فتره شاغلني وحاابب اعرف ارائكم ومشورتكم بس بالراحه علينا :d |
يا اخي الكريم : من حقك ان تشترط الجمال في زوجتك ، وتشترط غيره ، واختيار الزوجة امر ليس بالسهل ، لكن غالبا الذي نراه ان الذي يتشرط ويصعب امر اختيار الزوجة لا يوفقك بزوجة جميلة ، وإن وفق بأن تكون جميلة كم يريد سبحان الله يجد انها ينقصها امور مهمة لا بد ان تتوفر في الزوجة الصالحة كنوع من الابتلاء والكمال لله سبحانه كما تعلم.
وإجابة على سؤالك ، لا توافق على الزواج من اي فتاة الا لما ترتاح انت وتستخير في رفضك لها، لا توافق ابدا بالزواج من اي فتاة موافقة على مضض ، لاتجامل على حساب اي احد . نصيحتي لك ، مشاهدة مقاطع في اليوتيوب للدكتور طارق الحبيب في برنامج النفس والحياة و(اختيار شريك الحياة )وغيرها من المواضيع المهمة في الحياة الزوجية . الله يوفقك ويسخر لك الزوجة الصاحة الجميلة، وقريبا إن شاء الله تبشرنا بذلك |
اخي(حنون بطبعي ) بنسبه لاختيارك بنت الحلال هذا امر كل الناس تعمله وكل الشباب و البنات يتمنو نفس الشي بس ياخي كل المواصفات إلي في عقولنا بذات شباب ها اليوم ما باقي ما يقول ابيها فل كامل جنوط قير تماتيك لاتزعل مني هذا إلي حاصل انت ركز على الاهم مثل اول شي قبل كل شي الدين و الاخلاق واواوا اما بنسبه للحاجات العاديه لازم تكون انفها طويله او او او اسمع مني خذ إلي تشوفه الاهم وصدقني راح تسعد معاها لانه رب العالمين يربط قلب الزوجه والزوج يجعل بينهم حب و موده وكل شي. انت تقدم بس خلينا نفرح فيك بس لا تنسى تعزمنا امن الحين احذرك انا اول المعازيم من غير ما تدعيني هههههه ((الله يوفقك ويعطيك الزوجه إلي في بالك ويخليها تموت فيك وتموت فيها)) قووووولوووو آآآآآآآآآآمممممممييييييييننننننن يارب |
بالعكس
أنا ضد صد شروط الشاب هذي حياة وشراكة عمر ليش الناس تتعب بتنقي السيارة والبيت والحي والزوجة مايحق له يتشرط وبالنسبة للمواصفات فالمشكلة أنه فعلا أحيانا مواصفات الرجال غير عن مواصفات الحريم لكن الأسلم لك لما يذكرون لك وحدة أسأل بتحديد عن اللي تبي قبل لاتخطب والنظرة الشرعية عادي كثير ناس ينسحبون بالخطبة قبل لا أحد يدري ولابعد الزواج |
انت تذكرني في اخوي لما كان يخطب ويقول انا ابي وحده شبه بريتني سبيرز هههههههههههههههههههههههههه
المهم بعد مااهلي شافوا بنت وراح شافها وقسم بالله خق ! يقول احلى بنت في الوجود يعني لما تشوف بنت ترتاااح وتحس هذي اللي ابيها لانه بعد شهرين من الزواج تسير تشوفها زي اختك شيء عادي من ضمن الاشياء المعتاده اما اصحابك اللي يناظرون فكل الرجال والحريم كذا انا اذا شفت ولد حلو في الشارع اطالع فهم نفس الحاله ! ودايم تذكر ان الانسانه اللي بتتزوجها مو شكل قد ماهو تفاهم واخلاق اعرف بنات حلواات لكن الاخلاق =0 |
من حقك ترضى ومن حقك ترفض كل واحد ولو شروط لاكن لاتتشرط كتيير>>>> خليك وسط وحط ببالك اهم شي جمال الروح لانو الشي الوحيد اللي حيجلس
