|
اقتباس:
لكن محيرني ومخليني ما أقدر أكون رأي سليم موضوعين ... موضوع انه أموركم سبق ووصلت للطلاق وهذا مخليني أظن بأنه مشاكلكم والمشادات بينكم أكبر ... أو أكثر عددا .. يعني مشاكل صغيرة لكن تتكرر كل يوم عدة مرات وموضوع استشارتك لاختصاصيين كبار ومع ذلك ما وصلتي لحل ... معقول يكونوا كلهم غلط ؟؟؟ وين العقدة ؟؟ احترت .. بجد احترت بمشكلتك .. أحس في حلقة ناقصة برأيي تقعدي مع زوجك وتفهمي منه ... كوني هادية حتى يقول اللي عنده ... عندي شعور قوي انه يتجنب النقاش معك بسبب طريقتك بالحوار ويلجأ للتجاهل والتجنب بدل أن يحاورك فغيري طريقتك ... أحيانا الواحد يظن بأنه هادي ورايق لكن انفعالاته الداخلية تطلع على وجهه .. في ناس ينكتب على وجهم كل اللي بداخلهم مهما حاولوا وما ينفع إلا ان تكوني فعلا باردة داخليا . إقرئي الكرسي والمعوذات بحيث تسمعي نفسك وروحي عنده اطلبي منه يسمع منك للاخر ومن بعدها يرد قولي له بأنه قوتك اللي كان يشوفها عندك انتهت وانك ما عدت قادرة على احتمال دور مدبرة المنزل .. وممكن يمرض أي طرف من الزوجين ويتعايشوا مع المرض ويظلوا يحبوا بعض مهما كان نوع المرض لأنه المرض أمر خارج ارادة البشر لكن يقطع أحدهم رابط الزوجية ويتعامل مع الثاني بطريقة رسمية فهذا قرار بشري وما يجوز يكون من جانب واحد . ومن حقي أعرف سبب طريقتك الجديدة بالتعامل معي والبرود . ومن حقي أحاول أعالج السبب . والخلافات اليومية من نسيت أسقي الحديقة أو مسح الغبرة أو نزل الولد علامتين بالمدرسة مو سبب منطقي لانهاء علاقة زوجية . وانتهبي .. انتهبي يستفزك ... تذكري انه يستفزك بالكلام حتى تثوري ويهرب هو من متابعة الكلام .. لاحظي انه يبتدي يستفز لما ينحشر بزاوية فإذا استفزك بكلمة تذكري انه ناوي الهرب فتابعي النقاش بهدوء واطلبي منه ما يطلع عن الموضوع . اسمعي اللي يقول مثل ما سمعك ... اسمعيه الى أن ينتهي من كلامه ,, اسمعي بقلب وعقل وتدبر مو بس تنتظري يخلص حتى تردي .. لأ .. حاولي تكوني منطقية وعادلة وتقدري شكوته . ما نبغى نثبت مواقف وأننا ما غلطنا . لأ ... نبغى نوصل لنتيجة ولحل . أنتظرك ترجعي لنا بنتيجة الحوار حتى لو كانت سلبية .. يمكن وقتها نقدر نفهم العلة وين ربي ييسر أمرك ويجمع ما بينكم بالخير |
اقتباس:
كريم معي بس هذا الشي اللي مصبرني صح أوقات يدقق على الصرف بحكم طبيعته لأنه يحسب حساب لكل شي مو يأخذ الأمور عبث يعني عنده أولويات وخطوات يمشي عليها مو من النوع اللي يعيش ليومه وبس! مسألة زواجه صدقيني أشك كثير عشان أسلوبه عشان بعده الروحي وعدم رغبته الجنسية معي أمور تشككني مثل نومه برآ يمكن هو ذكي ما يحسسني بالشي هذا بس أفكر لو متزوج يكون حريص إنه يروح بإستمرار ماينقطع لكن هو أوقات مايروح ويقعد بالبيت أو يروح خميس بس والإربعاء يجلس يعني لو متزوج بيكون حريص مايفوت الويك آند بعدين زي ماقلت كل يوم يطلع الإستراحة وإذا كلمني عنده أصوات شباب يعني ليش مايطلع لها ؟؟ رمضان لو متزوج ليش مايفطر عندها؟؟ ولا يتسحر معاها؟؟؟ سفرياته مو كثيرة هو سافر بس هالفترة لإنتقاله لعمل جديد وسفرياته مو طويلة كلها يومين 3 لو متزوج أستغلها وغاب مالايقل عن أسبوع تعويض لها عن غيابه صدقيني اللي يتزوج بالسر جنسي درجة أولى يبي يفرغ شهوته وبس مو مهم متى يشوفها يكفيه لو ساعة بس زوجي أعرفه صح عنده غريزة زي أي رجل لكن ماراح يكون هدفه من الزواج جنس وبس أعرفه يبي وحده يكون أكثر تفاهم معها وإنسجام وراحة نفسية يبي مكان يستقرنفسياً فيه هالمكان ماراح يحس فيه بالشي هذا وهو مايجيه بإستمرار! وعلاقتنا حيل خربانة لو هالشي موجود كان فرصته يحكي اللي بخاطره فرصته يكشف هالشي ويعيش حياته الثانية بكيفه بلا قيود! ولو فرضنا رغم كل هذا إنه متزوج المفروض يستقر نفسياً ويفكني حنته وزعله كان يستقر نفسياً ومايهمه وضعه معي وتخف حدته يعني أكون كأني مو موجودة حتى النقد يخف كان يحس بالشفقة علي إنه متزوج ويخف ويرحمني في تعامله كان يحاول يعطيني حقي الشرعي لو بالشهر مره لأنه رجل فيه خوف من الله ولو إنه للدرجة هذي منصرف بسببها معناتها يحبها ومرتاح وهو رجال يعطيني الأمور بوجهي كاش يقدر يسويها هالفترة هذي فرصته! جته فرص كثير أشكك بزواجه وردة فعله الإنكار وإن الحريم مثل بعض مدري أنا محتارة والوضع مشكك وفيه أمور تخليني ما أصدق أو ماأشوف في بعض التصرفات منطقية.. ياليت أحد من الرجال يفيدنا في هالنقطة! |
اقتباس:
بس كمان تعرفي الإستشاريين مايعلمون اللي تخفي الصدور فما يعرفوا أسباب سلوك زوجي وكل توقعاتهم ظنون وهم ماتعاملوا مع الطرفين حتى يفهموا وجهات النظر ومفهوم كل واحد فينا هم تعاملوا مع طرف واحد اللي هو أنا وكلنا نجهل وش برأس زوجي! يمكن أسلوبي في الحوار غلط بس أنا أساساً خاصة الفترة الأخيرة أتوتر من النقاش معه مايعطيني فرصة للحوار ولو تكلم ماسكت ولا يعطيني فرصة أحكي وهو يتكلم وأنا ساكتة يتفاعل مع نفسه ويثور ولغة الحوار تكون سيئة لي فوق السنتين ماقدرت أناقشه أخاف منه ومن لسانه أتجنب الحوار وأمشيها أو يكفيني في لحظة غضب أعبر بكم كلمة وخلاص هو لو يسمعني ويتفهم لكلامي وربي تنحل مشكلتي يعني تخيلي من رجعني على ذمته يمكن مالا يقل عن 4-5 شهور أبي أناقشه بهدوء عن تغيرات حياتنا..خفت..ماقدرت ماأبي تنخلق مشاكل من نقاشنا ما أبي يتنرفز ويبعد أكثر.. هو أصلاً صاير ملسون ومعروف حتى عند أخوانه عصبي هذا حسب تعليق واحد من عيالي لمن يجتمعون مع عمانهم في عمله حزازيات وعنصرية ويفكر يتقاعد يقول بس أخلص فرش البيت -لأننا ساكنين جديد- وأوفر مبلغ اشتري سيارة بتقاعد كرهت عملي وضغوطه عشان كذا أبتعد عن النقاش لأني أخاف يفجر طاقة غضبه فيني أحس مافيه يستوعب الوضع والا اللي قاعد يصير لان ذهنه مشتت مع العمل أو إنه حسسني بالشي هذا خاصة الفترة الأخيرة بعد الطلاق صار معه ضغط واكزيما