|
هذي مشكلتي معها..مع اني احبهاوالله
السلام عليكم ورحمة الله وبركاته اخواني واخواتي الأعضاء اطرح بين ايديكم مشكلتي مع زوجتي لعلي اجد حلاً لديكم قد تكون المشكله بسيطه ...لكن اخشى من كثر ماتتكرر ان تكبر المشكله هي بختصار انا متزوج منذ سنه و9 اشهر ولدي ابن عمره 8 شهور منذ قدوم الأبن بدأت المشاكل زوجتي اصبحت لاتتطيق المزح مني تدقق بكل كلمه اقولها وتجعل منها تفسيراتها لم تخطر ببالي ابداً تكررت المششاكل منهذي النوعيه 3 مرات اخر مشكله كانت بالأمس وهي الرابعه طلعت انا وياها بنتعشى برا وحنا في الطريق طلبت مني ان اقف عن سوق الفيصليه انا رجال بصراحه ما احب ادخل الفيصليه ولا المملكه مستعد اروح لسوق في الشرقية ولا ادخل المركزين هذي زعلت واسكتت وقفت عند محل للإلكترونيات ابي اشتري غرض مهم لأبني صار سعره غالي شوي رجعت ركبت السياره بدأت بالكلام قالت انا بصراحه ابي اقولك شي انا اعترف انك ما قصرت علي بشي الي ابيه تجيبه بس ابيك تحسب حسابك شهرياص لازم اروح للسوق واشتري ملابس لي وانا رجال علي اقساط وديون وهي تعرف بهالشي تنقشنا في هالشي واسكتت فتحت سيره ثانيه \ قالت انك ماصرت تقعد فيالبيت مثل أول انا يجماعة الخير مقسم وقتي لأربع اقسام يومين في الاسبوع نزور اهلي ويومين في الأسبوع نزور اهلها ويومين في الاسبوع اجلس في البيت ويوم اروح لأصدقائي الأسبوع الي طاف كان الجو شوي حلو فكثرت من الطلعة للبر ..فحسبتها علي انا متغير تناقشنا في هالموضوع واسكتت فتحت سيره ثالثه قالت اني شفت ورقه موجوده في درجك ومكتوب فيها قصيده وانت كنت واعدني انك ماتكتب قصايد وانك تقطع كل القصايد القديمه وكاتب فيها كلام حلو وانت ماتقولي كلام حلو ابد ياحظ الي انت تكتب فيها قصايد!!!!!! انا هنا عرفت ان الدعوه كلها تبي مشكله فاسكتت وقفلت النقاش وانا الأن في الدوام واخذت عهد اني راح اغير اسلوبي وتعاملي معها الين تعرف قيمة الأيام الي راحت هل يا اخواني ترون ان هذا الحل مناسب ولا لا.؟؟ او اعطوني حل تكفون وأسف على الإطاله |
أخي الفاضل ... أحس المشكلة بسيطة بس واضح إنكم إنتم الاثنين حساسين شوية إنت ذكرت إنها بدأت تتغير من ساعة لما ولدت ... عادة بعد الإنجاب بتكون المرأة حساسة جداً لأنها بتحس بإن الاهتمام كله منصب على الطفل و هيه فقدت الاهتمام بيها مع إنها كانت بس من كام شهر عروس و الناس كلها مهتمه فيها هيه . و أهم الأشخاص اللي بيأثروا فيها طبعاً الزوج . إذا حست إن اهتمامك في البيبي (الله يحفظه) أكتر من اهتمامك فيها أو حتى كان اهتمام عادي لكنها بتكون مححتاجه اهتمام منك زيادة أنا مش عارفه إيه سوق الفيصلية لكن أعتقد إنها كانت عاوزة تشتري شئ ليها و انت رفضت و مع ذلك وقفت علشان تشوف شئ تشتريه لإبنك ، طبعاً هيه مش حللتها زي ما إنت بتقول إنك مش بتحب السوق ده لكن رجعت تفسيرها إنك وقفت و اهتميت إنك تشتري لأبنك و هيه لأ و بالتالي كان قرارها إنها عاوزة كل شهر تشتري ملابس ليها مع عدم مراعتها لمشاكلك المادية و ده لأنك مش راعيت و اهتميت باحتياجاتها (على الأقل من وجهة نظرها) بالنسبة للقصيدة