ياما بنات حلوات واخلاقهم صفففر وياما جمال على قدهم واخلاقهم ما شاء الله رووعه والله يرزقك وحده على قد نياتك وترتاحلها وتسعدك يارب |
اقتباس:
|
اقتباس:
انا معكم انه الاخلاق او الدين اهم من كل شي لكن انا اللي محيرني انه من البساطه انه يسالون عني بكل سهوله لكن كيف انا اعرف انه هذا البيت اهل دين وخلق الله يسمع منكم اللهم امين |
أخي الفاضل
إن وجدت ارتياحاً عقلياً لها، وارتياحاً نفسياً، وقبولاً للشكل مع صلاة الاستخارة فهذا هو مفتاح القبول لهذا الأمر. والعكس صحيح ::: يحق لك أن تشترط ما تريد، وفي المقابل تذكر أنه لا يوجد كمال بشري لأن الكمال انفرد به الرحمن عزوجل، ثم عليك أن تغلب صفة على صفة أخرى فلن تأتيك امرأة من الحور العين ونفس الكلام ينطبق على الرجال. وهناك صفات أساسية وهناك ثانوية وهذه تعتمد على وجهة نظرك. وتذكر أن مقاييس الجمال والأذواق تختلف من إنسان لآخر فما تراه انت جميلاً يراه الآخر قبيحاً وهكذا. اعمل مقارنة بين الصفات فإن وجدت عيباً لا يؤثر على الحياة أو عليك ويمكن التغاضي عنه فلا بأس. وأنت أعلم بشؤونك. ::: همسة: لا تقدم حتى تجد ارتياحاً للأمور التي ذكرتها لك أعلاه |
اقتباس:
واسمحو لي اقولكم انه مرات لمن اقول على وحده شفتها في التلفزيون انها حلوة يردو علي خواتي ويقولون من زينها وعععععععععع :) من جد معايير الجمال عند الحريم تختلف عن الرجال اشكرك مره اخرى على المداخله |
اخي من حقك تقول رايك بالانسانه الي رح تكون شريكة حياتك
ولو ماارتحت لاتكمل لان اذا من بدايتها مو مرتاح كيف بعدين كلها حقوقك يااخي لان لو تزوجت وانت مو مرتاح بس عشان رأي امك ولا اختك لا سمح الله بعدين لو صار شي ماحد رح ينفعك |
اقتباس:
انا ممكن اختلف معك في نقطه التفاهم والاخلاق فهذا الشيء راح ينعرف بعد فتره من الزواج طيب انا الان لو مدحو لي وحده في اخلاقها ودينها وتحمست للموضوع لكن عند الشوفه الشرعيه ماناسبتني او مارتحت لها هل توافقيني على الرفض ؟؟؟؟ |
اقتباس:
|
اخي حنوون
قوول لاهلك نفسس المواصفات ودامك كذا تبي جميله الله يعينك هع الاذوواق تختلف النظره مهمه سبحان الله يمكن ماتكوون جميله بسس ترتاح لها وترضى فيها انت اهم ششي استخير ولا راح تندم واهلك حاول يعني توضح لهم الجمال انه مهم عندك واذ شفتها ولا ارتحت عاتي ترفض من حقك عشان ماتظلمها بعدين تقدر تجيب اي عذر وموفق وبششرنا اذذ خطبت <<ملقووفه |
اقتباس:
لكن كيف اعرف جمال الروح وانا مالي الا النظره الشرعيه ماعندي اعتراض على كلامك لكن سوال تبادر الى الذهن اشكرك على مداخلتك |
اقتباس:
ماخلت لي فرصه وصكت الموضوع في وجهي وتقلي لا تتتشرط :18: والله الجمال مهم مدري ليش الواحد يتزوج عشان يستر نفسه ويجي يتمقل في فلانه وعلانه اقول في نفسي ليش اللي معك في البيت مو مليه عينك !!!!! الظاهر حاس اني بنشف حلوقهم صح وماعليكم حعطيكم خبر لمن نعقد :22: اشكرك على المشاركه في موضوعي |