عصبية وبداية سكر صار حيل يتنرفز وأنا أسلوبي وكلامي حسب اللي حواليني اسلوب حكيم وكلامي وقعه قوي يعني حواري يكون منطقي ومقبول بس زوجي دايم يشوفه فلسفة ومايمنع أنو ممكن فيه أسلوب في نقاشي ينفزه كل شي جايز صدقيني أنا محتارة في التعامل وعلى يدك مستعدة أتصرف أي شي في سبيل أرجعه لي حسب وضعه النفسي لمن يرجع بحاول أفتح حوار.. طبعاً هو بيسافر كمان الأسبوع الجاي يومين 3 لكن بحاول أبحث عن فرصة مناسبة على فكرة اللي تشكك بسفره...سفرته الأخيرة قبل أسبوع أو أكثر جاي ومعه البوم الصور وتقرير يعني مافيه شي يثبت روحته للإستجمام مع اللي ماتتسماش...:( |
الاستشاريين عادة يميلوا لراوي المشكله لأنه يرويها من وجهة نظره للموضوع والفروض يتعاطفوا معك
اللي أفهمه من كلامك أنكم تطلقتوا من مدة قريبة ورجعتوا لبعض من مدة 4 او 5 شهور وبما انه الهجر من 6 شهور يعني هاجرك من وقت رجعتكم ... صح ؟؟؟؟ تفدري تقولي لنا عن ظروف طلاقكم ... اتوقع بأنه لا زال ما تجاوز الموضوع .. ومتاعبه بشغله ما تساعد بالعكس بتخليه ما يقدر يسامح لانه متضايق ومضغوط ... انسان تعبان نفسيا بالعمل وبالبيت كيف ممكن يحل مشاكله بهدوء ؟؟ من كلامك أفهم نقطة ثانية ... هو تغير بمعاملته معك من بعد رجعتكم .. يعني تغير معاك بعد رجوعكم عن قبل الطلاق وهذا تصرف منطقي وما يحتاج حيرة وبحث .. حاولي تحتويه وتساعديه على تجاوز أزمته بصبرك على الوضع .. يحتاج يشوف معاه زوجته الناضجة بنت الثلاثينات اللي انتهت من سنين المراهقة والبحث عن الحضن الدافي .. اللي تشاركه الهم وتجاوز الأزمات وتتحمل عصبيته وتقول له ما عليه حبي طلع كل اللي عندك من ضغط نفسي .. صحتك أهم عندي من نفسي ... مو تدقق بكل تصرف ومعناه .. وشوفي وقتها تقديره لك ... ممكن يرفض كلامك لكن بداخله راح يفهم انك عارفة السبب الحقيقي لنقاشه وساكته احترام له مو عن ضعف . يحتاج أم مشغولة بأولادها .. زوجة مشغولة ببيتها وبهموم زوجها ... على الأقل حتى تحافظي على صحته اللي تقولي انها قاعدة تتدهور من كثرة الضغط النفسي .وبعد ما تنفرج الازمة تجلسي معاه وهو رايق ويقدر يسمع منك |
قبل أقرأ حتى باقي ردك يالغلا
في قلبي كلام محروق قلبي قسم بالله اليوم......العصر...تفاجأت بصوت زوجي ينادي الأولاد! طارت عيوني كيف حتى مايدق ع الثابت يبلغ بوصوله من باب الذوق يعني حتى الرسول فيه حديث انو الواحد مايدخل على بيته من سفر بدون علمهم نزلت صاروخ ودي وربي أذبحه على تصرفه قلت وش هالمفاجأة كيف ماتبلغ ولا تحط خبر! قال لاتسألون عني ولا تكلموني قلت مو آخر مره قبل أسبوع لمن جيت من سفرك قبل تسلم علي تقول إنك معك ناس وماتقدر تكلم وافهمي لما أتكلم رموز معناها عندي ناس وأنا مشغول وعمل أنا مابغيت أشغلك يعني لاكذا عاجب ولا كذا عاجب لو أي أحد يقول رجع من سفر ماعلم عياله بتنتقده قال معلمك بجي الخميس قلت من متى أنت تجي ماتحط خبر أنت العاقل