كان ممكن تحل الموضوع كله و تقولها إنك كنت كاتبها علشانها و تراضيها بكلمتين حلوين ،،، و من وجهة نظر نسائية بحتة ممكن أقولك إني لو مكانها أكيد هيكون نفسي إن زوجي يقولي إنه كاتبها علشاني حتى لو كنت منعته قبل كده من إنه يكتب قصائد أخي الكريم ... أعتقد إن مشكلة زوجتك كلها منصب في إنها محتاجه اهتمام زيادة حبتين منك ،، بدل ما تروح لأهلك يومين و لأهلها يومين روح يوم هنا و يوم هناك و خليك 3 أيام في البيت بدل يوم واحد و قولها إنه كله علشانها و إنك علشان مبسوط معاها و مشتاقلها و كلام من ده أقعد معاها و كلمها شوف هيه إيه اللي مدايقها و استوعب كل الكلام اللي هتقوله حتى لو حسيت إنه بسيط و مش مستاهل ده كله . حسسها بحبك ليها و إن حبك لإبنك نابع من حبك ليها ،، خرجها خروجه حلوة ،، هديه كانت نفسها فيها .... و إن شاء الله تلاقي النتيجة اللي نفسك فيها وربنا يبارك لكم حياتكم و يبارك لكم في إبنكم و يبعد عنكم أي شر |
الله يجزاك خير اخي المارك على ما تفعله من خير مع زوجتك
لكن أخي هذا طبع بنات آدم وأمنّا حواء أنت ما قصرت وعليك بالأسلوب الزين والحكمه الحسنه والكلمه الطيبه تصدقني راح تغلبها بهذه الثلاث وكل ماطلبت منك شيء نفذه حسب المصلحه والقدره التي تراها ولازم توضح لها ( انها شريكتك في كل شيء ) يعني في الحلوه والمره ملاحظه / وظف حل مشكلتك في جو هادي وشايف نفسك وأياها مبسوطين وياليت في شاليه خاص .. لأن فيه تتغير النفوس شوي . ومهما كان هذه حبيبتي لكن لا يغلبك حباها بضياع مستقبل وتراكم المشاكل عليك كل شيء وله حد لكن بأسلوب وانت وطريقتك معها ... تقدر مثلاً إذا تعسرت الحاله انك تخفف من طلعاتها أو اشياء هي تحبها وبدون جرح مشاعر صدقني راح تجيك تقول وش فيك يا بو فلااااااااااان صحيح وهذي مجربه .. مثلاً / هجرها في الفراش ( افهمها ) ينعي تنام معها وبدون ...!! وخلي كل شي على ما هو قبل راح رد للبيت سلم إذا دخلت لعب الطفل لكن خلك رسمي معها اشوي في امور وامور لا جاريها من الأمور الرسميه مثلا اجيب لك غدا قل جيب يا ام فلان ومن الأسله المعتاده غير أنك لا ...... في الفراش وتصدني راح تجيب تقول وش فيك يابو فلان بعدها انت تأخذ موقفك وتوضح لها اللي تبي وبعدها ليله هنيئه ..! |
وبعدين حبيب إذا انت شاعر ليه ما يكون لزوجته نصيب منه
والله التعزل في الزوجه والكلام الحلو يجيب نتيجه صدقني قول أحبك أموت فيك واظهر مشاعرك تجاهها صدقني راح تجد لك باب تدخل معه وتفهمها لكن بعد اغراقها بالكلام الحلو.. الطريقه / وما فيه عيب ونعم سوها ورتب لها واجتمع انت واياه كنكم مجتمعين على تلفاز او عشاء .. يعني قول يأم فلان تعالى معي للغرفة الجلوس واجلس وقل تعالى بجنبي وأنــهال عليها بالضرب و يـــــــــن امزح هههههههههه ( قصدي بالكلام المعسول ) يعني جلسه خاص لكذا وأبداء داعب خصلات شعرها ومع تحسس يديها ووجهها وبعد ما تطول في الشغله خذ فاصل مثلن جيب ماء او اي شيء وطبعاً راح تجلس .. خفف الحمله اشوي اشو ي عفوا يعني تخارج من شغلتكم اللي انت فيها وادخل في قضيتك بدون ما تحس وصدقني راح تتجاوب اتمنى اني اصبت واسال الله ذلك تحياتي |