اقتباس:
لكن اقصد انه اذا كانت الوحدة بصفة عامة حلوة ماله داعي تدقق خشمها قصير عيونها صغار خدها فيه حبوب ...الخ :d:d اما مواصفات الجمال تختلف عند الرجال عن الحريم اقولك يختلف في الاجيال يعني الجمال عند البنات تكون الوحدة بيضاء وملامحها حلوة اما الرجال يهتم بانها تكون دلوعه وجذابه ! الله يرزقك بوحده تشبهني >طسي بس :17: |
اقتباس:
بس الله يسامحك انا وش سويت لك جالسه تدعين علي :22::22: |
مرحبا اخووي ,, من حقك طبعا تحط الشروط اللي إنت تبيها في زوجتك وآنا معاك في نقطة مهمة ألا وهي إنك تبي هالزوجة تغنيك عن أي بنت ثانية نقطة مهمة وممتازة أحييك فيها يعني شكثر رياييل أشوفهم متزوجين تلاقي عينهم عالبنات :25:<< مسامحة يعني والجمال من حقك بعد , ولكــن مثل ما تفضلت الدين والأخلاق مهمة جـدا فالجمال شي زائل , أما الأخلاق والدين وحسن المعاملة هي اللي بتظل وتذكر شي مهم إنت بعد فترة محتاج أنثى تتكلم معاها , مو أنثى تطالع فيها وهذا الجمال شيئا فشيئا راح تتعود عليه ومع الأخت لــLM إذا كانت حلووة بشكل عام ما يحتاج للتدقيق فيها وايد:25: يكفي إنها حلووة يا أخي:d وفعلا المواصفات تختلف من شخص إلى شخص , يعني اللي تشوفها أنت جميلة مثلا , غيرك يشوفها حلوة بس مو جميلة , فما في مقياس معين كل من وله نظرته وكل من و له ذووقه عمووما , تمنياتي لك بزوجة طيووبة وحبوبة وجميلة وتحبها وتحبك وتعيشون مع بعض أحلى حياة قول آميييييييييييييييييييييين:22: وأتمنى تبشرنا قريبا بزواجك يااااااااارب:17: إياني وإياك تنسى تعزمني وآنا أختك:d وفقك الله ,, أختك / شيخــة |
عادى مرة من حقك تتشرط بس لاتكثر واجد لانك انت نفسك مانت كامل واما الجمال طبيعى كلن يبيه ترا حتى حنا نبى واحد جميل يملى العين او مملوح او جذاب عشان الوحدة ماتتحسر لين شافت زين ,,,بس بالنهايه الى يبقا طيب المعدن والاصل والتربيه لانها هى الى بتبقا لك والله عادى اخوانى كلهم يتشرطون ولمن تزوجو عاديات اشوف مشاءالله تبارك الله عادي عاجبينهم يعنى هو توفيق وسخرة وربى يحليها بعيونك بعدين اما بالنسبه للشوفه لو مارتحت طبعا لاتكمل استخر الله مع انها تجرح شوى البنت بس الشكوى الله وحاول تكون لبق بالرفض قل انتو مافى منكم والبنت ماناقصها شى بس ماحسيت براحه او الام تكلم عشان المشاعر والله يوفقنا ويوفقك
|
اخي الكريم , في البداية يجب ان يكون عندك الفهم الصحيح للزواج , ماهو ؟ هو ان تعرف بان الزواج رباط مقدس وعشرة حياة كاملة وايضا سوف ترزق باذن الله بذرية صالحة وسوف تعكف على تربيتهم وتنشئتهم تنشئة صحيحة فهذه بالنسبة لي هي بعض الامور الاولية التي يجب ان تفكر فيها بالنسبة لاقدامك على الزواج فصدقني اخي الكريم اذا كانت هذه الامور هي من اولياتك فسوف تتيسر المرأة الصالحة الجميلة والتقية التي سوف تملأ حياتك وعينك ولن تنظر لغيرها ابدا .