الحكيم يصدر منك هالتصرف حتى مديت يدي بس سلام ماقربت منه اسلوبه جديد وغريب لاتقولون دلوعه هو العرف والأدب يقول الرجال يعلمهم مو يدخل كذا فجأة ولو كنت مزيته شعري والا نافشة شوشتي والا حاطه الوان بخشتي مو حلووووووووووة منه أبد صديت عنه وقمت أتجهز كنت بروح لأختي ومترددة ومن شفت أسلوبه حسيت أبي أطلع من البيت ماأبي أشوفه طلعت وأنا أحس بشي كاتم نفسي مو قادرة أخذ نفس والكل لاحظني بس كاتمة بقلبي ماقلت شي ورجعت والبرود يلف علاقتنا شاريه مفرش جديد وكوب خاص له رحت لإيكيا خصيصا عشان أشتري هالكوب وكان يدور علبة يحط غرض له فيها شاريتها له من هناك كنت أفكر بأدق التفاصيل عشان أسعده وفاجأني بالأسلوب الجديد هو حتى لمن راح مابلغني يعني هو من أصله ناوي يبعد ويستفزني مو عشاني ماكلمت ولا سألت أحس وده يزعلني ويطلعني من طوري أكتب وهو عندي مدري شلون كتبت بس حسيت بنفجر ولازم أطلع اللي بصدري لاتقولون السالفة تافهه هي تجمعت علي من كل صوب....................... |
اقتباس:
لكنك مقهورة وتأثرتي بشدة لسبب ما .. مو معقول للسبب اللي ذكرتيه ... يمكن تحسستي من حركته لأنك محرومة جسديا وتحاولي تعوضي حرمانك بالرومانسيات ... أكيد في سبب لتأثرك القوي لمثل هالسبب البسيط |
شوفي اذا ما برد ولو انك مش مهتمه بردودي ولكن للامانه واذا ما برد خصوصا هنااااااااااااا اموت وافقع وادخل جهنم ورح يكون ردي بالاحمر
اقتباس:
هي النقطه اللي قضمت الظهر حبيبتي يجعلها آخر الاحزان فكري انو الحمد لله بخير ويعمل ويضحي باعصابو لاجلكم ادخللي قسم المتزوجين وشوفي اللي زوجها ياخذ كل مالها وهي تعمل واللي متوفي زوجها واللي مطلقه وتركض بعيالها افرحي انو فوق راس اولادكم تاج راسكم قومي يا ماما ادلعي عليه شويه وما تعاتبيه ولو لاعبك بالكلام وراح شمال الحقيه للشمال وان تركك وراح يمين روحي يمين وراااااااااااه ترا يحبو يلاعبونا ويلعبو باعصابنا الحمد لله اولادك بخير وانتي بخير وقومي انكشي شعرك وحطي زيت وروحي له ومن ثم حثي اولادك على الاتصال بوالدهم وقت يكون مسافر ولو اغلق السماعه او ما رح رح يحس انو تعبو ما عم يروح هدر والاولاد تقدر كل ما يفعله لاجلهم فهو لكم وانتم له |
عزيزتي فرج الله همك قرات الموضوعين
لو وحدة غيرك من زمان اما طلبت منه يتعالج من الضعف او طلبت الطلاق لانك انسانة وعندك رغبة وميول وعاطفة واللي جالس يصير لك هذا حرام لازم يعطيكي حقك الشرعي ولو رحتي سالتي شيخ كان قالك استخيري الله واذا ارتحتي اطلبي الطلاق او اطلبي منه يتعالج اسمحي لي انت انسانة عظيمة وجبارة ولو وحدة غيرك ما صبرت 7 سنوات على هذا الهجر والهجر عند الشيوخ 4 شهور وبعدها تتصرفي اما تطلبي الخلع او الطلاق ولكن احسبك والله حسيبك انك من الصابرات اهنيئك على هذي الحكمة والصبر وعلى فكرة زوجك عنيد ومكابر وهذي صفة الشمالييين عزيزتي على حسب معرفتي بالانماط فزوجك والله اعلم شمالي شرقي او شرقي جنوبي على الاكيد |
