تقرير زيارة الخطاب بالأمس....
 

هلا اخواني وخواتي الأعزاء


طبعا الحمدلله ان امس عدى على خير...انا الحين جداا مرتاحه ..يعني مثل ما تقولون

هم وانزاح ولله الحمد.......المهم شفت الأم وشفت الأخت... سلمت عليهم وكل

شي...والأم نظراتها ما توقف كل ما التفت اشوفها تشوفني...وترفع يدها وتقول يالله

من فضلك...المهم...دخل الولد او الرجل...شفته الصراحه شكله كبيير في الأربعين


يعني كبر الوالد ماشالله ...ونا 22 ...هو اعتقد 31 ...وكل شوي يقولون عندنا عقارات

وعندنا بيوت في كل اماراه ومزارع ...وبنلبسها احلى الماس ...والله يا اخواني انا


من سمعت هالكلام ونا قلبي ابداا مب مطمئن...لأن بصراحه انا ما حب او ما تهمني

الفلوس وايد...وكل ما استخير احس قلبي مقبوض وودي اصيح...واليوم قمت الصبح

صليت وبعد استخرت ...وقريت قرآن واذكار...قعدت على السرير وتميت اصيح عشان

ارتاح...والحين كل ما اتذكرهم قلبي يدق وتلوع جبدي :24: هل هذا يعتبر نتيجة

الاستخاره ؟؟... علما وحده من خالاتي قالت حق امي لاتوافقون على ناس

ماتعرفونهم ابدا ولا لكم خلفيه عنهم...وخالتي الثانيه تقول لين متى بترفضون؟؟

والله انا في حيره لا يعلمه الا الله ..ودي اصيح ..دايما اقول ياريتني صغيره :(

هلا حبوبة استخيري وشوفي اذا ارتحتي توكلي على الله وايد تمر فينا هالمواقف واذكر انا قبل مااملك وبعدها صحت والحمد لله زوجي ماشاء الله تبارك الله وايد خلق الله يخليه ويسخره لي ان شاء الله ....الله ييسر لج اذا كان في الموضوع خير لج ان شاء الله

هلا اختي الزاجله...


الصراحه والله انا استخرت وايد..قبل ما اشوفه وبعد ما شفته...وامي بعد تستخير معاي...وتقول انها مب مرتاحه وايد


ماعرف الصراحه


عموما شاكره لج مرورج

حبيبتي امير الذوق مادام استخرتي فاعلمي
ان الله سيسيرك على ما فيه خير لك
توكلي عليه وهو حسبك

أنتي أصلن ما ارتحتي

ولما استخرتي ما ارتحتي بعد


وغير كذا 22 سنة تعتبر صغيرة



يعني وش اللي حادك على هالرجال ؟

لموووووس: مشكوره حبيبتي والله على المشاركه الحلوه ...بارك الله فيج



زوج في المستقبل..هههه احلى شي قلته 22 صغيره...صح والله مب مجبوره اصلا...وبيني وبينك انا من اسمع حد بيي يخطبني امرض والله ماعرف ليش.......عموما شاكره لك مشاركتك الحلوه ومواساتك ^_^

صح 22 مو صغيره

ونصيحه

ودآم انك ما ارتحتي خلااص ابعدي عنه

وربي بيعوضك ان شاء الله

لاتسوين مثلي وتندمين طووووووووول عمرك

وتعيشين بوضع نفسي صعب

معنى الاستخارة
 

يا أخية ما معنى الاستخارة هل هي ارتياح القلب أو أنقباضه ؟
لا أظن ذلك معنى صلاة الاستخارة تجيديه في دعاء الاستخارة فما هو ؟
إنه تيسير الامر أو تعسيره أنت أمضي في موضوع الزواج فإن تيسر فذا دليل إنه خير و إن جاءت أمور و تعسر فهو دليل أن التراجع أفضل و الله يوفقك إذا كان الرجل بعد سؤلكم عنه صاحب خلق و دين فلا تترديي و توكلي على الله

اشكركم اخواني على تداخلكم ...


بالنسبه لأبو سند...والله اول سؤال سألناهم عن الصلاو...واخته قالت الحمدلله اخوي يصلي وتقول كل شي مهم مب بس الصلاه الأخلاق بعد...لأن تقول صديقتي متزوجه امام مسجد وملعوز حياتها فوق وتحت...واخلاقه تقول طيب وبارد


انا اللي مب مريحني ان امه وايد تتكلم عن الماديات...يعني كل شوي عندنا وعندنا...والله نحن ماتهمنا الفلوس كثرة النفوس اهم شي النفس او الأخلاق...بس سبحان الله ما ارتحت



ومشكورين مره ثانيه على تواصلكم ^_^

اسأل الله تعالى ان يقدم لك الخير اينما كان اختي الكريمة

أنا معك في هذه النقطة و هي أنني أشعر بالنفور كلما حاولوا تحسين صورة الخاطب بذكر ثرواته و فلوسه

يستفزني الكلام بهذا الموضوع رغم انه قد يستهوي البعض ..و كأنهم يريدون اغرائي بهذه الامور المادية ..

فدوما أضع في بالي ان كل هذا يمكن ان يذهب في لحظة بينما الاخلاق الاصيلة و الدين فلن يذهبا ان شاء الله

و مع ذلك اسأل الله ان يكون هذا الخاطب طيب الشكل و المعدن ..

أنتى فعلا صغيره اوعى توفقى على واحد مشاعرك ماتحركتش نحيته
وبدام ماحستيش بالراحه ارفضى

الله الله على كلامكم ...انتو الحين فعلا ريحتوني...اسأل الله ان يرزقكم الراحه والطمأنينه والسعاده في حياتكم قولوا آمين


مشكوره اختي الوفيه لوالديها واختي المصريه...والله كلامكم يريح :)

شوفي يا اختي

ما يتكلم عن الماديات ويكرر هالكلام إلا اللي بيغطي عيب ثاني

لأن اللي يتكلم عن الماديات يعرف إن كثير من الناس تهمهم المظاهر والفلوس


بس اهم شي انتم خليكم مهتمين بالنفوس وبعدين فكروا بالفلوس




والله يرزقنا ويرزقكِ

عادي اغلب الخطاب يتكلمون بالمادة عشان يرغبون البنت فيهم
اذا ارتحتي توكلي علا الله