بارك الله فيك ويسر لك الامر |
اقتباس:
هههههههههههههه لا لازم تقولهم لايورطووك هع انت بسس تشششوفها ان شاء الله رح ترتاح وتششوف وقبل ترووح اسسستخير اذ فيه خير ربي يسسهل |
مو مهم الجمـآل ....
آهم شي الدين والآخلآق .. وجمــآل الرووووووووووح ..والشخصيه .. آنــآ بصــرآحه اشووووف الجمــآل مو كــل شي .. آنــآ آشــوف بنــآت جميلآت ... ولكــن بعد فتــره لمــآ آعــرفهـآ تتضح الصوره عكــس .. سبحــآن الله وفيه بنــآت غير جميــلآت .. ولكن بعــد المعرفه... آشوووفهــآ حــلووووه ... يعني ع حسب الروح .. بصــرآحه النظــره الشرعيه مهمه ... قريبتــي تمت خطبتهــآ وملكتهــآ .. وهي مآشفت العــريس ...لآن حنــآ مــآعندنــآ نظــره شرعيه ..وآيضــآ مـآسمحت له الفــرصه تشــووووفه .. وفي الزوآج .... بصــرآحه انصدمت من شكله ... طلع عكس التـوصيف ..تمــآمــآ .. تقوووول لو شفته كــآن رفضته ...بس طلع شخصيـته عكس شكله .. ولكــن آنصحكـ بالنظــره الشــرعيه ..بصــرآحه مهمــه ... وبالتـــــــــوووووووووفيق لكــ |
من وجهه نظري ارى ان مهما بلغت الفتـــاه قدر من الجمال فهو ليس كافي ..
لان الانسان بطبيعته ملوول .. وإن تزوجت الفتاه الجميله سيأتي يوم وستمل منها .. لذا لاتبآلغ في مسأله الجمال وتمسك بالاخلاق والروح لانه هو اللي يتجدد اما الجمال فلا .. تمنيآآتي بالتوفيــــــق ^_^ |
اقتباس:
بس حابب اعقب وخليني اتكلم بوضوح شوي انه جو العمل عندي فيه اختلاط رهيب ويلفت نظري انا الكثير من البنات الجميلات من حولي غير االلي تجيك بقوة عين وتتمقل فيك منت داري اش تبغا ؟؟؟؟ ومع ذلك الحمدلله مالي تواصل مع احد اما اني افكر اخطب وحده منهم ودايما مايسالوني اصحابي هذا السوال :) ليش ماتخطب لك وحده من العمل فهذا استحااااااااااااااااله بالنسبه لي مهما كان جمالها لانه وقتها احكم العقل وانظر الى قضيه الاخلاق والدين بالمناسبه استعمت لحلقه اختيار شريك الحياه للدكتور طارق الحبيب واشكر الاخت روح انسانه لانها دلتني عليه وقال كلام جدا رائع رائع راح احاول الخصه في الردود القادمه :22: اختي شيخه كلامك جميل جدا ورائع اشكرك :22: |
اقتباس:
اول شي اشكر كل من شارك في موضوعي واعتذر لمن لم اعقب على رده واشكره على مشاركته انا اتفق معكي اختي وجميع من وافقوك الراي لكن مدري ليش اغلب ردودكم تربطون الجمال الظاهري بسوء الخلق :( والغير الجميله بحسن الخلق ليش هي خلاص ساااااااااااارت قاعده :( الان الرجال لمن يجي يخطب ماله الا النظره الشرعيه يشوف الشكل الظاهري كيف انا اعرف خلقها ودينها وجمال روحها زي ماتقولو اذا مالي الا النظره الشرعيه وبس ؟؟؟؟ يعني تعتقدو انه السوال عن الاهل كافي لمعرفه اخلاق البنت ودينها ؟؟؟؟ ومدري اذا كان الواحد عنده الجراة ذاك الوقت يتكلم معها ويسمع حسها ويعرف كيف اسلوبها في الكلام الدكتور طارق الحبيب كان له وجهه نظر في موضوع اختيار الشريك قال : (( ( وبتصرف ) انه الواحد اذا جاء يخطب يكرر زياره النظره الشرعيه لاكثر من مرررره حتى ياخذ راحته في النظر والكلام حتى يرى بعض الامور اللي تستدعي الرجل لخطبه الفتاه وختى يسمعها كيف تتحدث وكيف هو منطقها واسلوبها لا تفكيرها وحتى هي ايضا تستطيع رويته كيف شكله واسلوبه لكن الواقع يرفض مثل هذه الامور لكونها مخالف للعادات والتقاليد بحكم انه ليس زوجها شرعا وانه بناتنا مو لعبه مع انه قد يكون بحظرة اي احد من اهلها او حتى الخادمه وليس في ذلك خلوة لكن لو نظرنا الى زاويه اخرى لوجدنا انه مافي مشكله عندهم مثلا ان يخلو السائق مع ابنتهم وقد يفعل بها الافاعيل والعياذ بالله وهذا تناقض اجتماعي وقال ايضا انه هذا الدور يعتمد بشكل اساسي على البنت ...... )) انتهى وانا اعقب واقول هل تقبلون بكلام الدكتور يا بنات حواااااااء ؟؟؟؟؟ :d:d ارائكم وجاوبوني |
في انتظار ردودكم وارائكم
|
مازلت انتظر ارائكم الحلوة لا عدمناكم :)
|
للرفع
|
بخصوص مسألة الجمال ... ok ماعندك مشكلة دور على وحدة تناسبك ...
بعلق على نقطة وحدة : اقتباس:
أنا على قناعة تامة أن الخربان خربان حتى و إن كان عنده ملكة جمال في البيت .. إلي طبعه يطالع في الرايحه والجايه راح يظل كذا بغض النظر عن جمال زوجته .. حتي إذا جلس يبرر فعلته بأي عذر .. هو جالس يعصي ربه قبل كل شي من واقع سؤال للمتزوجين .. بعد حوالي 6 شهور من الزواج راح يكون شكلها في نظرك عادي حتى لو هي ملكة جمال لأنك مليت من كثر ماتشوفها .. ممكن تقول طيب الفنانات الواحد يشوفها في الفضائيات سنين ومايمل من شكلها - مع أني ما أبرر مسألة النظر إنما أفسر - فالسبب : أن زوجتك أنت ملكتها .. ودايم الممنوع مرغوب! موفقين يارب (: |
اولا انا سعيدة باطلاعك على برنامج الدكتور طارق الحبيب.
مسألة الشوفة اكثر من مرة انا مع هذا الامر ، بس البنت احيانا كثيرة يمنعها الحياء ، واذا طالبت او وافقت على هذا الامر الكثير يعده من قلة الحياء ، حتى هذا الامر من بعض الشباب اللي من مصلحته انه يشوفها ويتكلم معها قبل الملكة . يعني لسه احس الوعي مو منتشر في هذه المسألة. يعني لازال ناس يمنعون الشوفة اصلا فما بالك ، انه يشوفها اكثر من مرة ويتكلم معها!!! |
أخى العزيز: حنون بطبعي ... أشكرك على موضوعك الهام جدااا ..فسؤالك ومشكلتك هى قريبة جدا من مشكلتى .. وهو قول الكثيرين من حولى أن لاتشترط أى شروط فى البنت ...المهم أخلاقها...