اقتباس:
هي تريدك ان تقول لها مثل هذا الكلام لتشعر انك تحبها 00 \\ اخي يعبر الرجال عن حبهم بالافعال 00 بينما النساء تريد الاقوال 00 لا تشعر المرأة ان الرجل يحبها الا اذا قال لها هذا 00 فالمرأة مخلوق سماعي 00 الامر بسيط اخي الكريم 00 مجرد كلمات حلوة 00فلا تعكر حياتك بسببه وتغير معاملتك للاسوأ 00 فما هكذا تورد الابل 00 ولا تنسى ان الرفق مادخل في شيء الا زانه وما نزع من شيء الا شانه 00 وان الله يعطي بالرفق ما لا يعطي بغيره 00 تحياتي لك اخي الكريم 00 \\ وفقك الله ورزقك سعادة الدارين |
اتقو الله في حريمكم عشانها تطلب منك اشياء بسيطه .. خلاص تبغى تغير اسلوبك معها عشان تربيها
الحياة تنازل .. ياخي تنازل ونفذ لها طلب من طلباتها ... مو خساره فيها صدقني .. تراها زوجتك وام عيالك :( |
مع اختي سن 100%
|
المرأة عزامة ندامة
المرأة تريد فقط الكلام والغزل المرأة تزيد حساسيتها أثناء الدورة الحمل بعد الولادة |
انا من رأي أختي sun_of_me
هي فعلا مفتقدة الاهتمام في هذه الفترة ومحتاجة شوية اهتمام عموما ربنا يصلح الاحوال |
الله يحفظك أخي واصل هذه التعامل الطيب مع زوجتك
والله لايضيع أجر من أحسن عملا ياعزيزي والله إنك على خير طالما أنك تراعي الله فيها يحتاج منك الصبر عليها ومداراتها وتكون بارد شوي ابتعد عن العصبية صدقيني مو خساره فيها لو تدفع مالك كله هذه زوجتك وشريكة حياتك وأم لأولادك ولاتنس حديث الرسول صلى الله عليه وسلم والذي مضمونه ( أنك تؤجر على كل ماتنفقه عليها قليلا أو كثيرا حتى اللقمه ترفعها إلى فمها تكون لك بها صدقة ) والله جل وعلا يقول ( الرجال قوامون على النساء بما فضل الله بعضهم على بعض وبما أنفقوا من أموالهم ) من حقك أنها تراعيك وتتفهم وضعك ولاتثقل عليك بالطلبات لكن فهمها الكلام هذا بهدوء وحب واحتضنها دوما وكن أقرب الناس لها وإن أصرت على شراء شيء أعجبها فاشتره لها وبصدر رحب وطيبة نفس صدقني سترى الخير في حياتك طالما أنك تنوي إسعادها ويعوضك الله إعطها جل وقتك الرومانسي الشاعري لاتبخل عليها بما حباك الله من معسول القول ولحن الكلام كن لها الأخ والزوج والصديق وتذكر دوما أنها شريكة حياتك ونصفك الثاني هي تريدك أن تنسى التفكير في المستقبل ولاتكثر عليها بهمومك مع الأقساط والديون كن مع الله ولاتبالي ولاتكثر التشكي حفظك الله باختصار شديد لاتعزف على الوتر الحساس حتى لاتثيرها وكن مرحا رقيقا معها قدر استطاعتك ورسميا في نفس الوقت واختر الأوقات المناسبة للمزاح وفقك الله |
هذا الامر طبيعي عند بعض النساء بعد النفاس وبذات اذا كانت تاكل مانع .........
وانت فاهم قصدي بس عادي تحملها لمدة سنه من بعدالنفاس لما تتاقلم انها ام وزوجه و((ربة منزل)) |
المرأة تبي كلام حلو واهتمام وانته تعاندها على أشياء بسيطة ؟؟ الحل مالك راح يزيد المشكله ما يبسطها , كلمها بسلوب هادىء في مطعم او عالبحر , وصدق راح تلين وتهدأ وانتا ترتاح , والمرأة بعد الولاده تبي تحس بهتمام زوجها أكثر لان زادت مسؤولياتها وما تبي تحس انها وحيده.