اقتباس:
صح كان فيه مشاكل بس كنا قريبين من بعض كنت أحس إننا زوجين ولو إنه زواج مشي حالك بس الآن تخيلي وضعي بس.. ماعاد أطلع وياه زي قبل بالعكس لي أشهر ماركبت معه السيارة بإختياري وإختياره يعني أناأستغنيت بالسواق لأني اذوق الضيم معه مانطلع عشان ننبسط نطلع عشان يوجهني لاترفعي يدك عدلي عبايتك جزمتك غيريها أمشي كذا اووص وطي صوتك يعني مايسولف الا قليل وعينه على تصرفاتي مع إني محترمة بلبسي وبحركاتي بس هو يبالغ حتى بنتي آخر مرة رحنا قبل كم شهر طفشت ولمن قام من عندنا قالت اووووووف وش خلاني أطلع معكم! حتى سالفة طلاقي للسبب هذا وبعدين بحكي اللي صار ( وضحت هالنقطة حتى تفهموا الوضع) لمن يجلس معنا متجهم عبوس مايضحك مايسولف وينتقد ضحكنا ويسكتنا وأوقات يهزء الاولاد! ولمن يدق جواله هات ياضحك وتعليق ومزح والسنون تطلع مترين! مالمس يدي له كم شهر ماسمعت منه عبارات حلوة من كم شهر يطلع ويسهر بالساعات وعايش حياته طول عرض الله يهنيه عطيته كل شي اتوقع يريحه ومع ذلك يبعد يبعد يبعد يبعد إلى متى طيب! أنا أبحث عن أي شي ممكن يقربه مني وهو يستغل الفرص يبعد ماعودني يرجع بدون إتصال مو عشان شي بس حتى أستقبله مهما كان عندي خصوصية ما أبي يشوفني بأي سلوك مو حابته يشوفني فيه غير كذا إتصاله من باب إحترام علاقتنا لمن تصرف هالتصرف معناتها مو هامتني! معناتها عايش الأخ عزابي ماعنده انثى يفكر فيها ويهتم فيها تناقض عجيب يطوف عني ومايعرف يحترمني عن جد السالفة هذي مو شي عادي بالنسبة لي معناتها إن علاقتنا في تدهور مستمر هالشي يقلقني... الحياة الزوجية مودة ورحمة مو طرفين مايحطون أي إعتبار لبعض! وش اللي يربطنا إذا بدأ يتصرف حسب هواه وكانه عايش بروحه! اتمنى فهمتوا علي. |
GREEN222
لا ياقلبي مو معناتها مو هامتني ردودك كل من رد قدره على رأسي من فوق كثر خيركم اللي عطيتوني من وقتكم واجتهدتوا بالرد يالغلا الرجال وفر كل شي ماقلت في الرجال قصور ماذميت فيه غير سلوكه السيئ اللي في إزدياد طاف عني مشكور وأنا من النوع اللي أثمن لكن ابي أفعال ماأقول أبي رومانسية أبي بس رجال يحسسني إنه يحترمني ويحترم علاقتنا وعشرتنا يحترم العلاقة الزوجية ويعطيها حقها بكذا يكون مشكور! هو متعود مني لمن يرجع يلقى إستقبال يشرح الصدر الحمدلله ماعمري قصرت معه في هالنقطة لكن يجي فجأة بدون مايرفع السماعة علي هالشي مايرضيني مو معناتها ضيف معناتها إحترااااااااااااااااام لي ماقدرت أكتم شعوري وكلامي هذا مستحيل يسمعه لو علاقتنا أقل شي كويسة لكن رجال حاطني تحت المجهر ويمشي بالبيت يراقب وينتقدني على كل شي ومحملني مسؤولية كل شي ويكتب التاريخ ع الغبار عشان يعرف متى أمسحه لا والله ما أرضى منه هالتصرف مثل مايطالبني أكون غير البشر أبيه أقل شي يكون مثل البشر! |
| الساعة الآن 05:00 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©