وأقول لك بأمانه ..وانا واقع فى هذه المشكلة منذ سنين.. إرجع لحديث النبى صلى الله عليه وسلم.. إختيار البنت على أساس جمالها وحسبها ونسبها وعلمها ...إلخ فكل ذلك سيصب فى صالحك وسينعكس على معيشتك معها ...وستستثمره فى أولادكم لكن بجانب ذلك إجعل تدينها الحقيقى وأخلاقها هو شرطك الأول ..لكن لاتغفل بقية الشروط وحتى لو كانت بنسب أقل فأقبل فورا...نصيحة |
[من واقع سؤال للمتزوجين .. بعد حوالي 6 شهور من الزواج راح يكون شكلها في نظرك عادي حتى لو هي ملكة جمال لأنك مليت من كثر ماتشوفها .. ممكن تقول طيب الفنانات الواحد يشوفها في الفضائيات سنين ومايمل من شكلها - مع أني ما أبرر مسألة النظر إنما أفسر - فالسبب : أن زوجتك أنت ملكتها .. ودايم الممنوع مرغوب!
موفقين يارب (:[/QUOTE] كلامك سليم وضيف عليه انه مو بس تعود عليها اصبح مافي تجديد في الحياه الزوجيه اصبح فيه جمود في الاحاسيس والمشاعر والعواطف من قبل الزوج وشي طبيعي جمود من قبل الزوجه فمات جوهر ولب الحياة الزوجيه اللي هو الحب والموده بين الزوجين فالرجل اللي يعامل الانثى على انها اداة لتفريغ شهواته هذا اللي راح يظل يناظر يمين ويسار ويحس انه ناقصه شي لكن لو عرف الرجل انه الانثى مخلوق جميل تمتلك من الاحاسيس والمشاعر والحب ما الله به عليم التي اذا اشبعتها ملكت الدنياا ومافيها ووصلت لقمة السعاده الزوجيه مع زوجتك وماعاد يهمك بعدها لا فلانه ولا علانه ...... اسال الله ان يبلغنا اياها اشكرك مرة اخرى على المشاركه |
اقتباس:
وللاسف هذا واقعنا المرررررر والله انا الى الان متخوف كيف اعرف اخلاق البنت وطبايعها مايكفي اني اعرف اهلها بقدر اني اعرفها هي بحد ذاتها اسال الله انه يسخر لنا بنت الحلال الطيبه قولو امين |
اقتباس:
اطلعت على موضوعك والله ياخي العزيز لو تفكر شوي معي كلامهم فيه شي من الصحه ولو تحدثت معك عن البشره ( السمار والبياض ) ترى مرات في بنات سمراوات قريب للبياض اجمل بمليون مررره في ملامحهم من بنات ذات البشره البيضاء يعني لا تحط البشره عائق لك وزي ماقالو لك بعض الاخوات ترى معايير الالوان عند البعض تختلف اللي تشوفها انت اسمر يشوفه البعض ابيض وهكذا ياغالي اشكرك وبقوه على المشاركه ياعميد المنتدى ( ماشاء الله مسجل من عام 2003 :22: ) |
اقتباس:
إنزين أخوي ( حنون بطبعي ) تخيل لو كل النااااااس تفكر كذا .. هل سيقدم أحد على الزواج ؟؟:confused: النظرة الشرعية راح تكشف لك شكلها وجزء بسييييط من روحها ... أما خلقها ودينهاوجمال روحها .. فجزء ستكتشفه عن طريق الأهل ومن يعرفها ويحدثك عنها والجزء الباقي ستكتشفة في مرحلة الملكة والزواج بإذن الله .. نفرض أن أهلك يابولك بنت الحلال إللي يتوقعون أنها تناسبك ( جمال وأخلاق وغيره ) وصارت النظرة الشرعية وعجبك شكلها وانطباعك المبدئي عنها كان ( OK ) ألحين أنت تبا تكتشف الجزء المتبقي قبل مرحلة الملكة والزواج .. فشو تسوي.. وكيف الدبره؟؟ يا إما تكلمها مرات محدودة ومعدودة لإكتشاف روحها الغامضة .....! وهذا يعتمد على أهلها وعليها ومدى تقبلهم للأمر .. أومثل ما قال الدكتور الحبيب ، تزورها وتكرر الزيارة وهذا بعد يعتمد على مدى تقبل الاهل لذلك .. أو أنك تكلمها من غير ما يعرف أهلها :19: :29: وهذا طبعا ( وأتوقع) أنك أنت بنفسك ما راح ترضى فيه.. فما باقي لك غير تتزوج حالك حال هالأوادم لي تزوجوا .. ( وتورطوا :26: ) يعني إذا كانت جميلة وأهلك يمدحون أخلاقها .. وارتحت للنظرة الشرعية ارض بنصيبك .. وتشجع وخل قلبك قوي وتفاءل بالخير وتملك عليها .. وستتكتشف روحها الغامضة(:24: ) شهر .. شهرين .. ثلاث ..أربع شهور ( بس لا تكثر ) كله استكشاف ..:30: عجبتك البنت .. :14::14: خير وبركة .. عرس على طول ولا تتأخر :14: ما عجبتك وحصلت ( لا قدر الله ) مشاكل خلال أيام الملكة :29: :16: عندها ما باليد حيلة .. مالك إلا الطلاق ( الذي شرعه الله سبحانه ) وسواء تم الزواج أو ( لا قدر الله ) لم يكتمل كله مقادير الله .. وكله مكتوب لك والرضا بالقضاء والقدر ركن من أركان إيمانك لا يكتمل الإيمان إلا به .. وفي النهاية لا أملك لك إلا الدعاء الله يرزقك بالزوجة الصالحة والذرية الصالحة :15: |
اقتباس:
والله يسمع منك اللهم امين |
اخواني حبابيبي اشكر كل من علق على موضوعي وجزاكم الله كل خير
اخواني اخواتي انا باذن الله ان تيسرت لي خطوبه واملكت حطيت هدف في بالي من الان ولن ااتنازل عنه انه الزواج لن يكون الا بعد سنه او سنه ونصف باذن الله حتى استطيع تحقيق الهدف المستقبلي اسال الله ان يعينني فيه ويسسره لي الان ابغا نصايحكم - انا عارف انه لسع ماسار علي شي - لكن كيف اعمل في هذه الفتره من ناحيه الزيارات والمكالمات خلال هذه المده الطويله وانا الان امر في فتره نفسيتي فيها نوعا ما تعبانه ومعذبه :( فانا لا اريدها- لذات الجنس واعذروني - فهذا اخر مافكر فيه الان بقدر ما افكر اني بحاجه ماسه الى انسانه اسكن اليها وتسكن الي وتهدي من وضعي اللي انا فيه وانا اعرف انه بركان الاحاسيس والمشاعر اللي في داخلي سوف ينفجر في تلك اللحظات شورو علي والله محتار وافكر اخشى انه هذه الفتره تتطور فاعجل الزواج الى موعد قريب وافرط في هدفي او اخشى انه تذبل العلاقه خلال هذه المده الطويله فتموت الاحاسيس والمشاعر وهذا ما لا اريده |
حنوون ربي يووفقك
انصحك صلح الملكه وكلمها وانبسسط معاها بسس لاتهملها ولا تسوي ثقيل صدقني راح تكرهك وسسنه حلووة مو كثير وراح تنبسسط اذ اسعدتها راح تسسعدك ربي يسسهل امرك |
اخي الكريم ... انتهز فترة الخطبة و الملكة عشان تعرفون بعض اكثر ... الاتصال راح تفيدكم ... و لو في مجال زورها في بيتها (طبعا عقب الملكه) ... شوف عاداتها و معتقداتها ... مهم جدا تكون نفسيا مرتاح معاها لانها راح تكون شريكتك مدي العمر ان شاللة
النظرة الشرعية مهمة جدا و لو ما ارتحت لها لا تجامل نفسك و لا اهلك .. خبرهم بصراحه انك ما ارتحت اما ان اهلك يقولون لا تشترط فمع احترامي من حقك انك تتشرط لانها زواج و لازم هي تكون داشه مزاجك عدل لا تنسي الاستخارة و الدعاء ملاحظه: خليك من الرومنسيه الزايدة |
| الساعة الآن 10:44 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©