.........

........

أقول لكل من شارك في مشكلتي بيض الله وجيهكم كل واحد باسمه وأخص بالذكر القائد المغوار
أبو فيصل جزاه الله عنا كل خير واسأل الله أن يجزيكم الفردوس الأعلى من الجنة وأن يحقق لكم ما
تتمنون في الدنيا والآخرة وجميع المسلمين
ولا تبخلون علينا بالمزيد من النصائح في كيفية تهدئة الوالدة والرأي العام عند الأهل والأقارب لأن هذا بيكون أول زواج لي
والإخوة الأخوات المعارضين للزواج من المطلقة ياليت يعطوني خبراتهم وتجاربهم لأني ما أستغني
عنها جزاهم الله كل خير

والله ياخوي أنا ما أشوف لك حل إلا إنك تتقرب من الوالدة بالكلمات الطيبة والأعمال الخيرة والإحسان لها بالهدايا والعطايا وتكثر بوسات الراس واليدين وإن أمكن قبل القدمين أيضا و حاول إنك تبدع في الجمل والعبارات اللطيفة والجميلة إللي تحنن قلب الوالدة وتحسسها بما في نفسك وبرغبتك في الإرتباط بهاذي المرأة
وإن شاء الله إن قلبها يلين عليك وتوافق بإذن الله
وإذا مانفع أنا عندي حل ناجح بإذن الله تعالى ونتايجه مضمونه بس فيه شئ من الكذب على الوالدة والحل ياطويل العمر إنك ترو ح للوالدة وتقول لها أنا سويت تحاليل وطلعت عندي مشاكل في الإنجاب وفي تحاليل الزواج تطلع مثل ها التحاليل وأخاف إذا تزوجت بنت بكر ترفض الإرتباط فيه لما تشوف تحاليلي لاكن المرأة المطلقة راح تصبر عليه وراح توقف معاي في مثل حالتي لأنها تبغى الزو ج إللي يسترها ويعيشها عيشة كريمة
وأنا بجرب حضي مع هالحرمة إن الله رزقني منها بعيال فالحمدالله والشكر وإن الله ماكتب فأنا ما أبغى أظلم بنات الناس معاي وحاول إنك تقول لها الكلام بشكل مؤثر وحزين
وقول لها أنتي يايمه ماودك تشوفي عيالي قدامك يلعبون ماتبغي تشوفي خلفتي أنا ما طلبت الزواج من مطلقة إلا أنا عارف ظروفي وحالتي فأرجوك ياأمي لاتوقفي في طريقي خليني أتزو ج هالبنت وبتعالج للمشاكل إللي عندي وأبغى دعواتك لي يا أغلى الناس بالتوفيق والذرية الصالحة
لأنك لو مادعيتي لي وش بستفيد من كل أطباء الدنيا أنا رجاي وأملي إنك توافقي ومن قلبك على هالزواج علشان ربي يوفقني ويرزقني العيال الصالحين والبررة وعاد ياخوي أنت وشطارتك ترى الأمهات قلوبهم طيبه ويصدقن الكلام إذا قدرت عليها أنت وحظك وأنصحك بالإبتعاد عن العصبية
وفرض الكلام والعناد ترى هاذا ماراح ينفعك إذا بغيت رضا الوالدين لازم إنك تسايرهم بالحسنى وتخفض لهم جناحا من الرحمة لعلا وعسى ربك ينزل في قلوبهم الهدوء والسكينة ويرحمون حالك ويوافقون لك بالزواج من إللي في بالك وأخيرا أسأل الله لك التوفيق في حياتك والله يعطيك ماتتمنى إن شاء الله تعالى .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

والله ما أدري كيف أرد عليكي الله يجزاك الجنة وخطتك خطيييييرة ما خطرت على بالي أبداً وبتكون سهلة
علي جداً لأني أعرف ناس شغالين في المستشفى يحضرون لي التقرير في ثواني بيض الله وجهك وبارك فيك ورزقك بر عيالك لكن الله يعين الوالدة بتنجن من الخبر

انا صراحه مأييد اختي (بنت الحكمي) في خطتها
واتمنى ان تتقبل وجهة نظري ,,
اولآ ,, انك ستضطر للكذب وتتشائم على نفسك وهذا خطأ ,,
ثانيآ ,, ستصدم والدتك بالخبر وستحزن كثيرآ لأجلك وحتى وأن أخبرتها بعد حين قد لاتكون راضيه بزواجك ورضى الأم اهم شيئ ,,
وانت يأخي لاتحاول انت تفعل المستحيل لتحصل على هذه الفتاه لأنك لاتعلم ماهي الخيرة لك لانك تخيل ماذا سيكون موقفك لقدر الله وتزوجت ولم ترتاح لهذه الفتاه بالتأكيد ستندم ,,
حاول الأقناع بالأسلوب الحسن بالحوار الهادئ وأستخير واسأل الله ان كانت خيرآ لك ان ييسر امرك او ان يعوضك خيرآ منها ,,
وفقك الله لكل خير ,,