|
السيف المسلول ماقصر ولاتخلي الشيطان يدخل بينكم
حافظ على مملكتك وتناقش معها بهدوء وحب ورمانسيه وشوف النتيجه |
ما في أحد بيفهم للنسوان الا النسوان يعني خذ الكلام من النسوان
زوجتك قبل ما تسوي مشكلة الفيصلية ومشكلة الطلعة مع ربعك كانت متطلعة على القصيدة وعلى هالأساس افتعلت المشاكل لأنها ما هي حاسه بالأمان .........لأنها ما أتوقع ترفظ تكتب قصايد الا إذا كانت حاسة أن الملهمة هي (وحدة ثانية) ....... يعني كل اللي عليك أنك تثبت لها أنك لها لوحدها يعني (كثر كلام)وإذا انت صادق أحلف على القرآن أحسه بيبرد قلبها أكثر وتصد عن الموضوع وتستقر نفسيتها |
لا اخي الكريم هي لا تريد مشكلة 00 بل تريد غزلاً 00
هي تريدك ان تقول لها مثل هذا الكلام لتشعر انك تحبها 00 \\ اخي يعبر الرجال عن حبهم بالافعال 00 بينما النساء تريد الاقوال 00 لا تشعر المرأة ان الرجل يحبها الا اذا قال لها هذا 00 فالمرأة مخلوق سماعي 00 الامر بسيط اخي الكريم 00 مجرد كلمات حلوة 00فلا تعكر حياتك بسببه وتغير معاملتك للاسوأ 00 فما هكذا تورد الابل 00 ولا تنسى ان الرفق مادخل في شيء الا زانه وما نزع من شيء الا شانه 00 وان الله يعطي بالرفق ما لا يعطي بغيره 00 تحياتي لك اخي الكريم 00 |
والله كلام كاره الرياضيات وباميلا لامس اساس المشكله
الحرمه صدقني ماتبغى تسوي مشاكل لكن فيه اشياء متغيره فيك حست فيها هي.. غرقها بحبك وانت تشوف اللي يعجبك والله لايحرمكم من بعض |
عزيزي اي بني
استخدم معها الصراحة بانك توضح لها الامور التي تتضايق انت منها ، وصراحة جدولك الاسبوعي ممتاز جدا لكن هل قسمت الجدول هذا بمفردك ام معها ، اذا كان بمفردك حاول انك توضحه لها بالنسبة للاسواق هذي كلنا نعاني منها لكن حاول انك تخصص لها مبلغ معين شهريا بحيث انك ترى كم كنت تصرف في شراء ملابس لها في السنة وتقسم المبلغ شهريا حتى لو تعطيها المبلغ عندها كل شهر. واذا مانفع اسلوب الصراحة استخدم اسلوب الهجر بانك تهجرها اسبوع . او حاول تكلم امها اذا ان امها بنت حلال وما تحب الصرفية الزائدة والله يوفقكم إن شاء الله لعلمك ترى المراءة ما تحب تشوف زوجها ضعيف الشخصية ..... |
اخي مبين ان زوجتك تغار وخايفة عليك
ربما هي معتقدة انك تفكر في غيرها ........... علشان كذا ما تبيك تطلع وتزعل من كثر طلعاتك ومن قصايدك اللي تكتبها طمنها اخوي وبين لها انها أغلا انسانة عندك ولايمكن تفكر بغيرها واثني على كل شيء فيها وكرر على مسامعها كلمة أحبك حبيبتي ..........عمري .........ومن هالكلام وبعدها اشرح لها ظروفك وقول لها لو ما عليك ديون وما وراكم التزامات كان جبت لها لبن العصفور ان طلبته اخوي الحياة الزوجية يبي لها مسايسة .........انت وزوجتك مثل الراكبين في سفينة في عرض البحر وانت القبطان والقبطان من أهم صفانه ان يكون حكيما فاهما ما يدور حوله من احوال ..........ويتخذ القرارات الصائبة التي في مصلحة الجميع ويراعي كل من في السفينة ليتعاونوا على السير بها في امن واستقرار أما العناد اخوي والأختلاف يزيد المشاكل والشقاق بين الزوجين ولا أحد فيهم يرتاح موفق ان شاء الله . |
الحياه الروتينيه ممله بدون زعل
لابد من تغير نمط حياتك بعدين يومين في الاسبوع زياره لاهلها احس انها كثير يوم يكفي بكل امانه خل الحياه تمشي معك تلقائي والاهم من هذا كله لابد من مصارحة الزوجه ومناقشه اسباب تغيرها المفاجئ |
سبحااااااان الله ........المره ببساطه شديده مفتقده منك جانب عاطفي وانت شكلك قصرت عليها
