انا والبيت واهل زوجي شاركوني ولو بالدعاء
 

السلام عليكم ورحمة الله...........وكل عام وانتم بخير
ماودي اطول عليكم بقول مشكلتي واسألكم بالله تساعدوني ولو بالدعاء...........؛ـ
تزوجت احد اقاربي ظروفه على قده......................بس اهله ميسورين الحال ماعليهم الله يبارك لهم
وانا وزوجي ساكنين بعيد عنهم بس البيت ملك ابوه الله يطول في عمره
المشكله ان البيت له اكثر من 12 سنة ماتغير فيه شي الموكيت قديم ووسخ وملوث وصار البيت يحزن طبعا ماقدر اغير شي راتب زوجي اقل من الفين ريال ولو غيرت في الموجود بنقل الاثاث يكون لأم زوجي رأي
اخر....
صرت اقنع نفسي بالموجود واجاهدها خصوصا اني توي متزوجة ونفسي بشي جديد
وزيادة ان اهل زوجي بيتهم اللي ساكنين فيه يجنن والاثاث جديد ويغيرون دائما ومن اغلى شي ماشاء الله تبارك الله وانا يزعلو مني لو طلبت يساعدونا في موكيت جديد ولو من ارخص نوع ويزعلو لو فكرت اتخلص من الموكيت الوسخ
و لما يزورونا يقعدوا بالشهور وصرت ماأحس بخصوصية لان الحمام مشترك وانتم عارفين الاحرج من هذي الناحية
وكمان مايحبو يجلسوا وينامو الا عند التلفزيون يعني مالي حق في اي شي
وأم زوجي رافضة ان التلفزيون يتغير مكانة
وشغل البيت مو على كيفي لما اكون تعبانة لازم اشتغل ولا اخواته يزعلون
والله اني اشتغل من قلبي واصلا البيت ماتنظفت الا على يدي
ويشهد لي ابو زوجي بس اللي حصل قريب و خلى صبري ينفذ
ام زوجي صارت تتكلم عليا في المجالس وقدام صحباتي واقاربي وقدامي اني وسخة ومعرف انظف
انا ماني صغيرة عشان تقول كذا عمري صك الثلاثين
صرت احس بالاحراج وكرهت نفسي وما حبيت ارد عليها وصرت ما احب اواجه الحريم مالي وجه....
انا عارفة نفسي اني نظيفة والله لم تكن صادقة سامحها الله
وانا رحت زيارة لاهلي الان ومالي نفس ارجع البيت خصوصا لما اتذكر البيت اللي حاولت انظفه واغير فيه وفي النهاية طلعت وحدة وسخة
لاتقولوا اكلم اهلي لان موقفهم سلبي
وزوجي دائما سلبي
بس النفسية تعبانه ومالي نفس ارجع هناك ارجوا منكم قول مايهون على هاذي النفسية تعبها

وجه الامل خلي املك بالله كبير ودايما فكري في حياة الرسول صلى الله عليه وسلم فكان اكثر المسلمين فقرا والجئ للدعاء لله في جوف الليل بان يفرج كربك ولاتدعي على اهل زوجك .

اللهم فرج كروبنا
الله معاكي

حبيبتي الله يفرج همك
ويسر لك

يعني أنت متزوجة؟ توقعتك مو متزوجة من موضوعك (في أحد زينا في العالم؟؟)
إذا على كلامك موظفة غيري في بيتك اتوقع مايقدرون يتكلمون إذا الأثاث من مالك يمكن هم خايفين تحملين ولدهم فوق طاقته..
كان الله يعونك...

اختي عندنا واخذت اسمي وطرحت مشكلتها هيه كمان

اختي احمدي الله انك متزوجة غيرك كتير لم يجدن الزوج و عليك بالإستغفار فإنه سبب في تفريج الهموم و سبب في زيادة الرزق بإذن الله ..


( فقلت استغفرو ربكم انه كان غفارا * يرسل السماء عليكم مدرار * ويمددكم بــأموال و بنين ويجعل لكم

جنات ويجعل لكم أنهارا )

نقل للتوجيهات مكانه الانسب


تحياتي

الله يفرج همك ويرد كيد أم زوجك في نحرها

يا هلا ..

الله يعينك اختي .. صعبه انك تتخذين موقف من اهل زوجك خاصه ان زوجك واقف في صفهم ..

مالك الا تصبري و تخططي انك تقنعين زوجك بكل هودء على طلباتك .. طبعا اوعي انك تجيبي سيرة امه انها تتكلم عليك في الوقت الحالي .. وحاولي انك ما تنقطعين عن علاقتك الاجتماعيه مع الناس .. واذا قدرت تستفردي بام زوجك و تبيني لها انك عارفه كل الكلام اللي تقوله عنك بس لا تخبري زوجك حتى ما يتضايق ..
وربي يسعدك..