المتفائله حياك أختي وكلامك على العين والراس بارك الله فيك أختي الكريمة أنا ماقلت يقول لها إنه عقيم أو غير قادر على الإنجاب أنا قلت يقول لها هناك عندي بعض الصعوبات في الإنجاب وبالنسبة للكذب هو فيه كذ ب مثله مثل وقت مايجلس يمثل على أهله فترة على إنه مريض نفسي ويمكن سالفة المرض النفسي تنتشر وبنات قرايبه وجيرانه يعرفون بالسالفة ولما يجي يخطب من بترضى فيه بعدين عقب سالفة المرض النفسي يمكن سالفة الضعف في الإنجاب تكون أهون عند بعض البنات لاكن مريض نفسي مافيه أي بنت بترضى ترتبط فيه وسالفة الصعوبة في الإنجاب ماراح تنتشر مثل سالفة المرض النفسي وفي الحقيقة هيه السالفتين كلها كذب بكذب بس وش نسوي أخونا إبن الأجواد مضطر يكذب على أمه لأن أمه إذا عرفت إن ولدها عنده صعوبة في الإنجاب راح تسكت وتتكتم على الموضو ع لأنها تبغى زواج ولدها ينجح لعلا وعسى ربنا يوفقه بالذرية الصالحة وإذا الأخ يريد البنت وعاجبته وإذا كان مقتنع في داخله بالبنت وصفاتها عاجبته ليش ما يتزوجها أمه مصيرها بترضى بعد الزواج لاكن إذا طاوع أمه في شورها وتزوج البكر وقلبه وعقله مازال يفكر بالمطلقة إللي في باله لأن صفاتها عاجبته مستحيل ينساها حتى لوكان مايحبهاولايعرفها خصوصا إذا لم تأتي البكر كما كان يحلم بها في صفاتها وأخلاقها وفي النهاية هاذي حياته وهو يقرر من يتزو ج لأن لا أمه ولا أبوه ولا أهله هو إللي بيعيش مع هاذي المرأة وهو من يقرر مصير حياته بس للأسف بعض الأهالي تحشر نفسها بالنص في زواجات عيالها
وتجلس تفصل العروس على كيفها والولد يلبس هاذا أنا أشوفه تعدي علا رغبات الأبناء وهضم لحقوقهم وإضطهاد لهم في المستقبل التمسك بهاذي العادات سئ للغاية أنا صراحة عن نفسي عندي ثلاثة أولاد لو كبروا وبغوا يتزوجوا مالي شغل فيهم بس راح أشرط شرط واحد عليهم كلهم أهم شئ صاحبة الدين وغيره ماهمني لو عمرها 80 سنة ويبغى يتزوجها مالي شغل فيه حياته وهو حر فيها لاكن إذا جاء لعندي بنفسه وقال دوري لي زوجة راح أدور له زوجة بنت حلال لاكن إذا كان في راسه شئ وعنده إمرأة يرغب بالإرتباط فيها هو حر في نفسه أنا ما أعترض عليه أحيانا الواحد يحب صديقه ويحب يرتبط في أخته صعبه أقول له لا ماتاخذها خذ بنت عمك أو بنت خالك أقرب لك ومن داخل العائلة ليش أحرمه من رغبته وأعترض على زواجه علشان كلام الناس هاذي حياته وش عليه من الناس وسوالفهم أهم شئ راحة إبني وسعادته عندي تسوى الدنيا بما فيها.

وأنا شطحت واجد عن موضو ع الأخ إبن الأجواد
ولاكن حبيت أرد على أختي العزيزة متفائلة وترى إحنى هنا أخوات والعين ماتعلى على الحاجب وكلامك ماعليه غبار وأتقبله بكل صدر رحب لأنه صحيح بارك الله فيك غاليتي .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

اشكرك على رحابة صدرك اختي الغاليه ,,
هذه كانت وجهة نظر والحكم لصاحب المشكله يختار الرأي الذي يناسبه ,,.
اسأل الله ان يوفقه لما هو خيرآ له ويرزقه الزوجه الصالحه ,,

بارك الله فيك يا (بنت الحكمي) واصلح لك ابنائك ووفقك لكل خير ,,
تقبلي تحياتي ,,,

نصيحه مني لك يا ابن الاجواد
انت قلت انك معجب بها وبشخصيتها من كلام الناس ولكن لا تحبها
اهلك هم اعلم منك بها لانهم خالطوها (ان كنتم اقارب)
انا لا اعارض الزواج من مطلقه لمجرد انها مطلقه بل المطلقه تكون احرص على انجاح الزواج الثاني
ولكن خذ رأي احد من النساء خالطها وعرف اخلاقها عن قرب
نسمع احيانا عن نساء تعجبنا شخصياتهم ونمدحهم ولكن اذا جاء مساله الزواج منها لاخي اتراجع
لان شخصيتها لا تنفع معنا ومع اخي بالذات
شاور احدى النساء الحكيمات كخالتك او اختك او ماتراه مناسبا لكتم السر
وفقك الله لمى يحب ويرضى

بالنسبه لسؤالك للمطلقات ؟؟؟
فانا أقولك أسأل عن سبب طلاقها اذا كان سبب الطلاق من أهلها أو من اهله وبسببهم ماقدرو يكملون حياتهم فأكيد باقي حبه فقلبها لأن اللي بينهم عمر وأيام حلوه ولحظات ماتنسى أما أذا السبب هو ان الحياتهم الأثنين كانت كلها مشاكل وانها هيه ماقدرت تكمل معاه فصدقني ماتشيل بقلبها له أي شي لأنها لو تحبه ماتتنازل عنه وتحرم نفسها منها وتنهي كل شي بينهم وترضى بفراقه وممكن تكون مجروحه منه وناسيته ..

جاوبت وانا لامطلقه ولا متزوجه >>> بس من ذكااائي الخارق .. وفطنتي ,,,

__________________
أنا {أنثى .. تفتخر لكونهــــا امــــــــــرأهـ وتجاهـــــــــــر بأنوثتهـــــا