يااخي الانثى الحساسه والرقيقه مستعده تتحمل الزلط مع حبيبها اذا اشبعها وارضى غرور الانثى فيها غازلها امدحها لو مجامله لو طلبت منك ومزنوق ماديا قوللها من عيوني بس استني لاخر الشهر ومالك الا طيب الخاطر وووووووووووووو والمشكله انك شاعر !!!!!!!!!!!!! ياخي خذ لك بيت شعر لو منقول وقولها الفته عشان عيونك .......................... شاعر يااخي شاعر ؟؟ بعدين لاتنسى ان بعد الولاده نادرا ماتجد امراه مايحصل معاها اكتئاب مابعد الولاده وهو حاله نفسيه مؤقتهاذا لم تساهم في مساعدتها للتخلص منه تتفاقم المساله لما و اسوا فلا تستهين بالتفاصيل الدقيقه التي يعتبرها تغلب الرجال دلع وكلام فاضي واختلاق مشاكل ................ |
أخي الفاضل :-
1_ المرأة في فترة الحمل (( هذا إكتشاف طبي )) يتقلص حجم المخ عندها ويذهب ربعه وهذه حكمة الله لتتحمل آلام الحمل والولادة وتتحمل الرضيع ؛؛؛؛؛ ويرجع يكتمل بعد 4 أو 6 شهور من بعد الولادة . 2 - زوجتك لها ثماني شهور من ولدت فقط يعني الآن تريد أن ترجع حياتها السابقة معاك قبل الحمل . 3 - وهناك هرمونات تأثر على علاقتها معاك وهي هرمونات الرضاعة تحس إنك بعيد لأن الطفل في حضنها وكنت أول أنت ماأحد غيرك في الحضن ولذلك تلف نظرك أنك بعيد عنها وأنت قريب يمكن بالجسم لكن هي أنشغلت بالطفل وأنت أنشغلت عنها بالطلعات . 4 - تحاور معها وأتفق أن تكون ليلة خاصة للكلام الحلو حتي لوماكان في إتصال من نوع آخر . 5 - أما بالنسبة للسوق ياأخي في الله أعطيها مصروف شهري على حسب مقدورك طبعا مثلا (500) ريال خاص بها وحرة التصرف فيه طبعا إذا ماكانت تشتغل . 6 - تحاور معها إنك ما تحب نزول السوق لما له من آثام وعدم رغبتك الشخصية في الأسواق ؛ خلي أبنك معاك ؛؛ وهي تنزل براحتها وتشتري ماتحتاج والطفل يكون عندك مرة في الشهر . 7 - هي ستشعر مقدارمحبتك لها ومعاونتها وتضحيتك لها لكي تشعر بالسعادة والإرتياح ؛؛؛ ومن ثم بتقولك لأ لأ ...لا أريد أن أذهب علشان مايتعذب الطفل ؛؛ لأن الطفل يرضع من أمه ولايصلح أن يكون بعيدا عنها أبدا؛؛؛ وأنت ترتاح من التجول في الأسوق . 8 - تحارو مها بهدوء ؛؛؛ قل كل مافي نفسك عنها بصراحة حتى لوكان نقد هادف ؛؛ وهي تقول مافي نفسها بصراحة ؛؛ لأن المسألة ليست يوم أو يومين بل عمر وجعله الله مديدا بإذن الله. 9 - إشرح لها ظروفك المادية حتى لا ترهقك ..وأجلب لها هدية ..حتى لوكانت بسيطة ..وأعتدر لمقدار بساطتها !! وقل لها أبشري ماعندي أغلى منك منك بس ظروفي تتحسن ؛؛ وبعد ذلك ستساعدك على تسديد ديونك بتوفيرها . هذا رأي في مشكلتك والله أعلم والسلام عليكم ورحمة الله وبركاته . |
ماادري صراحه ..لكن المراه تحتاج لمن يدللها ..ويلبي طلباتها
وانت يا اخوي تنازل قليلا ليسود الحب والموده بينكما والرجل صبور عكس المراه |
بسم الله الرحمن الرحيم
بصراحة وبكل أمانة ......... ردود الاخوان والاخوات اكثر من رائع........... واعطوك الحل.......... داعب احساس المرأة ........ عزز شعور الانثى فيها بالكلمات وبالغلا.......... والله يديم عليكم السعادة ويبعد عن المشاكل...... |
هل تعلم ياخي ان المراه تكره الحمل احيانا خوفا مما بعده ..
ومالذي بعده ؟؟ مسؤؤليه طفل جديد زوج قليل الاهتمام !! والادهى والامر فقدانها الثقه بنفسها وجمالها .. لقد جلبت لك طفل يحمل اسمك فهل كافأتها .؟؟ هيا الان لا تريد سوى ان تعزز ثقتها بنفسهاا بالاهتمام بها ومراعاتها .. فهل ستكون بخيل عليها بعد كرمها هذا ؟؟ اكتب قصيده بها واهديها لها .. تحياتي ودعواتي |
| الساعة الآن 08:50 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©