أميرات

الله يكون بعونك اختي اذ تبين نصيحتي 00000ارجعي لبيتك ولزوجك ولاتزعلينه واغمريه بحبك وعيشي حياتك وتقربي منه اكثر 000000البيت بيتك قومي بتنظيفه وترتيبه وشوي شوي اشري فرش جديد يعني مو كل شهر اشتري شهر وريحيه شهرين لين يكتمل بيتك00000000 واقنعيه بهدوا ان هذا بيتكم وانتي اذامعاك شي لاتقصرين على بيتك بس لاتدخلين امه وخواته بالموضوع هو اصلا بيتك ومهم كان هاذي امه احترميها تراها راح تندم ترى اغلب الامهات كذا في اول الزواج يحسون انك اخذتي ولدهم كل شي راح يتغير بعدين صدقيني نظفي بيتك واستقبلي ضيوفك بكل ثقه وقومي بشغلك ولا عليك من احد بس عليك بالصبر والدعاء

لفظ الجلالة يكتب بالهاء ( الله ) ..

الله يفرج همك ويفتح عليك

سبحان الله بعض الناس مايبغون الخير لزوجة ولدهم ،،ليش؟
يعني هم وبناتهم يحق لهم كل جديد وغالي ،، وخدم وسواويق،، وسفرات وعزايم وذهب وساعات000
بس زوجة الولد لا ماتستاهل خساره تفسفس فلوس ولدنا عالتفاهات!! ينظرون للحياة بمنطارين ويكيلون بمكيالين00!!
اعرف وحده اهل زوجها 24 ساعه في الاسواق يتقظون،،وعندهم وكل بناتهم كل وحده خادمتين وسواق!! وسفريات بالهبل،،واذا ولدو بناتهم ياخذون اكككبر سويت بالمستشفى و مخاسسسير مالها اول ولا اخر00 اخر موديلات الجوالات و الساعات00
بس زوجة ولدهم لها مكيال ثاني تحت شعار ليش الخساير عالفاضي!!!
ولو بتشتري لها بكله الكل يناقش في المصاريف اللي مالها داعي(( وكلام ينقل للزوج :لاتخليها تلعب بفلوسك و ..... على راسك!!!))
اكبر قهر00:(
بعدين يقولون وراك منتيب كشخه زينا؟؟ تفشلين:30:

الله يعينك ويصبرك يااااااااارب

اختي انصحـــــك اول شي لاتاخذين على كلام اهله وبالذات امه ولا كانك تسمعين شي عشان كذا واقفه موقف سلبي انتي ابدا لاتفكرين فيه واعتقد اغلب الحريم الكبار يتكلمون كذا وحتى امهاتنا احيان يقسون علينا بس احنا نتحمل ولا تاخذين الامر بحساسيه

والبيت بيتك تقدرين تصلحين فيه قد ماتقدري واذا ميزانيه زوجك ماتوفي مو شرط يعني غيري بالامكنه وحاولي تتسلفي من الوالده وترجعيلها الفلووس اقساط مثل مااني شايفه اختي وقدامك فرص كثيره

ومثل مانبهتك من البدايه لاتسمعين كلام الناس يمكن الام تقولها عادي لكن الناس تعظمها وعشان كذا انتي زعلانه وطافح خلقك منهم وصدقيني الادمي فالنهايه ادمي وتقدرين تسيطرين عليها بحبك وبالعكس ومين يدري يمكن لو قدرتي توصلين لام زوجك وقلبها يمكن تغيرلك ديكور بيتك مافي شي مستحيل واهم شي اتوددي لهم وحاولي تحبينهم

والله يسعدك ويصبرك عزيزتي

اختي احتسبي اي عمل خير عند الله وسف ترين الله يكون معك ولا تنسي الدعاء في السحر مفيد جدا والله مع الجميع

السلام عليكم ورحمه الله وبركاته[اختى الله يفرج كربك ويزيل عنك همك وعن جميع المسلمين
وادعو الله ان يشرح قلب زوجك واهله اجمعين الى محبتك وتقربهم اليك بما يحب الله ويرضى ويسخر لكى من هم اقوى منك وان ييسر لكى جميع امورك وان يوسع الله لكم الرزق والمسكن والحياه السعيده
واقول لك كلمه اخيره قومى فى اخر الليل وصلى لله ركعتين استغفريه وادعيه من قلبك وابكى بين يديه فهو القائل سبحانه وتعالى "امن يجيب المظطر اذا دعاه ويكشف السوء" وقال تبارك وتعالى "امن ينجيكم منها ومن كل كرب" واكثرى من قول استغفر الله ولا حول ولا قوة الا بالله العلى العظيم[/color][/color][/b]

الله يعينك مالك الا الصبر000

الغاليه منو قال البيت مو بيتج!!
البيت بيتج ما دام انتي فيه
ومن حقج تغيرين اللي تبغينه وتضيفين اللي تبغينه

اذا كنتي موظفه اشتري من راتبج وطالبي زوجج شوي شوي يعدل في البيت
والتلفزيون حطيه وين ما تبين
ولا تردين على حد
الله يسامحها ام زوجج
انتي تأكدتي انها قالت هالكلام؟؟ يمكن اللي نقلج هالكلام يبغي يفتن بينكم!!!

يابنت الناس تريدين تهدمين حياتكم الزوجيه

وأهم شي حياتكم الزوجيه اللي بينك وبين زوجك

والبيت فيه حل له ان شاء الله

بس عليك بالصبر وان شاء الله تعالى يرزقكم الله والله يوفقكم

وييسر أمركم وأمور المسلميـــن ويوظف زوجك وظيفة راتبها عالي

كان في الله في عونك ، داريها وأصبري عليها حتى تتركم ،